正品蕃茄湯麵店 (已結業)

聖誕假期最後一日, 起身有D 唔舒服又唔想出街食野, 老公提議叫蕃茄麵外賣, 於是用APP 落單。呢間食店絕對係我之前好經常食既食店, 不論返工LUNCH 定放工買返屋企食。就算星期六返奶奶度食飯, 都會提議叫正品返去食。不過而家因為疫情關係少左出街食飯同多左自己煮飯, 所以有一段時間冇食了。我通常都會去大壩街分店, 之前有試過去街市街分店食, 發現果間食店好細, 座位較少, 同埋味道不如大壩街呢間分店, 食過一次後就冇再幫襯了。大壩街分店比較大座位寬敞, 不過用具比較污糟除左出名既蕃茄麵, 仲有飯食的。而且蕃茄湯底都有幾種選擇, 有酸菜, 有黑椒, 都好好食。外賣送到, 分湯的, 好好!我今次揀左墨魚餅蕃茄湯麵湯底: 酸菜蕃茄湯一打開個湯, 一聞已經聞到酸菜味, 垂涎三尺! 墨魚餅我覺得比起以前細塊左, 不過食到粒粒墨魚, 同埋唔會成口粉蕃茄麵放一陣湯已經鬆晒, 加埋酸菜湯底, 真係停唔到口, 連個湯都KO 埋腐皮墨魚卷蕃茄湯麵湯底: 黑胡椒蕃茄湯黑胡椒蕃茄湯底酸酸辣辣咁, 又有胡椒香, 正正! 腐皮墨魚卷有4 條, 腐皮好脆, 夾左入面有墨魚肉, 又脆又淋, 好食又好飽肚! 

同同事們見到原址餐廳轉左，所以去左試食，lunch time 都幾好多人下，如果遲去都要等下位。人氣推介係墨魚卷，墨魚餅，肉餅。仲有5個唔同既蕃茄湯底揀：普通蕃茄湯，酸菜蕃茄湯，西芹蕃茄湯，黑胡椒蕃茄湯，辣番茄湯。第一次去食時叫左個墨魚餅麵配普通蕃茄湯，個番茄湯底味道非常濃，唔會太酸甜甜地，令人飲完一啖左一啖，d 都亦都有好香嘅蕃茄味，同埋個湯入面仲有好多舊蕃茄😍好足料。但個墨魚餅就一般般，唔算好好味。當時有新開張優惠，好似$2一隻雞翼，d 雞翼個皮脆脆地好香口好好味～😋第二次去食時，我就叫左個墨魚卷麵配黑椒蕃茄湯，個墨魚卷好好味，入面d 墨魚滑好彈牙，有咬口，仲有成4塊甘多，食完覺得好滿足😋中意食少少辣嘅朋友就啱晒食黑椒湯底，唔會太啦有少少黑椒味，正！！有同事叫左肉餅，我都有試左少少，味道都好好，係有煎過既肉餅，咬時仲有少少肉質唔會太乾身。