星廚 (已結業)

星期六放工後約左我條佬去太子食lunch，今日決定行遠小小搵下有咩食， 經過門口見到D精選午餐都幾岩食就決定呢間，入到去環境簡潔又夠光猛～精選午餐總共有8款，全個餐牌最貴都只係$48，價格實惠，而且係包括埋餐湯，熱飲，雪糕非常抵食！一坐低時員工同我地講3&6己經賣完重想食紅酒燴牛尾添，唔緊要啦，最後我地擇左4&8，分別係黑椒洋蔥牛肉飯和大蝦黑松露醬意大利粉～是日餐湯係蕃茄紅蘿蔔湯，喝起來茄味濃郁，特別喜歡呢種濃稠的口感，好好飲黑椒洋蔥牛肉飯先到，份量挺多，牛肉唔un有嚼口，洋蔥夠腍，但黑椒份量較為重手，對我來說有點辣，不過撈飯一流～大蝦黑松露醬意大利粉都到齊，大蝦有5隻，誠意十足，雖欠缺鮮味但肉質彈牙，只嫌黑松露醬不夠濃烈，令整碟意粉味道顯得清淡～跟餐奉送的紅豆雪糕，紅豆味濃郁，甜度適中，中間重有紅豆粒，甚有口感

自己一個人落街食lunch，見這間餐廳都幾多人食，應該唔差得去邊，入去試試。座位都幾濟迫，不過食個快飯，無所謂啦。點了個午餐，價錢中等，西餐價$50都差不多啦。大蝦黑松露醬意大利粉：份量正常，蝦都算多，有五隻，蝦肉爽口但味不鮮，意粉太過腍同帶點糊，黑松露味較淡，味道一般，有點失望。焦糖燉蛋：太重香油味，味道有點假，燉蛋滑度不夠，另外太甜，感覺很粉，無蛋香，食到一半都已經好滯，表面的焦糖都很薄很脆。整體味道一般，價錢合理。

這間位於太子的＂星廚＂價廉物美是間相當抵食的西餐廳炸洋蔥圈 - 洋蔥圈炸得剛好熱辣辣香噴噴脆卜卜大蝦黑松露醬意大利粉 - 大蝦爽口彈牙有鮮味，黑松露較淡口，意粉彈牙配上甜椒鹹淡剛好茄汁焗牛脷飯 - 茄汁酸酸甜甜很開胃，牛脷一點也不吝嗇起碼有十塊左右而且相當厚身有嚼勁，牛味濃郁美味無窮焦糖燉蛋 - 焦糖燉蛋非常綿密細緻，焦糖微暖內裡冰凍甜味適中，想不到小店也有如此水準👏🏻👏🏻意大利奶凍 - 奶凍比較淡但也相當滑溜，點少少草莓醬很特別。跟餐飲品(檸蜜，柚子蜜) - 檸蜜和柚子蜜也非常濃味絕不孤寒😆

點都估吾到咁抵嘅價錢就食到兩樣咁好味嘅嘢Main Course系 $100-$170 左右 如果覺得貴既絕對推介你食意粉 意粉超大碟 誇張啲講 真系每一條意大利粉都有黑松露！食落去黑松露味好濃大蝦當然都有黑松露既味啦 新鮮彈牙 feel到佢吾系冰鮮蝦跟住主角黎了😍系烤焗咸豬手咸豬手可以話系外脆內軟入面仲系熱辣辣好新鮮份量亦好大 食都食好耐不過同時要有心理準備等都要花小小時間等 大概15-20分鐘醬都有三種可選擇 ------ 黑醋 芥辣 仲有隻吾知系乜😂 不過點黎都幾好食架P.s. 同第二台客坐得好近因為間店唔係大 跟住就編左我同友人坐第二台客旁邊 距離都幾近 傾計就聽得冇咁自在

今日原本想去太子食餃子，但估唔到9點後都仲有人等緊食餃子，最後經過見到星廚的晚餐好似幾吸引，又唔需要等位，就一於試下。星廚地方唔大，檯同檯之間有少少逼，但環境又唔算太差，格局有D似高級西餐廳。餐牌選擇唔算多，意粉同飯類加埋都係得10款左右可以揀，最後叫左一個意粉同一個飯，跟餐送餐湯同飲品，送晒兩樣都好抵下。雜菜湯 - 味道一般，個人認為敗筆係因為D配菜都係比較硬，好似西芹個D似係最後先加入個湯度，而唔係平時羅宋湯咁D菜比較融為一體。大蝦黑松露醬意大利粉 - 大蝦真係好大隻同有好多隻蝦蝦蝦，不過似係雪藏蝦冇咩鮮蝦味。反而意大利粉好香黑松露醬味，炒過的意粉軟硬適中，仲要有唔少沙律菜，味道相當唔錯。咖喱牛肋條飯 - 咖喱偏香辣，牛肋條啖啖肉又炆得夠淋，而且配菜都好食。值得一讚係食物分量都唔少，大食的朋友都夠食啊!最後見到隔離檯叫左鋸扒的質素好似都唔錯，下次有機會真係想試下。整體而言，食物質素頗優，環境都企理，性價比真係唔錯，有機會可以一試。

早從友儕間聽過星廚的大名，說其大件夾抵食，味道也不錯，剛巧今日要出旺角買點東西，就走遠一點到位於太子的星廚。＊＊＊＊＊＊＊＊＊＊＊＊＊＊＊星廚雖然提供西餐為主，但格局比較像茶餐廳，當然是比較四正和整潔的。午餐有八款，選擇不算少，但最驚喜是價位只是$40至$48，但以包主菜、餐湯、餐茶和雪糕。百物騰貴，現在四字頭一個午餐已不算貴，最多包一杯飲品，吃個常餐都要四字頭，星廚竟然還包餐湯和雪糕，還有甚麼可要求呢？凱撒沙律($55)沙律是午餐內沒有，另外單點的。雖然要五十五個大洋，但反正我們二人同來，除返都不算貴，而且份量也對得起價格。羅馬生菜入口爽脆，凱撒醬也足夠，生菜上曬滿芝士粉、煙肉碎和麵包粒，最上面還鋪有兩大塊火腿。是日餐湯－雜菌湯雜菌湯濃稠適中，不會水汪汪，菌香雖不算太突出，但湯內都有很多打碎的雜菌，非常足料。大蝦黑松露醬意大利粉($48)意大利粉上均勻地拌有黑松露醬，上面還有五隻大蝦，單是這個意粉都已對得起價格有餘了。意粉入口還帶點微彈，能清楚嚐到黑松露醬的鹹香味，大蝦肉質結實，整體做得不錯。煙肉忌廉燴意大利粉($40)意大利粉份量不少，加上忌廉的關係，甚為飽肚。但意粉口感沒黑松露醬