餃掂手工餃子雲吞專門店

好味餃子專門店！之前喺灣仔試過呢間嘅餃子店，覺得幾好味。喺堅尼地城再幫襯多幾次，覺得佢嘅湯冇乜味精，唔錯！餃子嘅質素都保持到一貫嘅水準，又有唔同嘅口味選擇，上菜速度都幾快。枱面上仲有酸蘿蔔提供可以夾住餃子一齊食，非常推介！壽喜燒牛肉餃10隻$72- 呢款牛肉餃子比較特別，壽喜燒汁調味會重啲，偏鹹。餡料充滿肉汁，食到牛嘅味道，相比起豬肉餃，肉質會實啲。食一啖餃子，呷一啖湯，剛剛好。大白菜豬肉餃10隻$56- 大白菜普通左啲，冇乜特別。芫荽豬肉餃10隻$61- 如果鍾意食芫荽，我極力推介呢款餃子！非常重芫荽香味，餡料好飽滿，好味道！一個人食晒10隻都完全冇問題。香煎軟心芝士餃10隻$68- 我建議煎餃可以同朋友share，呢度煎得油膩咗啲，餃子皮煎得香脆，但都沾上唔少油，加上軟心芝士都比較膩。芝士味道鹹香，同普通豬肉湯餃完全唔同食法，值得一試。大滿貫素餃10隻$66- 因為素餃只有焯餃，唔會跟湯，所以轉軚試吓煎餃。素菜餡料都幾飽滿，落重麻油，比較油膩，不過口感都幾爽口。

今日同媽媽去食餃子🥟，呢間店舖有素餃子選擇，真係啱哂素食🥬人士，等佢地有多一個選擇。呢到嘅餃子真係好多唔同款式，仲有粉麵及小食 呢到嘅餃子🥟有 灼餃子、煎餃子，如果係食素餃子要灼餃嘅就無湯得餃子，如果揀湯餃子，就會跟狀元九鼎湯，真係都有好多款選擇 枱上仲有酸蘿蔔、辣椒🌶，食番幾粒酸酸蘿蔔，夠哂開胃，醃得好正好爽好入味 媽媽就揀咗兩款餃子野生松茸素餃🥟 煎餃 7隻 $55媽媽話勁好味，勁足料，粒粒松茸，鮮甜好味；因為係素餃，無豬肉在內，食到香濃松茸味，原汁原味，正 大滿貫素餃🥟 灼餃 7隻 $53皮薄餡靚，皮薄到睇到哂裡面啲餡料，裡面夾住菇菌類🍄、菜苖🌱、瓜類等；成隻餃子滿滿餡料，勁足料有咬口 而我就揀咗元貝豬肉餃🥟 煎餃 7隻 $48一咬開會見到啖啖元貝絲，好香元貝味，夾埋金菇芹菜，好足料 日本龍鳳蛋🥚 2隻 $32蛋上面放上黑白松露醬，又香又鮮甜，流心蛋仲好滑又好味 野味酸辣雲耳🌶 $25酸酸辣辣又香又脆口，有紫洋蔥，份量都多架 熱蜂蜜檸檬薏米水🍋 杯裝 $20 x2飲番杯暖粒粒嘅蜂蜜檸檬薏米水，暖胃得嚟又滋潤喉嚨，又唔甜，真係好好飲，粒粒薏米軟綿綿 @餃掂西環士美非路12號文光閣地

呢間餃子店分店愈開愈多，最近開到嚟堅尼地城，作為經常係西環出沒嘅寶寶又點可以唔嚟試吓呢🤣龍鳳松茸雙煎餃 ($86)咁多款之中我最中意食呢款，黑白松茸相拼，松茸份量一啲都唔慳家，有濃濃嘅松茸香，香口惹味😋大滿貫素餃（灼；中碗）($48)呢個素餃有三色豆、西芹等蔬菜，可能因為全部都係素菜冇肉，所以口感比較硬，呢款都係比較適合素食者食🤣壽喜燒牛肉餃（煎；中碗）($56)牛肉餃嘅肉質冇龍鳳松茸餃咁飽滿，但味道都唔錯，又幾鎖汁～龍鳳蛋(碟）($32)呢款其實係配上黑白松露醬嘅日本溏心蛋，呢碟一隻係溏心，另一隻偏熟，好明顯地溏心多好食好多😆蜂蜜檸檬薏米水（$20）應該係自家製，飲落甜度適中，舒喉暢胃，係健康解渴之選～整體嚟講呢間餃子店勝在多創新嘅款式，煎餃香口惹味，可以一試～