甘饕 (已結業)

新同事知我鐘意周圍試新野， 介紹我去銅鑼灣由鏞記既後人開既小店， 試下招牌菜🤭。 （5⭐️最高） 大少叉燒煎蛋飯 （5⭐️) 厚厚叉燒（用上盛五花腩👍🏻）， 用鼓油、洋蔥， 輕輕起了一個汁，配上太陽蛋， 嘩… 真係同傳統密汁叉燒唔同🔥。厚身咬落好細滑、個汁只是用來輕輕托起肉質嘅鮮味。 好想再去食呀🤤🤤燒鵝瀨粉（5⭐️）近鵝脾位置， 比較多肉。 皮、肉之間唔太多脂肪😏， 啖啖肉👍🏻。 瀨粉份量足料， 湯底清甜， 無添加味精👍🏻， 好正老火湯（5⭐️)足料老火湯， 內有雞腳、豬骨等材料，入口鮮甜🤭

今日帶auntie出銅鑼灣食燒鵝，選銅鑼灣是因為「甘饕」是由鏞記第三代長子打理的燒味專門店，可以吃到有水準的燒鵝。店鋪不是好大，座位還算闊落。燒鵝瀨粉（$83）賣相討好，外皮棕色帶紅，色澤均勻，肥瘦適中，味道也適中，油脂甘香，確是有水準的燒鵝。瀨粉爽滑，湯底清甜。大少叉燒煎蛋飯（$88）用梅頭豬肉厚切的大少叉燒非常軟腍，醬汁是洋蔥汁，比普通豉油汁多一份層次，加上半熟流心煎蛋，非常好送飯。白飯口感偏硬，飯粒分明，加上叉燒和煎蛋，色香味俱全。例湯：冬瓜豬骨湯（$0）夠曬火喉，很濃郁，飲完好舒服。

昨日到銅鑼灣買嘢，途經鏞記後人嘅燒鵝專門店 "甘饕"，係門外廚窗見到掛滿唔同燒味，十分誘人！餐牌裡都有幾多選擇，包括招牌燒鵝/燒味、滷水、特式撈麵、煲仔菜、小食，以及二人/四人套餐，款式唔錯。甘饕燒鵝燒鵝以秘方炮製而成，外皮香脆，入口鬆化，肥瘦均勻，外脆內嫩，皮下油脂豐富，帶有煙燻味道，所以食起嚟又香又脆又多汁，用來送白飯或者爽滑瀨粉都咁夾。大少叉燒煎蛋飯  依度啲叉燒好獨特，用三個部位來製作靚叉燒，叉燒分3大類 : 第1款係大少叉燒(用梅頭豬肉)、第2款係肥燶叉燒(用五花腩肉、第3款就係蜜汁叉燒(用瘦豬肉)。依碟係大少叉燒，第一次見咁厚切嘅叉燒，梅頭肉軟腍有咬口，肉質鮮嫩細膩，煎蛋脆口，淋上洋蔥醬汁，口感豐富，推介！配埋個白灼時菜，簡簡單單碟蠔油菜心，解膩一流  ;  而老火湯係每日唔同款，好有住家湯嘅味道，當日係合掌瓜蘋果煲豬展，非常清甜，健脾解燥，滋潤美味。配埋凍同熱檸茶，茶底香濃解膩。

鏞記燒鵝出名就人人都知而今次朋友帶我去食既正正係鏞記後人所開設位於銅鑼灣既「甘饕燒鵝」♡ 是日餐湯霸王花豬骨湯🍖足料靚湯 · 飲完都唔會口渴♡ 全鵝胸飯 轉瀨粉（$118+$3）一場黎到當然要試試佢地既燒鵝鵝皮入口香脆 · 油脂夠哂香🤤就算係鵝胸部位肉質都唔乾柴 · 仲幾嫩滑💦瀨粉唔會一夾就斷就算食到最後鵝皮依然香脆💥♡ 大少叉燒煎蛋飯（$88）叉燒係用新鮮梅頭肉所烤製4舊超厚切既半肥瘦叉燒🍗肉質軟腍 · 調味岩岩好而特調既醬汁加埋煎蛋🍳撈飯一流🥰