三一餃子 (利源西街)

营业中

休息中

🧑🏻‍🍳 喺中環返工lunch time嘅時候同朋友去食，餃子、主食、小食三款類別不同組合的午市套餐，由$58-74揀咗兩份餃子，比起中環其他餐廳較抵食，我哋叫咗兩份套餐，每份套餐都揀兩份餃子，總共四份餃子，$74一份套餐。—————————————————————🍴 大阪餃子燒- 薑蔥 (午市套餐+$9) 「大阪燒x餃子好特別🥟」大阪燒嘅餃子真係第一次食，感覺好特別，餃子上面鋪滿木魚、紫菜、蛋黃醬、大阪燒醬，餃子係薑蔥味餡料，另外仲可以揀粟米味餡料😋 美味指數: 9/10—————————————————————🍴 芫荽豬肉湯餃 (午市套餐 +$0) 「芫荽味非常濃嘅湯餃🌿」個湯係好濃郁嘅芫荽湯味，鍾意芫荽嘅會忍唔住一啖一啖飲晒，而餃子都有好多芫荽，雙重芫荽好正😋 美味指數: 8/10—————————————————————🍴 蒜芯豬肉煎餃 (午市套餐 +$4) 「個人覺得蒜芯配餃子麻麻地🥲」餃子皮煎得好香，但係我個人唔太鍾意蒜芯配餃子，草青味太重，蒜芯太硬😋 美味指數: 3.5/10🍴 黑白松露豬肉煎餃 (午市套餐 +$8) 「松露控必食😍」煎餃嘅餃子皮好脆好香，餡料係黑白松露同

假期嘅三點鍾依然要排隊嘅呢間餃子店選擇頗多，揀咗兩款煎餃試試佢！平時我好鍾意食大阪燒，但係大阪燒餃子對我嚟講就相當新穎！揀咗粟米口味餡料，啖啖粟米有咬口，餃子表面就好似平時食大阪燒咁鋪滿木魚、紫菜、蛋黃醬同大阪燒醬，個人認為燒醬太搶味，可惜咗啲餃子！ 而另款蒜芯豬肉餃就非常有驚喜啦！第一次食蒜芯餃，味道比起蒜頭溫和但又不失蒜味，令到豬肉餡更加香口同有口感，餃子皮薄之餘冰花仲煎得好脆，果然係店主推薦！三一除咗餃子出色，估唔到湯麵都唔錯！鰹魚昆布湯比想像中重味，好快就麵連湯都清哂！而豆漿蝦皮湯飲落就無咁重豆漿味啵，反而係蝦味好出，好似食緊蝦米咁！關冬煮嘅湯又唔同啲啦，更加濃味同甜以便入面嘅魚腐、魚蛋、菇、竹輪同蘿蔔入味，仲有隻流心蛋添！最後佢哋嘅餃子雞翼炸到熱辣辣上枱，去骨雞翼釀入豬肉餡，雞肉同豬肉混合不清個種味道都幾特別！

有冇見過玫瑰花形既餃子👀？不時會起網上見到有咁既餃子原來餃子就係黎自中環呢間三一餃子🥟我地分別叫左大阪燒餃子同埋雞翼餃子講下大阪燒餃子 佢既外形用料味道都同大阪燒一樣 而且將大阪燒與煎餃子呢款小食crossover 亦都有種感覺 因為佢有木魚同埋醬汁令到我聯想到佢都似係章魚小丸子version既餃子 配搭幾好 味道惹味開胃 另外既雞翼餃子亦見得係心思之作 要將餡料釀入雞翼裡面 令到雞翼外形漲卜卜 睇起上黎好吸引 食落又好滋味 好有肉汁juicy

喺中環行街行到攰，又唔想食太飽，所以黎左哩度食嘢。關東煮有冬菇，有蘿蔔，有芋絲，仲有好新鮮嘅甘煮野菜。黑白松露炸餃子炸得好香脆，肉味真係好香松露味蒜芯餃子真係好重蒜味，湯煮亦都唔會太淋。烏冬估唔到佢咁大碗，又唔會太淋，好彈牙，個湯亦唔會太濃，清清地，很不錯！餃子雞翼係懶人最雞，一啲骨都無，就咁食，好厚肉，亦好香雞軟骨都燒得好香，唔太肥，味道好厚。哩個好似阪燒咁嘅味道，煎餃好香口，個皮好脆，配埋紫菜好搭調。定價好合理，叫多幾樣都唔會話太貴！

作為中環的上班族，尋覓一些新店小店已經成為我中午閒逛時的興趣，這天經過三一餃子，看見裡面坐滿了人，本來也想一試，但lunch time時間有限，所以決定放工後前來。晚上的三一餃子人不算多，但也有數枱人客，環境雖小但坐得很舒服。別看這店小小的，所提供的食物種類和配搭都很多元化，餃子可配拉麵、米線、拌飯，還有一些小食追加，款式一應供全。雖然處於中環位置，但價錢亦很經濟，性價比甚高。人類已經不能阻止黑松露的入侵，沒想到黑松露也可以變成餃子的餡！黑白松露豬肉餃可以選煎或炸，而我選擇了煎的。這款黑白松露豬肉餃底部煎得非常鬆脆，脆卜卜的皮配上黑白松露豬肉餡，濃濃的黑松露味充斥整個口腔，非常好食！大阪燒就食得多，但大阪餃子燒倒是第一次食！本來這款大阪餃子燒只提供薑蔥或粟米餡的餃子選擇，因為店員說經過試味覺得這兩款餡最夾，但是當晚這兩款餡的餃子已經售罄了，但我又好想食這款大阪餃子燒，最後店員提議可以用別的餡做給我，而我則選擇了蒜芯豬肉餃。我覺得用蒜芯豬肉餃做成大阪餃子燒也非常好食啊！味道也很夾，兩者的味道和氣味完全沒有衝突，真的很想建議店主將蒜芯豬肉餃也加進去可供選擇！出門食飯總是很少機會食菜，而三一

今日下晝同個同事過咗海去中環交文件，搞掂之後周圍行下，扮外國遊客行逛利源東街同利源西街，店舖排檔都好有特色，多數售賣一些中國服飾及精品。無意間發現呢間專吃餃子嘅食店，店內是簡約裝修，桌椅擺放得整齊，播放著輕音樂，感覺舒適。大阪餃子燒，呢個日式食法都係第一次，餃子面鋪滿大量紫菜同木魚，仲有燒汁同沙律醬，用嘅係菜肉餃，既吃到大阪燒獨有嘅風味，也吃到餃子嘅滿足感。蒜心豬肉餃(冰花煎)，呢個煎法一點也不覺油膩，薄片酥脆可口，樣子精緻，令人更加有食慾，蒜心嘅香味讓人回味無窮。蝦皮韭菜豬肉餃(湯)，盛載嘅碗子好特品，令賣相更可愛，餃子形態好漂亮，皮薄饀靚，韭菜好香。另外，好欣賞個湯底，用心烹製，濃而不咸。餃子雞翼，上菜時已經聞到香噴噴，大家千祈唔好心急，因為雞翼剛剛炸起，非常燙口，小心！呢個講手工，雞中翼部份去曬骨，包住豬肉成為"餃子"，啖啖肉，口感好正，非常香口，喜歡吃炸雞翼嘅朋友一定要試。餐牌同點菜紙都有中文及英文版本，方便外籍遊客，很貼心。