CHI Tachinomi (屯門市廣場) (已結業)

久違嘅堂食2點來到呢度係可以包場得我同個仔喺度食感覺真係衛生安全我仔食佢出名嘅大阪牛肉飯按個人喜好（多汁少飯）我就食咗飯團秋葵同埋玉子燒個飯團嘅味好豐富，燒嘅焦脆程度剛剛好玉子燒係彈口同埋甜味足秋葵上枱嗰陣時重岀煙真係熱辣辣食落好清新爽脆我仔話啲牛肉唔夠汁但啲牛肉係好食㗎場內嘅設計都非常日本播嘅日本歌都係輕快聽到都青泰左食緊係自由嘅味道叫咗一杯凍麥茶都幾香但唔夠回甘咁耐冇食過串燒呢間方便就腳價錢又平性價比算係咁👏🏻👏🏻👏🏻

睇完屯門巿廣場的各大電話店舖，又到晚飯時間，行到出口，就見到一間裝修低調而又有特色的日本居酒屋食店！ 入到店中就見有壽司吧！再落樓梯就係餐桌位置，座位唔多但好有地道日本居酒屋感覺！我們被安排座於落地大窗前。望住車來車往和行人穿梭，就如置身日本居酒屋內！餐牌簡潔清晰，我們點了一個套餐中的大阪牛肉飯，秋葵串燒，葡萄豬肉串燒，冰菜沙律和麥茶再散點了鰻魚飯和炸竹筴魚。上菜速度很快，轉眼間已將餐桌放滿滿了！冰菜沙律，食落爽脆鮮甜，名副其實的開胃菜，而以葡萄豬肉串燒就出奇地夾味，食落葡萄的酸中和了燒豬肉的油膩，真係必食之選！秋葵串燒剛好作為助菜，炸竹筴魚炸得鬆脆嫌唔油膩，食落還有魚的肉汁，加上檸檬汁同埋沙律醬一齊食，味道鮮美。至於大阪牛肉飯，牛肉淋滑食落有點似牛腩，醬汁亦都很好味。鰻魚飯的鰻魚淋爽入味，醬汁亦都剛剛好，質素相當高！值得一試。服務員的服務相當貼心，加上落地窗外的人來人往，真令人有去了日本一趟的感覺！

係商場嘅角落位置，一間超晒班嘅日式居酒屋-Chi Tachinnomi.位置的確係有少少難搵，需要出左商場先入到鋪頭，入到餐廳說好似去左第二個時空，超級似去左日劇入面嘅串燒店！食物種類唔算多，但樣樣都好味，即使食左幾次仍然次次有驚喜，餐牌一眼睇晒，套餐亦好抵食晚飯套餐麻醬蕃茄作為前菜，飯類揀左大阪牛肉飯牛肉飯個碗細細，牛肉向上發展，堆多左一倍高度出黎，牛肉行燉煮牛肉路線，入味得黎，口感唔會過硬，好好味，可惜無單點牛肉！燒物揀左燒冬菇同豬腩葡萄卷，今餐嘅MVP一定係豬腩葡萄卷！無諗過竟然咁夾，提子脆口多汁，平衡左豬腩片嘅油膩，2者互相配合，成就呢串神作！散叫左燒玉子、燒飯團及炸竹筴魚，同樣好高質素！炸魚比想像中大份，足足有三條魚，入面嘅魚肉係實的的，真正嘅魚肉，唔係行貨魚柳！魚香味十足，配啤酒一流，呢個一定要叫黎食！燒玉子外面有炭香味，入面仍保持濕潤呢個係睇日劇睇得多，好想試一試，外面有燒到脆一脆嘅飯焦保住，第一次咁樣食飯團

想食牛肉飯之選～之前呢到無set令我番食意欲不大，岩岩行過見到，即刻試試！大阪牛肉飯set（68$）佢呢到既牛肉比吉xx既高汁好多，牛肉份量更加逼爆成個碗面！雖然細碗d，但佢包埋一款串燒同一杯野飲，串燒揀左玉子燒，兩大舊玉子燒，甜甜地，十分開胃。

偶然行過見到呢間小店，認真一望先知係食店😂有種去台灣/日本要去啲轉角隱藏位置先搵到嘅小店入到去比想像中光闊，牆上嘅掛飾都好可愛，特別係幅「肥虎上山圖」當日諗住食完再食甜品，所以只叫個set加飯但一個女仔食完個set 再落下場，絕對無問題前菜：冰菜沙律清爽美味，有種喚醒味蕾嘅感覺😋飯：鰻魚飯鰻魚又香又滑，鰻魚汁十分好送飯，只係食完碗底見到咁多油，有啲邪惡🙈飯：大板牛肉飯黎到仲為係一咬就勁多肉汁嘅牛，完全估唔到係港式牛腩飯相對鰻魚飯，有啲遜色，夠淋唔夠香串燒：秋葵燒得有啲耐，外皮有啲啲老串燒：豬腩萄葡卷新奇嘅配搭，外咸內甜

呢間串燒店之前已經聽日講過話味道唔錯，咁啱約左個朋友去屯門行下順便到呢間日式風好濃厚既串燒店食晚飯。入去坐底見到呢款晚市套餐以一人套餐計夠晒豐富，包含5款選項，有前菜,飯類,兩款串燒及飲品。前菜-磯煮鮑魚當做前菜開胃得黎又豪華，原隻魚連殼鮑魚煮過後再以冷盤作為前菜味道入味得黎又口感又彈牙爽口。鮑魚味道甘甜帶住淡香鮮味。飯類-大阪牛肉飯牛肉煮得香軟嫩腍又夠入味，雖然牛肉煮得夠腍但唔會無晒肉既質感。牛肉經過燉煮後相當入味，牛肉汁鹹中帶微甜而且帶住一陣牛香。底下既珍珠米間帶住牛肉汁相當下飯。如果醬汁更多可以用黎送飯就更惹味。串燒A-秋葵秋葵香脆內裏順滑而且帶住秋葵獨有既清香味 串燒B-豬腩葡萄卷大大粒既原粒青葡萄被豬腩片包住再烤，帶黎外脆內爆汁口感。烤香既葡萄帶住一陣清香而且酸酸甜甜既味道化解左豬腩既肉膩感。凍麥茶帶住麥香，無糖冰涼夠晒解渴.

08.08.2021CHI Tachinomi 今日終於同朋友去屯門市廣場地下嘅「CHI Tachinomi 」，上次自己來幫襯過，食物、環境、招呼都好好，所以今次再來。除咗最初介紹餐單同落單之外，基本上兩位職員妹妹都好忙，雖然無主動添過水，但亦無騷擾過我哋傾計，所以坐得好自在舒適，一坐就傾了兩個半小時，真係坐到pat pat痛，嘻嘻。上次自己試過套餐唔錯，可惜沒有了「豬腩葡萄卷」，上次試過好有特式，豬腩加葡萄，食起嚟一啲都唔油膩，唯有下次再試過。套餐包前菜、串燒A、B各一，飯類、飲品，$158；可加特別食物和飲品，例如鰻魚飯加$20。午餐套餐：前菜：冰菜沙律、胡麻番茄冰菜沙律：卜卜脆，唔點沙律醬原味仲好食，朋友都話好好味！我專登叫了一碟大碟，但份量對我來講仍然唔足夠，因為我係菜精，平時食勁多菜。胡麻番茄：番茄份量好少呀串燒：香菇、京蔥雞脾肉、蜜糖西班牙午餐肉串燒冬菇，幾甜，但點解好似無燒過咁蜜糖西班牙午餐肉：朋友話咪就係厚切午餐肉囉😂京蔥雞脾肉：呢個反而幾香口，連平時我唔鍾意食京蔥，都覺得好夾飯類：大阪牛肉飯：上次試過鰻魚飯，今次試牛肉飯，肉質好甜美，正呀！飲品：凍麥茶，無乜麥茶，凍

之前聽朋友話屯市有居酒屋，機緣巧合下終於一試。一入門口，已經感受到日本嘅情懷，小店嘅感覺，好好彩可以坐Bar枱。店員熱情介紹串燒，聽到心思思。又想食串燒，又想醫飽肚，就決定食套餐，包前菜、飯、兩項串燒同飲品。前菜點左鰹蒜味增漬同冰菜沙律。鰹蒜味增漬食落唔似蒜！冇咗攻鼻嘅蒜味，有好濃郁嘅海鮮味，好開胃。口感亦爽口。冰菜新鮮，做沙律都幾好。飯叫咗大阪牛肉飯同咖哩炸雞飯。大阪牛肉飯有叫驚喜。同想像唔同，唔係用薄切牛肉片，而係用牛腩。牛腩厚身，軟熟，煮得入味。配埋牛肉汁好快就清咗成碗飯。咖哩炸雞飯正常發揮，炸雞脆口。叫兩個餐有四串串燒，大滿足。點咗香菇、秋葵、京蔥雞髀肉、豬腩葡萄卷。京蔥雞髀肉好juicy，燒蔥好香。。 京蔥雞髀肉好juicy，燒蔥好香。豬腩葡萄卷係必試。用豬腩片包住葡萄呢個組合好新鮮。葡萄減輕豬腩片嘅油膩感。聽日仲要返工，唯有以麥茶代酒，一邊飲，一邊食住燒生蠔。生蠔新鮮飽滿，仲保留多少少海水味。$88 半打好抵食。黎居酒屋好似嚟咗一轉日本小旅行。

中環有分店既日式居酒屋，開到黎屯門啦！決定要去試一試🤪平日午市暫時唔多人，唔洗等位，用手機掃QR code落單，好方便👏🏻午市定食🍱每款定食都會包一個主食+小食+飲品都幾多選擇，小食簡玉子燒同雞肉丸唔洗加錢😎《大阪牛肉飯》$68 另加一今次試左牛肉飯，配玉子燒，再飲杯凍麥茶牛肉飯係有牛肉帶牛筋，夠淋幾好食，加埋汁，送飯一流呀😋玉子燒黎到熱辣辣，外脆內軟！環境舒服，店員服務唔錯 加分👍🏻下次有機會可以試埋鰻魚飯😆

今日係第三次黎食，平時都係平日黎，所以慣常叫餐。一碗細牛飯+一指定串燒，另加飲品，我每次都係飲麥茶。員工全部係年青人，有禮貌，又快手幫你清番乾淨張枱。平日我就2點幾去唔駛等位，今日我一點幾食完離開都有少少人。今日星期六，冇得叫餐，問番職員話只係一～五先有，所以照舊大阪牛肉細飯，今次另叫溫泉蛋同麥茶，埋單$91.鍾意呢到嘅飯好夠熱，牛肉又軟滑，$55一個細飯，但份量足，唔會話唔夠食，溫泉蛋亦好香。推介試葡萄豬肉串，味道非常夾，但今日冇叫。如果好似我呢d C9,一定會揀平日黎。餐冇記錯$68,加多一串葡萄豬肉串都係一百零幾，實在抵食。