蝦蝦燒

营业中

休息中

海鮮從來都係我嘅至愛，蝦蝦燒係其中一間定期會去幫襯嘅食店，貪佢有2.5小時任食海鮮，而且種類繁多，可以滿足到我食海鮮嘅慾望😎海鮮類：主角大頭蝦🦐 - 全場生猛大頭蝦任夾任燒，有得食又有得玩，重點係仲要好好食，佢個蝦頭有好多膏好香好甜，肉身亦鮮甜肥美，一定係必食。另外每一位仲會送一串白鱔🐠，係超厚肉超肥美，去串燒店一串起碼要$80，如果可以任食就正了😂其次有鮑魚、扇貝、蠔、帶子、螺、魷魚、蜆、貴妃蚌、幾款魚（例如大眼雞、烏頭）。鮑魚🦪係強烈推介，雖然唔算好大隻，但絕對係回本位。街市自己買都要差唔多$10 一隻。另一回本位係扇貝🐚，唔算好細隻都幾好肉，大媽已經洗得乾乾淨淨啲內臟已經去除，加埋牛油蒜蓉真係冇得輸。另外今次有貴妃蚌🐚都值得推介，雖然比較細隻，但一樣有貴妃蚌果種爽口鮮甜，乜都唔洗加就咁燒熟佢食就已經最好了。串燒類：除左海鮮，仲有好多唔同種類嘅串燒🍢🍡，雞牛豬甚至羊都有，一串串吉好晒非常方便，食材質素都可接受的。熟食類：有前菜麻辣魚皮涼拌青瓜、炸餃子、豬紅魚蛋、豉油王炒蝦、辣酒煮花螺、炒雜菜等等。甚至有個粉麵檔可以俾你碌生菜烏冬。不過已經咁多野食我相信應該唔會有人食啲啲了😅飲品/甜

今次來佐敦食流水蝦放題，個場好大，我地比較早嚟到所以人流未算好多，7:30之後開始人頭湧湧。我地被安排坐蝦缸旁邊，即夾即燒好方便👍🏻 座位都幾寬敞，個爐都幾大，仲要有上下兩層可以俾你更有效率咁燒嘢食😋 店員好細心介紹燒法，記得啲流水蝦要凍暈左先好拎去燒，鮑魚唔好連殼燒因為會爆🫣，佢仲好細心教我哋點樣起鮑魚殼👍🏻 調味方面，枱面放咗四款調味粉，另外出面仲有牛油🧈，蒜蓉🧄，辣椒🌶️，香蔥比你自己調個人口味。我哋未入座店員已經幫我哋開咗爐，燒緊第一轉嘅蝦👍🏻所以好快有得食。趁呢個時間我哋出去拎野食，如果真係好肚餓嘅，出邊自助區都有熟食，可以拎嚟醫肚先。除咗即夾即燒流水蝦之外，仲有多款新鮮海鮮任食，包括鮑魚，帶子，扇貝，蠔，蜆，東風螺，魷魚同各款魚。仲有各款串燒，有雞牛豬，多春魚，腸仔，翠玉瓜，菠蘿… 🧃飲品都有唔少選擇，有烏龍茶、汽水、果汁…燒鰻魚：燒鰻魚燒到外皮好香，裏面啖啖肉，肉質細嫩冇咩骨，好想再食，可惜呢個唔係任食，不過少食多滋味🤤招牌流水蝦流水蝦好生猛，都幾大隻，蝦肉爽口彈牙，啖啖肉，最正係蝦頭的蝦膏，好香濃好鮮味😍扇貝好厚身好大粒，色質鮮嫩，口感彈牙，味道鮮甜，我個人推薦幾種食法：

最近佐敦開了一間佔地6,000呎流水蝦BBQ放題，2.5小時任飲任食，價錢方面算合理，交通方便佐敦地鐵站C2出口步行一至2分鐘，位於一樓，一入內看見多張兩人枱，枱上放了爐、餐具及調味品。後面是四人以上枱，旁邊設有長長的長方形蝦缸，食客自己捉蝦自己即燒。缸的蝦是泰國蝦吧在缸內生猛游來游去。慶幸場地沒有海鮮腥味(我好怕腥味）。除了主角泰國大頭蝦外，還有多款海鮮，例如魚、多春魚、魷魚、生蠔、帶子、鮑魚、蜆；肉類方面有雞肉、牛肉、豬肉串燒，羊架、雞全翼、雞翼、牛仔骨、腸仔，仲有菠蘿、菇類，丸類、蒜蓉包以及多款不同的時令蔬菜，同時亦提供多款熟食。雪糕和飲品方面種類滿多，有啤酒、果汁及無糖綠茶。每張枱一入座即贈送三款食物，分別每人有一串肥美厚肉的大鱔, 燒到外脆內軟不得不說肉質很鮮又彈牙超級好食，仲有是聖子好鮮和蒜蓉蝦。缸內的泰國大頭蝦蝦肉質厚實爽囗鮑魚大大隻厚肉好鮮味生蠔海水味不太重，味道較淡扇貝加埋蒜蓉牛油一起燒好滋味蜆完全沒有沙口感嫩滑味道鮮甜菠蘿好甜多汁又解膩羊架醃得好無騷味肉質軟嫩多春魚酥脆，鱼肉清甜鲜美整體來說又有得玩又有得食，天氣炎熱🥵，在室內吹著冷氣，舒舒服服一邊燒一邊捉蝦，真的滿