立鮨 (金馬倫廣場)

营业中

休息中

每隔一排都會好想食壽司，而立鮨就係我嘅食堂之一，冇食一排，原來加左凳，立鮨變左「坐鮨」🤣唔洗再企係度食，舒服好多🤩夜晚去食每次都要排隊，等咗約大半個鐘終於入得去啦，真係超肚餓🫨火炙左口魚邊壽司 $28三文魚壽司 $9鰻魚壽司 $20自家製玉子壽司 $9珍寶甜蝦壽司 $23芥辣八爪魚軍艦 $13火炙三文魚腩壽司 $26劍魚腩壽司 $26每款壽司都好新鮮，而且啲壽司飯唔係普通日本白飯咁簡單，係有撈咗醬油調味，所以味道更佳✨特別推介左口魚邊壽司同芥辣八爪魚，左口魚魚油充足，入口即溶，啲魚油包住我成個口🥹 然後鍾意食wasabi 嘅朋友一定要嗌芥辣八爪魚，我食到標眼水但都一定要食🤣🤣大吞拿魚腩壽司 $49見到佢用個特別碟上枱就知唔係碎料，真係一分錢一分貨，吞拿魚腩油脂分佈均勻，上面加埋洋蔥一齊食，一啖放哂落口，簡直係味蕾大享受🤤想食高質壽司又唔係有好多budget 就一定要食立鮨，佢有好多間分店，總有一間係你附近！🤗

星期四好彩再次買到賞你食立鮨$200買$400現金卷，所以決定今晚去尖沙咀再次挑戰立鮨用$200食價值$500嘅壽司☺️我哋今次叫咗好多比較特別而價錢亦比較貴嘅壽司：🐟日本真鯛壽司（$20）- 味道有啲似魚味重啲嘅油甘魚，口感滿足😉🐟喜之次壽司（$58）- 燒香嘅喜之次魚味道頗為清淡，雖然都好味，但我自己覺得喜之次都係獨立全條食好味啲🤨🐟✨中吞拿魚腩壽司（$38）及大吞拿魚腩壽司（$48） - 入口即溶而且充滿魚油味🤩，大吞拿魚腩更加有魚筋嘅口感，十分之好味😋🐟✨吞拿魚鮫壽司（$58）- 同吞拿魚腩一樣入口即溶，而魚鮫特別之處為味道比魚腩更香、更有魚鮮味😋其實我哋仲有食咗好多其他壽司，全部部都好好味😋 ，上面嘅價錢係未折嘅，計埋加一大約只需俾半價💰，半價黎講，廿零蚊食吞拿魚腩真係非常之抵食🤩，性價比極高！

星期六同女朋友拍完拖，由於琴日食完啲重口味野，我地都心有靈犀地想食翻清淡少少。所以好有默契咁去左我地經常去嘅立鮨。雖然呢到要企係到食，但可以用到好親民嘅價格食到高檔嘅食材，絕對係出得廳堂又錫住銀包！大吞拿魚腩壽司：極之肥美，入口即溶，油脂十足，一口下去，我地每人都忍唔住再點多幾件！鰻魚壽司：真係可一可再，單睇厚度就可以想像放入口中嘅滿足感，加上舊鰻魚仲多過飯，食呢舊仲爽過吃一碗鰻魚飯。三文魚籽軍艦：都算係賣點，滿到跌出軍艦外面🤤 一啖啪落去，三文魚籽係口中爆開的感覺，超級滿足！店面麻雀雖小，但五臟俱全，雖然係企係到食但是一啲都唔覺得擁擠，茶水醬油位置都整齊擺放，俾我哋可以好好享受一下立食文化。‼️推薦必吃單品1⃣️火炙大吞拿魚腩海苔壽司2⃣️鰻魚壽司3⃣️三文魚籽軍艦而家消費滿 $500仲會 有$100優惠啊！