一本食堂

营业中

休息中

其實🐻都寫好多字既食評，但其實有睇既可能唔多，試下唔寫咁多，就單純咁分享上星期去觀塘食到既一間日本餐廳，食物種類幾多，最得意係佢哋既紙杯已經暗藏茶葉係底，一沖水就有茶飲🍵 野食方面可以話令🐻幾有驚喜 😜 ⁡🐻の試食‼️⁡✨鹿兒島豚肉蜆肉鍋轉烏冬 $72+$13✨鹽燒牛舌(一串) $23 ✨蒜香牛油三文魚骨腩 $40✨珍寶赤蝦刺身(一隻) $9✨三文魚近腩刺身(4片) $62✨火焰壽司拼盤(6件) $118✨大大花之戀 $36

觀塘好多各式各樣嘅樓上餐廳，今晚返工過嚟呢間食日本嘢嘅。樓上舖可能因為租金平啲，空間可以寬躺一啲，呢度樓底高，燈光較柔和， 感覺好舒適。【日本赤穗蠔】蠔係即開嘅，好大一隻，不算肥滿但好Creamy，點一隻都有跟冰盤及有齊配料， 值得Encore！【大大花之戀】真係好似佢個名咁大大件，要切開先放到入口， 哈哈！呢個價錢嚟講真係超抵食！【牡丹蝦+ 鮮帶子+ 三文魚剌身 】呢碟係特價餐牌嘅，唔係因為特價個份量就細咗喎，刺身都新鮮美味。【滑蛋吉列豬扒鍋飯】定食跟麵豉湯同前菜，晚市都只係50幾蚊，太抵食喇掛，而且都好味㗎喎！驚喜位係鐵鍋上有少少飯焦， 而且飯嘅份量好多，啱晒大食嘅我，哈哈！今餐令我最回味係個蠔，但要留意Menu係搵唔到㗎， 店員話會不定期轉時令新鮮蠔，但款式太多經常轉所以唔印落Menu，鍾意食蠔嘅朋友可以問店員介紹返！