韓閣 (富裕樓) (已結業)

突然間好想食韓國菜，於是同男朋友去左荃灣路德圍新開嘅呢間餐廳韓閣。疫情期間餐廳衛生都做得好足，枱櫈清潔得好乾淨，枱與枱之間空間都算足夠。我哋叫咗佢幾款拿手小菜，分別係玫瑰真露翼同芝士岩漿飯。個玫瑰真露翼好特別，出面係食唔到嘅。佢係落咗啲韓國真露燒酒，再加少少玫瑰汁落嗰啲凍雞翼度。感覺有少少似醉雞，係一個韓國風味嘅醉雞。至於個芝士岩漿飯真係冇得頂，我開頭都好擔心佢會好漏，但係食落好有芝士嘅香味，亦都完全唔漏，兩個人食完一啲都冇滯嘅感覺。另外我哋都嗌左一碟無骨豬手，同埋豆腐海鮮湯。兩個人竟完全食得晒，我自己都嚇咗一跳，因為實在太好食。最後一人嗌左一杯人蔘蜜養吓生，甜甘比例啱啱好。大家齊齊捧住個肚走。

呢間小店提供多款傳統同新派韓食，更獲得2020年優秀開飯熱店、最優秀韓國菜餐廳同荃灣葵青開飯熱店🔥食客落完order後就會送泡菜同醃青瓜💗芝士拉芝豬仔脾($98)豬仔脾先用黑胡椒同蜜糖醃製，再放入焗爐烤以鎖緊肉汁🍗肉質結實彈牙，完全唔韌，食落有香甜嘅蜜糖味🍯火爐上熱住4款Mix咗嘅芝士：水牛芝士、車打芝士、巴馬臣芝士同奶油芝士，所以充滿鹹香之餘仲可以拉絲，捲落豬仔脾到一齊食更加香口惹味🧀💗大韓無骨豬手($92/ 例牌)豬手以秘製韓式滷水汁炆得好入味，食落有肉味香濃，帶醬油甜味🐷豬皮Q彈充滿骨膠原，可惜豬毛未清理得乾淨。肉質軟嫩，無骨啖啖肉超方便。可以用生菜🥬、醃蘿蔔🥕、生蒜🧄同豆瓣醬夾住一齊食，令味道更豐富外，減低油膩感。💗傳統豆腐海鮮湯($52)湯底揀咗正常辣度，飲落香辣醒胃，充滿海鮮嘅鮮甜🌶入面有大量洋蔥🧅、豆味香濃嘅嫩豆腐、彈牙嘅蝦仁🦐、鮮甜嘅蜆同青口🦪、爽口嘅翠肉瓜片🥒，非常足料。💗秘製水梨辛辣冷麵 ($58)用咗韓國幼身蕎麥麵，但食落唔夠彈牙而且黏埋一舊🍝本身以為好似水冷麵咁有冰凉清爽嘅湯水浸住，點知係用韓式辣醬同醋拌麵，味道帶微酸但唔夠清新解膩。旁邊有酸辣嘅泡菜、清甜嘅梨片

每天下班回家的巴士路，都會途經這間韓國餐廳。今天終於有機會入內坐低，享受一頓韓式晚餐。既然在疫情下去不了旅行，唯有吃些外國美食滿足一下。地舖位置非常易找，遠處已看到招牌。韓式餐廳的慣例：剛入座未點餐的情況下，店員就已奉上伴菜。豬手分有標準和增量2個份量，上圖是標準量，2人吃是非常足夠。豬手烤香切片，在去骨的情況下，啖啖肉，吃得滋味。隨碟附上了生菜片，可以包上豬手、泡菜和醃蘿蔔一起吃。豬仔肶預先用蜜糖燒香，骨位用錫紙包裹好，方便蘸上芝士。當放在鐵板上的芝士開始進入溶化狀態時，便可夾上豬仔肶來捲起芝士，營造誘人的拉絲效果。豬仔肶蜜香味濃，咬開時更會滴出肉汁。不過稍嫌芝士稀了一點，豬仔肶不太能蘸上。捲得厚胖的雞蛋卷，上面灑了紫菜絲和肉鬆，賣相好吸引。雞蛋卷中間混合了肉鬆、沙律醬，另外也加了紅蘿蔔絲和蔥粒。口感豐富之餘，濃郁的蛋香氣也令美味更上一層樓。冷麵是筆者其中一款喜愛的韓國料理。用了韓國蕎麥麵，麵條幼身，質感煙韌。韓國蕎麥麵煮熟後以冰水泡浸，配上水梨片、烚蛋、泡菜和青瓜絲，拌上韓式辣醬。還好酸酸辣辣的味道令人吃得開胃，加上芥末醬更添加一點嗆辣感。