Little Vegas

营业中

休息中

食飯除了講求食物質素外，氣氛環境也很重要，尤其是和朋友見面坐得耐的時候。今日就和朋友到銅鑼灣一間玩味十足的餐廳食飯吹水。餐廳以賭城為主題，每一角落、壁畫、擺設等都花了心思，可供客人細味。窗外是馬場景，相信在跑馬日子又有另一番風景。午市餐牌選擇頗多，送餐湯和飲品，有不少特色朱古力飲品都不用加錢。另外還可以優惠價追加小食。🔶香草烤焗鱸魚配日式芝麻醬（$118）我和朋友都點了鱸魚，鱸魚皮脆肉厚，已切件方便食用，鱸魚下方的薯角不但炸得酥脆而且份量十足，伴碟的沙律菜還有蟹柳絲，配芝麻醬得很清新。🔸水牛城雞翼6隻（+$42）雖然雞翼不是好大隻，但好厚肉，味道偏甜好惹味。這款雞翼小食可以水牛城和柚子味雙拼的，不過我落單時唔記得講🫣。🔶迷你隨機小食拼盤（+$58）隨機即是無得揀，結果我們分配到薯角、炸魚手指和魷魚圈。炸魷魚圈最好食，魚手指也不錯，兩樣都外脆內軟。由於鱸魚已有薯角，於是就覺得薯角食不完。🔶維也立咖啡（+$0）在柔和的忌廉下面是滑潤微苦的咖啡，最後是甜蜜的糖漿，幾特別。🔶夏威夷果仁朱古力（+$0）雖然我嚐不出夏威夷果仁的味道，不過以朱古力來說是味濃醇厚好好飲。

成大半年無黎過 Little Vegas，今日就約左友人黎食返個lunch先。呢度平日有做午市套餐餐牌，包一份主菜，餐湯，咖啡或特飲。主菜有八款選擇，有沙律，意粉，燉飯，比薩，三文治，早餐，肉類等。價錢由$78至$108，設加一。粟米忌廉湯（跟餐）今日既餐湯係粟米忌廉湯，有粟米粒係入面，其他就真係忌廉湯咁，熱辣辣，飲完暖笠笠。煙燻三文魚蘆筍忌廉意大利麵 $88+10%落單冇耐就上到枱，好高效率。意大利麵係超幼身spaghetti，都有d咬口唔過淋。呢個意粉係少有料多過麵，煙燻三文魚喺熱力之下已經熟左，但係味道冇乜問題，唔會太乾，蘆筍新鮮，仲有好多爽口菇片，洋蔥同新鮮豆苗，撈埋個忌廉汁好食。忌廉汁係較薄身嗰隻，如果厚身d會仲好食。賭你運氣命運披蕯 $98+10%記得呢度既披蕯好好味道，一定要叫翻個試下。披蕯一開六塊，賭你運氣披蕯即係隨機配料，今日配料有少少辣既辣肉腸，蟹柳，爽口既菇片，好多芝士同洋蔥，面頭灑上少少新鮮菜苗，食落啖啖肉同滿口芝士，加上超薄既脆底，多重口感同味道，食完半個都唔覺滯，呢個價錢絕對抵食！魷魚圈 +$28+10%跟餐可以加錢要小食，加$28可以叫魚手指，魷魚圈或洋蔥

一年之前吃過一次，已經覺得很好吃。今次我們沒有訂座，即興走上門walk in ，等了15分鐘左右就安排入座。我們叫了明太子忌廉天使面，雞翼好多重奏（選了水牛城，痳辣，柚子口味），牛油果炭燒雞排漢堡，命運賭城小食拼盤。明太子忌廉天使面果然是招牌菜色，少少辣味更加過癮好吃！值得推薦！雞翼好多重奏（選了水牛城，痳辣，柚子口味），三種口味各有特色，而我最喜愛水牛城，微辣得來不會很辣，而且愈吃愈上癮，其餘兩種也很好味。牛油果炭燒雞排漢堡也很大份量，雞排大又厚切，可能我先吃了水牛城等辣味雞翼，這個相對比較清淡。命運賭城小食拼盤就是薯角，炸魚柳，份量也很多，因為太飽我們沒有吃光。飲品方面我選了夏威夷果仁朱古力，很好喝，果仁味很濃厚。

整間餐廳裝修好特別 牆上面有好畫作同句子餐單都好有心思忍唔住每一頁都好認真睇🍕孖寶比薩 （$128）岩晒些咩都想試的我 試左賭城至尊同蒜香辣肉腸沙茶風味比薩各自有三塊 係薄薄脆脆的比薩推介辣肉腸沙茶風味上面有超多芝士同醬汁完全蓋過下面的辣肉腸 超級惹味🎰命運賭城小食拼盤 小份 （$88）係隨心抽中些小食款式唔算多 有雞翼 薯角 洋蔥圈 魚手指睇番人地食評 好似有法蘭克福腸 同啡菇 可惜抽唔中 真係睇好唔好彩😂😂😂全部都是炸物 唔算太特別 但超大份🐷秘制醬汁焗豬肋骨 半份（$116）豬肋骨好入味 甜甜咸咸地但肉有少少韌 🍫夏威夷果仁朱古力 ($48)好少地方見到試這款朱古力飲品陣陣夏威夷果仁味 配埋朱古力係不錯的配搭 口感幾滑身 唔會好甜

銅鑼灣呢間樓上餐廳之前已經好想試，聽講平時好多人等，所以提前訂左位。要注意入座後有時間限制，90分鐘。上到來覺得呢間餐廳既裝修非常特別，設計充滿玩味既感覺，無論牆壁上既漫畫，還是所用既名句，都有一種熟悉既感覺。餐廳既座位足夠寬闊，坐得好舒服，亦有長枱適合大班人聚會。焗波特菇3大個菇，份量足够，食得出新鮮有菇味。菇食落外乾內濕潤，入口夠彈牙, 有口感。另外芝士加係上面，非常之香，而且可以做到拉絲既效果。明太子忌廉天使麵一上枱，木魚已經係天使麵上面好生猛，好有動感，哈！明太子既份量超多，完全同忌廉汁融合係一齊，味道好濃郁。而天使麵煮得軟綿綿，每一啖天使麵都沾上濃郁既明太子忌廉汁，味道好夾。福•JUICY牛肉芝士漢堡作為漢堡愛好者好想試一試，除左漢堡扒外，仲有生菜、蕃茄、芝士同洋蒽，呢個配搭絕對係最佳，加埋蜜糖芥末汁。餐廳好细心幫我地切一半，方便進食。漢堡扒肉質夠哂滑嫩而且好厚，食落好有牛肉味。而脂肪比例我覺得啱啱好，食落唔會太油膩。而配菜就做到好好嘅健康配搭。而薯角炸得好脆，唔會好硬，每一塊都充滿薯仔，好滿足！夏威夷果仁朱古力叫咗一杯朱古力做餐飲，一上枱已經覺得拉花圖案好得意。令我最滿意既