天天海南雞飯 (Fashion Walk)

营业中

休息中

之前食過沙田店既新加坡過江龍天天海南雞今次當然要試下香港既一號店-銅鑼灣店,銅鑼灣店既感覺更華麗豪華,比沙田店坐得舒服.辣子金玉加上大量炸蒜同辣椒同粟米一齊炸香,相當惹味及帶出陣陣蒜香.粟米先帶出一陣辣香味,咬開粟米後充份香甜既玉米香.味香而不油膩,辣味刺激過癮.海鮮喇沙以原個大砂鍋送上濃稠帶住一陣椰香既喇沙,椰香味濃郁之餘亦帶住香濃既咖哩香料,微甜又帶住一陣辛辣感.嗽沙內裏配料豐富,有蝦,魷魚,青口及豆卜.同傳統喇沙唔同既係麵條同喇沙湯分開而且以帶住一點沾麵既形式,將麵條加入喇沙湯內而且充分地掛上喇沙湯.古法肉骨茶肉骨菜同樣以砂煲送上而且底下以蠟燭保持溫熱.肉骨茶以潮洲式胡椒豬肚湯做湯頭,入口充滿胡椒辛香,暖胃得黎胡椒辣味又唔會過嗆.肉骨茶配料同樣豐富,有肉骨茶既精髓:一字骨,豆卜,豬肚及炸枝竹.一字骨肉質香嫩而且一咬就離晒骨,咬落好嫩腍.豬肚爽口彈牙唔會帶一陣腥羶味,處理得好乾淨.豆卜同炸枝竹吸晒肉骨茶湯既精華,每咬一口都品嚐到湯底既香味.天天石窩雞飯以前係新加坡食過已經好鍾意佢地既雞飯！雞飯粒粒分明而且充滿濃郁既雞湯香,雞湯味清而不濁.除左雞湯外亦帶一陣香茅香,就咁淨食雞飯都已經

上次去新加坡食唔到天天一直耿耿於懷，決定到香港店頂一頂癮香港店與另幾家新加坡餐廳超好面、五十年代與老街坊共用同一舖位，將不同地道風味帶到香港環境不是熟食市場那樣「地踎」，有冷氣及落重本的裝修，座得舒舒服服先來一容前菜拌脆玉樹，侍應即席為脆玉瓜淋上醬汁及製造煙霧離漫效果，為晚飯掀開情緒高漲的序幕主角天天海南雞選用的廣州白羽雞比原版雞更滑，薑蓉不太辣，蘸雞、撈飯也很夾天天石窩雞飯夠乾身粒粒分明，有雞香而不膩小食蒜泥黑豚也是侍應即席打開蓋子再淋上麻辣醬汁，外脆內軟，肉汁豐富，入口即溶十月正好有萬聖節優惠，所有吧類飲料半價雞尾酒Not  a  Virgin用上菠蘿汁加冧酒，配上西柚及梨子伴酒，十分適合女仕無酒精選擇Not  The  50’s用上檸檬汁及五十年代咖啡，適合駕車男仕

之前係銅鑼灣返工， 去過「天天海南雞飯」食過lunch， 覺得唔錯！ 去開Fashion Walk剪頭髮， 順便再黎朝個聖。😏 集新加坡四間米芝蓮推介於一身， 包括天天海南雞飯、老街坊、超好麵和五十年代，菜式多樣化。 蒜泥黑豚（$88） 薄薄嘅黑毛豚白肉包住爽脆嘅青瓜， 加上秘製蒜泥醬汁，相當惹味，值得一試！ 「天天海南雞飯」顧名思義，最出名梗係食海南雞啦！😂 🌟推薦❗️天天海南雞（例牌）（$158） 嘩，無諗過例牌都咁大份！ 雞肉超嫩滑，雞皮爽滑， 肉厚零脂肪，即使係雞胸都絲毫不嚡， 重點係，淋上熱騰騰嘅秘製雞汁，好惹味呀！☺️ 仲有清新爽口嘅青瓜條墊底， 可以去一去雞肉嘅膩感。 旁邊配上三款秘製醬汁： 新加坡黑醬油、辣椒醬和蒜醬， 蘸上雞肉更加惹味！😋 不過其實唔蘸任何醬汁，都夠晒雞味！😂 食海南雞點少得油飯！ 🌟推薦❗️天天石窩雞飯（$48） 呢到係一至二人份量， 雖然睇落去好似太多咁， 但我地兩個人食真係啱啱好！ 利申小編係一個超級唔鐘意食飯嘅人， 平時都只係食餸only， 不過媽咪話食海南雞，一定要送飯，😂

今天2個約會均在Fashion Walk，呢頭同三月壽星飲咖啡扮完文青，轉頭又趕過來為四月壽星E慶生。餐廳內燈光昏暗，氣氛比較似酒吧。大家早已到齊，已經開吃，鮮蟶子皇份量非常精緻，賣相似沙律，祇有8件蟶子肉，蟶子肉爽口鮮味伴以大量芫茜，幾香。牛肋骨過熟、肉質柴皮，調味尚可S响星洲食過極推嘅菜式，果然香軟嫩滑有雞味，三款醬汁任你點，個人較為喜愛原味油飯無食，大家都無投訴。女士精選用石窩上，其實係牛肝菌炆花膠海參，花膠軟滑膠質豐富，海參腍身帶少少爽，加入牛肝菌入一齊炆，夠香又夠味小炒之皇夠鑊氣，不過有點油，顏色不錯，韮菜花夾埋蝦乾好香。辣展藕苗：藕苗和牛腱是主角，調味香辣，藕苗鮮嫩爽脆牛腱量少，未能吃上一口，配菜芫茜，更似主角。原隻波士頓龍蝦上菜時餐廳已把龍蝦肉起出，客人毋需剝殼，可以直接食用，也可以醮星洲辣醬添風味，龍蝦肉質爽彈，味道鮮美龍蝦頭亦處理好，掀開就可以食完美蟹逅其實係蟹王炸麵，蟹王係以蟹膏、籽、肉等烹製而成，嗅到甚香，入口卻無甚蟹膏的甘甜，炸麵已經分開幾份，不會糾纏不清。口感香脆花香菜膽係清熱之饌胎菊和芥菜都係清熱解毒食材，菜膽爽口味甘，雲耳爽滑清淡，舀一口湯汁喝，菊味甚濃，