湊湊火鍋‧茶憩 (K11購物藝術館)

营业中

休息中

朋友極力推薦湊湊火鍋之外🍲仲提醒我一定要飲佢哋嘅珍珠奶茶🧋未抽到時間打邊爐經過見到有得外賣珍奶決定一試佢甚麼料子～☺️第一次飲梗係叫朋友+店家推薦嘅大紅袍珍珠奶茶我自己就叫半糖走冰朋友就叫7分糖少冰可能當日係星期日咁啱去到我哋就賣哂珍珠要等15分鐘先煮好反正唔趕 落兩層行個圈上返嚟嘢飲已經準備好🤙🏻嘢飲比我想像中大杯好多以為開喺K11 Musea呢啲地方會貴精不貴多茶味獨特 珍珠又夠多絕對抵飲之選‼️不過唯一挑剔地方係枝飲筒太窄 珍珠成日kick住筒口🤭一個人唔太餓嘅情況飲哂一杯真係飽到上心口

當日是平日下午去，有六時前離席八五折優惠，盛惠$350一位，台式麻辣鍋入面既鴨血同豆腐任食，麻辣湯底藥材味濃，好香；番茄牛膝骨清甜，但應該味精落五少，湯底還有兩大舊牛膝骨，好軟霖，好正😍火鍋料方面，企鵝形墨魚丸好濃墨魚味，不過一隻隻企鵝係湯底浮浮沉沉真係有d恐怖😱烏雞卷五錯，有彈性；毛肚鵝腸棒棒糖精選牛肉都有d災難，尤其是精選牛肉，雖然係最平既一款，但都要百幾蚊，五洗en到咁掛😰鵝腸都係，淥十秒好似食緊橡筋，五好點珍珠奶茶好五錯，茶味好香食到一半店家還會送沙冰清清口，最後奉上梅子凍，梅子凍梅子味有d浮於表面，但茶味濃郁，ok，最後waitress仲打包左兩盒鴨血豆腐比我地，有得食有得拎😜總結:呢間火鍋店裝修有格調，野食裝飾有心機，打卡一流，湯底亦五錯，服務好好，可惜食材大部分普普通通，但我地都食得好開心，整體而言不錯味道:6/10價錢:5/10服務:8/10環境:8/10CP值:6/10

朋友兩個人即興想打邊爐，諗起呢間新開嘅台式火鍋，打電話上去book枱不過冇人聽。到7:00 walk in試吓睇下有冇位啦，佢嘅位置喺商場零零舍舍一個角落頭，都有啲難搵，要問人先去到。門口嘅裝修幾靚，仲有幾張枱俾你等位嘅時候坐，但裡面地方唔大，好彩我哋有最後一張二人枱就唔使等。我哋就坐正門口嘅枱，算係闊落，張枱仲可以叉電。醬料區有埋前菜，水果同白飯任攞，但其實係好似飲茶咁收咗茶錢店員例行介紹哂啲茶啊醬料區啊之後呢就正式開波。先揀湯底，唔食辣嘅兩個人揀咗花膠鮑魚雞湯所謂花膠原來係豬皮？撈匀全煲撈到四粒波子咁大粒鮑魚，雞同菇就好多。試飲過湯，杰撻撻，胡椒味好重，好似食緊碗仔翅一樣。食物嘅選擇就一般般，普通打邊爐嘅配料，冇咩特別嘅食材。我哋兩個都唔係大食嘅人，叫咗幾樣嘢樣樣試下。牛肉分幾個等級，叫咗最平98蚊嘅肥牛，一碟羊，一個細蔬菜拼盤，同一個打卡用嘅棒棒糖，其實係魚蛋。份量算係有良心，兩個人食到頸飽，味道就不過不失啦，食落無乜特別咁囉。呢度仲有賣珍珠奶茶，超大杯，不過味道都係無乜特別，三十幾蚊都抵飲嘅。有細細杯沙冰同甜品送，仲有一人一盒鴨血比你外賣帶走添。埋單七百幾蚊。呢間火鍋試過之後，