BASAO tea (白沙道) (已結業)

蛋糕外觀好靚、擺盤亦好精美，可惜價錢偏貴。辣醬雞肉多士：辣味適中、菜與肉及酸種包配搭得宜，但雞肉煮得較老較鞋口，酸種包脆身得來有點太硬，幸好配辣醬及菜一起吃不會過份乾身。手撕豬肉Burger：炭燒煙薰味重、Juicy可口，肉絲幼細，漢堡脆口，但整體味偏甜；拌碟沙律清新、青蘋果片新鮮爽甜。大紅袍黑糖麻糬蛋卷：以大紅袍命名但被黑糖味搶Fo、茶味卻非常淡口（近乎沒有茶味），麻糬軟林不煙韌，蛋捲少許乾身。特濃抹茶慕絲蛋糕：蛋糕上層抹茶慕絲濃、不會太甜也不苦澀，但下層抹茶戚風卻只有香精的假抹茶味。岩茶牛奶：岩茶原來是烏龍茶，飲品茶味及奶味平衡、甜度適中，如茶味更濃會更好飲。整體性價比低，但甜品令人失望。店內人流不多也是個chill下的選擇，但一個lunch 兩份咸食+ 小蛋糕及1杯飲品索價接近$400，間中1-2次可接受，但可以有更多其他cafe選擇。另外，有些店員一邊在水吧食野一邊與整食物/飲品的同事聊天，令人擔心疫情下衛生問題，希望餐廳可加強員工衛生意識。

一黎到店員友善打招呼，比我地任意揀位～有限時1.5小時，但提醒如果冇人排隊可以繼續坐🌸本身Jenny都幾欣賞佢的flexibility，但最後的體驗都幾失望😟下面再講門口有面向街的大趟窗，雖然成日講窗邊位係最正嘅，但景都好緊要既🥲街外人來人往，雖然係內街，但銅鑼灣嘛🙂雜聲都多，而平時必影窗景但呢度係要避人⋯都有啲考影相技術。但係度最剎食真係窗邊位already。入面行過一圈係比較平凡的卡位。Jenny建議你揀靠出面「Basao」牌啲的窗邊！有排窗又靠三角牆，出面排櫈都比埋你影，贏晒！𝙁𝙤𝙤𝙙去到個肚介乎想食野但唔想heavy？見到沙律同wrap,正餐選擇有啲少，Jenny建議直接go for dessert! 🍰大紅袍黑糖麻糬蛋糕卷 $52Wow雖然睇個個推介，但Jenny忍唔住講：真係好食！茶味夠濃，仲有層次感，慢慢等味蕾適應完茶味後慢慢濕潤到最後食到啲黑糖😍😍食開甜品的Jenny都好享受🌸🍰大吉嶺紅茶蛋糕卷 $52呢個顏色好靚！入口冇咁甜，清清地但食到mochi個下幾驚喜😍𝘿𝙧𝙞𝙣𝙠𝙨🍃焙茶牛奶 $45呢杯個味會出啲，本身唔太愛綠茶的友人都幾中意！🍂伯爵茶牛奶 $45外貌幾討好，飲

雖說咖啡店愈開愈多，其實專飲茶的小店都慢慢出現，而且都吸引唔少人光顧。想喺銅鑼灣品茶，位於白沙道的Basao Tea是好選擇。店主特別到世界各地搜購茶葉，提供各式各樣的茶款，由中到西都有，而這裡的甜品亦同樣有「茶」，讓你能喝茶，也能吃茶。龍井冷泡茶 $68外型無得輸，將清澈的龍井茶注入樽內，整體看起來很像香水樽，而且打卡一流。除了擁有外表，同時有「內在美」，好滑口，還傅來清新淡香，搖擺烏龍 $65混合了蘋果汁，果香中夾雜陣陣茶香，味道甘甜，還有啫喱增加口感。豆腐慕絲抹茶蛋糕 $55白雪雪的外表相當精緻，就像是一磚豆腐，內裡是綠色的抹茶蛋糕，豆腐味非常濃郁，質感幼滑，配搭同樣有濃郁的抹茶味蛋糕，兩者配搭得剛剛好。另外，甜品還有大紅袍黑糖麻糬蛋糕卷和大吉嶺紅茶蛋糕卷，下次要試試。

🍂大紅袍黑糖麻糬蛋糕卷 $52 (8.5/10)⁣一見到佢地啲卷蛋就好想試晒佢🤎⁣蛋糕唔會好乾，超濃大紅袍茶味，幾驚喜🥰⁣麻糬好有黑糖味，因為平時有好多地方整嘅黑糖麻糬唔算好食到陣黑糖味，呢到食到晒💕⁣忌廉都係有茶味的，整體唔會好甜，我同朋友都幾鍾意依個卷😆⁣⁣🍰豆腐慕絲抹茶蛋糕 $55 (7/10)⁣外表四四方方，切入去係一層層的抹茶蛋糕🍵⁣食落豆腐味超重，幾軟滑🌬⁣但係可惜位係食唔到抹茶味，比豆腐味搶晒～～⁣⁣🍇黑加倫子冰紅茶$55 (7.5/10)⁣未攪勻飲係滿滿紅茶味，攪勻之後係勁酸酸甜甜～飲落唔似黑加侖子味，但好fresh同勁開胃🌞⁣⁣

黎到銅鑼灣呢間cafe，3點黎都等左一陣。座位就幾闊落，但坐咗一個鐘就係咁俾人趕走😟————————🔸焙茶戚風蛋糕 $55好似食緊海綿蛋糕咁，口感唔夠輕盈，不過上面個奶蓋焙茶味幾濃，仲有d杏仁片增加口感。評分：🌕🌕🌕🌗🌑-🔸大紅袍黑糖麻糬蛋糕卷 $52老實講茶味真係食唔出，淨係食到甜味。啲cream本身已經有啲甜，加埋黑糖麻糬真係好甜😰不過蛋糕幾濕潤👍🏻評分：🌕🌕🌕🌘🌑-🔸岩茶摩茶 $50呢個好似係秋季限定🍂岩茶飲落似焙茶，配埋朱古力其實好夾！入落都幾濃郁，有驚喜🤩評分：🌕🌕🌕🌕🌘-🔸焙茶牛奶 $45感覺上落得太多焙茶粉，係幾濃郁但係粉感較重，好似多啲奶會好味啲。評分：🌕🌕🌕🌑🌑-話就話入座時間起計1.5小時，不過坐左一個鐘店員就已經會係咁趕你走，仲話已經夠鐘😅😅希望舖頭會認真少少mark客人嘅入座時間啦。。如果想同朋友坐耐少少既話，呢間唔係好選擇😂

通常cafe都係主打咖啡，但呢間就主打茶葉🍵嘅。咁特別又見鋪頭格局幾文青幾靚就入去試下先😋💕💥大紅袍黑糖麻糬蛋糕卷 $52 ⭐有驚喜!!😍本身以為只係表面層蛋糕有茶味，點估到啲cream茶味仲出過個蛋糕😆💕cream入面見到有啲茶碎，口感上feel唔到，但就令個cream充滿住更香濃嘅茶味❤可惜蛋糕卷無特別鬆軟，呢樣較普通🤔但黑糖味嘅麻糬味道出眾，口感煙韌，幫佢加返唔少分😍😍評分: 8.5/10 😍💥日本莖茶蛋糕卷 $52本身對茶唔係好有研究，所以好好奇莖茶究竟係乜味😆結果食落味道同佢顏色一樣都好似綠茶🙈但就無抹茶咁甘同澀🤔同樣地個cream亦好輕盈且充滿茶香😋兩者比較我覺得大紅袍嗰個茶味出啲🙈但呢個都好食💕評分: 8/10 😍💥特級白牡丹 $68本身expect佢會好香花味。結果好老實咁同大家講，真係好似平時茶樓嗌香片嗰隻茶味🤣🤣🙈可能因為我唔太識品茶所以無特別欣賞呢隻🙈不過我覺得佢配大紅袍蛋糕卷係唔錯的，解膩之餘又令到蛋糕嘅茶味更出😍👍評分: 7/10 ☺💥岩茶牛奶 (熱) $45Menu上寫嘅英文係"Rock Oolong Latte", 咁我就當佢係烏龍茶啦🙈味道幾特別，雖然材

坐落白沙道嘅簡約美cafe，早前行過見到已經馬上收藏入to-go list📝 坐完月後馬上出巡，果然不負所望，勁like👍🏻回頭率100%🥳☕️焙茶牛奶 $50喂呀呢杯嘢真係好好飲🥰感激自己今次終於冇千篇一律咁又揀matcha latte😂(雖然我估都會好飲) 個焙茶味真係好香濃🤤 一入口嗰吓已經被融化，好欣賞好喜歡，真心𠱸唔捨得飲晒佢🤎🤎🤎🌯蜜糖烤雞卷餅 $68唔想食太飽嘅關係，揀咗個light d嘅wrap，的確好清新～ 清新在裡面除咗有紅黃燈籠椒之外，仲有薄切嘅酸瓜，再加埋黑醋沙律菜伴碟🥗 個醬汁微酸帶甜，亦有些少芝士味點綴🧀 又係好喜歡㗎呢☺️🧡🍰大紅袍黑糖麻糬蛋糕卷 $52呢個cake roll...真係冇誇張，又係勁好食😋😋😋 海綿蛋糕部分夠茶味夠鬆軟～Cream嘅份量唔姑寒又有更加香濃嘅茶味～然後個麻糬煙韌度剛剛好，黑糖味好香!! $52一件係貴貴哋但佢完全對得住呢個價錢👌🏻👌🏻👌🏻總括而言～ 🏻Menu: