kikusan

营业中

休息中

一直覺得到中環Lanemark就係代表貴，高級。無諗過係呢度都會有高質而價錢相宜嘅餐廳，餐廳環境寬敞燈光就比較暗，建議去之前先訂定位，因為如果你係walk-in隊龍真係好長，食物方面，自己最愛嘅係《kikusan roll》，材料新鮮，價錢仲只係$68！其他嘅食物都好好味。值得再去！！

今晚同friend食飯慶祝生日一行七個人一早book定檯先嚟到見到有條龍仔喺度排隊等位 好彩有book定呢度食物款式算幾多 而且每一樣都唔算太貴打頭陣既係差唔多個個嚟到都會叫Kikusan卷見到d吞拿魚蓉同埋海膽真係好想即刻放曬佢地入口🤤雖然呢個卷先$68 但係d海膽係超級鮮甜 完全可以比美出面d貴價日本餐廳配合好想既吞拿魚蓉再加上鹹香既魚子 兩樣食材都好新鮮 一齊放曬入口真係超滿足我地前後叫左三個先夠皮之後叫左個壽司拼盤不過呢個就有d難share我自己淨係食左一件三文魚壽司三文魚好肥美 肉質都一流脆炸軟殼蟹米紙卷又係好好味軟殼蟹上檯好熱辣辣 食落好脆外面層皮就增添煙韌既口感而且會令到成件事冇咁油膩千層豬扒擔擔麵就正常發揮豬扒唔係另外上既 浸左落d湯難免會淋左但佢好厚切 肉質都好嫩 完全唔會食到痴牙辣雞肉碎溫泉蛋飯係個friend點名一定要叫既一上檯覺得好似個pizza咁撈好曬就可以食得啦個飯唔算太辣 味道好豐富而且飯粒好Q 口感一流之後又叫左一個厚切牛脷煮大根我自己淨係食左少少牛脷佢煮到好淋 味道帶少少大根既鮮甜不過就有d難share最後在叫左個花生芝麻爐打滾佢係d糯米糍入面包住d醬

是日外勤，最後一站到了中環的置地廣場，順理成章，就與同事在這裡順道解決晚餐。看來看去，一間叫Kikusan的餐廳較便宜，一於到此。店方提供的菜餚混雜了各個地方的元素，有日式、韓式、中式、泰式、越式等等，所以我們可以吃完點心再吃魚生。中式的有燒賣、小籠包及擔擔麵。蝦肉燒賣平平無奇，就是吃了一球肉團。豚肉小籠包有湯汁在包裏，皮亦算薄，蘸了醋很滋味。最正的是千層豬扒擔擔麵，豬扒肉是一層層的，比起原塊豬扒更鬆更多汁，擔擔麵是上海麵條，極其腍滑，湯底更是濃香而順喉。日式的有Kikusan卷、魚生飯、壽司拼盤和芒果海鮮卷。Kikusan卷有海膽、拖羅蓉、青瓜、蔥絲等，合襯得非同凡響，難怪每枱都叫。角切魚生飯和壽司拼盤都是不過爾爾，不特別出色，亦未算差。反而芒果海鮮卷有很大件芒果，有些紅菜頭，而所謂的海鮮則只有一小粒，配菜多於一切，吃時只感到滿口的芒果。為了Kikusan卷，會再來的。

之前同朋友試過呢間餐廳一次, 今日帶另一位朋友黎。 Kikusan 卷係必定order 性價比好高嘅超級推介！ 價值$68, 份量唔少, 上面嘅海膽同吞拿魚蓉亦好新鮮！ 友人驚見價值後, 決定再來多一客！！！好~滿~足~呀！帶子壽司都好鮮甜。壽司拼盤係懶人嘅好選擇, 有6件, 差唔多每件都唔同嘅。待應不時加暖水, 好貼心燒物選揀左煙肉露筍串同雞翼。 雞翼味道ok, 但好似乾左啲。不過, 淨係為左個Kikusan 卷都值得再光臨！！！

FUSION菜好岩同成班同事去食, 因為唔洗就來就去, 大家都可以揀到想食ge野。呢間餐廳位於中環LANDMARK, 返工食LUNCH好方便, 所以今日就約左幾個同事一齊去食。去到見到好多人排隊, 但係餐廳好大, 所以只係排左大約15分鐘左右, 都可以接受。我叫左個壽司拼盤, $108, 覺得質素OK, 但係份量少左D另外嗌左份豚肉小籠包, 皮薄, 肉都好新鮮, 成隻擺落口都唔會太熱 (當然有人會覺得應該熱到滾先好食啦)但係侍應冇俾匙羹我地...食小籠包好唔方便...雖然等位唔耐但送餐就等得耐, 我地差D以為漏單。至於朋友食左個炸雞親子飯, 覺得味道好淡, 呢D希望可以改善一下!但整體來講, 以呢個價錢係中環食LUNCH, 環境同食物我覺得都係唔錯ge, 應該間中都會再食!

Lunch的時候終於和同事去了Kikusan排隊，平日條龍真的好長，幾驚嚇😱但這次只排了差不多十五到二十分鐘，尚可接受。我和同事兩人一開始點了三個菜:芝麻冷菠菜：有點清淡，醬汁也不是很特別，但作為涼菜還可以。牛油果凍豆腐:本人十分喜歡牛油果，非常喜歡這個新鮮配搭，個汁酸酸哋，好refreshing。壽司拼盤：老實說壽司的質量中規中矩，不是特別優秀，但是那個roll的綠色外皮幾得意，好像是pancake。吃完之後還是覺得唔係好夠，所以再點了一份燒鱔。150幾蚊，細過手掌，唔係好抵食，但是味道不錯，異常的juicy，我和同事都覺得是水準之作。下次還再會去試一下它那個豬扒和鰻魚飯。