YAMA (裝修中)

上個星期去咗同様係Royal 成員嘅Alva House食自助晚餐，覺得服務差、雖然食物質數算唔錯，不過唔係好值咁多錢。前晚去咗沙田帝都酒店YAMA食半自助晚餐，覺得好奇怪，點解同一集團，價錢差唔多，但係服務態度同食物質素可以咁大分別。坐低冇耐已經有人埋嚟話：「你哋人齊，我同你上個刺身拼盤先。」拼盤嚟到未食已經覺得好新鮮。先試帶子刺身，非常鮮甜，成碟嘢唔使一陣就清晒。超正！未上主菜，話明半自助餐，梗係睇吓有冇乜嘢好食啦！雖然食咗好正嘅刺身，都攞咗啲壽司食，款式唔多，不過都新鮮👍🏼，蟹籽沙律唔係碟碟都咁多蟹籽。😅食完一輪凍嘢，佢哋上個海膽茶碗蒸，第一次食有海膽嘅，梗係有啲期望，味道okay 啦，不過望落同食落去，都好多透明嘅芡汁。我個人覺得麻麻。燒物同炸物都有，但係佢哋冇逐樣寫係乜嘢，例如雜錦天婦羅，你就要估下係乜嘢。😂主菜我哋揀咗鰻魚同埋要加$100嘅龍蝦。兩個質素都好得。鰻魚唔太甜，魚質嫩滑，大型超市買嗰啲冇得比。龍蝦全隻新鮮多肉，加$100都值！甜品同生果就唔好期望咁多啦😅，好彩個餐有焙茶雪糕送，仲會有禮貌咁問你食完嘢上得味未。😊整體嚟講，今餐食得開心，最正係刺身同主食，服務態度非

有一陣子無去帝都酒店，原來新開左呢間食半自助餐的yama。平日lunch 388 一位, 包自助前菜燒物甜品壽司天婦羅，種類都不少，壽司唔係多款但都好新鮮，每次都係得幾件，拎左師傅再整番補上。推薦魚蓉壽司，甜蝦壽司。天婦羅吉列豬魚都好好食又夠熱，燒物有牛舌雞串菇類，仲有幾款鹽同檸檬配搭。甜品大福都好食，唔會太甜，仲有兩款水果（蜜瓜好甜）主菜要左加錢的龍蝦，新鮮彈牙，係個日式醬多左d，搶左海鮮味。可惜太飽，試唔到冷烏冬同冷盤。整體而言，性價比都幾高，座位亦寬落，服務態度幾好。

好耐都冇同過屋企人出去食自助餐, 咁岩係網上見到呢間餐廳有個半自助餐, 於是就好奇黎試下, 由中午12點開始至下午3點, 可能是平日的關係, 當日的客人唔多, 餐廳內環境寬敞, 坐得幾舒服, 員工亦有禮貌地招待。食物方面, 每人可以選擇一份主菜, 而其他配菜就以自助形式任食, 主菜我們加錢點了燒龍蝦和壽喜燒，龍蝦燒的剛剛好， 肉質新鮮不會燒的太乾。壽喜燒的和牛薄片很大塊，入口即溶，而且分量幾多。自助的食物種類也不少，有沙律，串燒，壽司，炸物，刺身，甜品，飲品。炸物都是新鮮炸， 香脆可口。 當日同屋企人食完之後感覺好飽好滿足。