德美壽司

营业中

休息中

評分：🐷🐷🐷🐷（5🐷滿分）餐餐食Omakase就真係冇錢了😢有時又想食下壽司食下熟食再食下串燒咁，有冇可能一餐滿足我三個願望呢🤔估唔到又真係有喎！今次同兩個寶寶一行三個女人去食，每人都係一百頭就食到飽一飽❗️有壽司有鍋有串燒❗️ 首先講下壽司拼盤先，拿當然你唔會期望佢係omakase廚師發板既質素，但質素都ok，價錢大概二百，咁既份量我覺得平時食飯都已經好可以接受喎！串燒我地試左三串，除左牛舌咸左少少（可能粉落得唔平均）之外，其他都唔差！雞軟骨串又平又正，可以一試喔～至於個鍋都好足料，又係烏冬底一定夠飽飽😋

很久沒有在尖沙咀開餐，原來厚福街已經大變天，有一楝全是食肆的大廈。這次又是根據網上食評，來了這間日本料理店吃晚飯。這店應該不算很大，不過根據網上資料，好似有室外雅座。那麼酷熱的天氣，當然坐在室內吧！與友人都很喜歡吃日本料理，隨便點菜都可以好開心。我們試了一客壽司拼盤、多款串燒（包括牛舌、大蔥雞肉、雞翼、安格斯牛肉）、炒野菜、薄刺身沙律和自家製腐皮餃子。份量大小挺適合，炒野菜不油膩，挺乾身的；串燒平均來說都很好，味道不太濃，不致蓋過了串燒食材的原味，很怕吃那些咸味很重的串燒；要一讚的是自家製餃子，像中菜的腐皮卷，餡料應該是雞肉和豬肉，不油不膩，腐皮又薄又脆的，再加醬汁一起吃，實在可口。沙律也蠻好，沙律菜新鮮爽脆，刺身份量也不少；壽司拼盤嘛，有我們至愛的拖羅和牡丹蝦（蝦頭可以脆炸或刺身吃），雖然也要三百多元，仍然覺得價值是適中的。還要分享一下飯後甜品，每位客人敬送甜品一客，是芒果汁三色糕（紅豆、綠茶和雲尼拿？）。好好味，糕上面有點芒果汁，不太甜，紅豆有豆茸的，實是令這餐飯生色不少。

試過德美的晚餐今我非常難忘, 今次黎試下佢午巿, 出乎意料地物超所值... 中午12點15分, 仲未到LUNCH 時間, 場內非常整潔安靜, 一看餐牌, 定食的種類也蠻多, 我想食壽司, 撇除了熟食, 就選了10多件的壽司拼盤也只是$128。其他定食也只是介乎 $60-$118 左右, 以這樣的質數, 真係物超所值.... 薯蓉沙律, 裡面有少少什果同埋西蘭花粒, 拌著少少沙律菜, 非常清新, 即時食欲大增。熱騰騰既日式蒸蛋非常滑流, 冬菇香味濃郁, 令人想一食再食。壽司拼盤的用料非常新鮮，驟眼望落去美得好似擺設一樣，最食人回味的海膽非常結實，散發著幽幽的香味，令人久久不捨得嚥下，卜卜脆的魚子，大大隻的熟蝦，厚厚的大元貝，還有我大愛的葱粒吞拿魚軍艦，令我一路打這篇食評，一邊在流口水，我決定一定會再回來的!這裡的服務態度也很好, 侍應小姐非常有禮, 加茶甚密, 忙而不躁, 在這裡也讚一下