源峰

营业中

休息中

第一次食Omakase, 有朋友介紹帝逸酒店嘅日本餐廳，趁同朋友慶祝生日就係網上訂位，試一試食物質素。餐廳係頂樓，一排落地大玻璃，環境相當開揚，被安排坐係卡位，相對幽靜適合傾計。我同朋友兩個人，都係叫左價值650嘅特選壽司廚師發辦。上菜時店員都會耐心講解食物嘅配搭同食用次序。櫻花蝦沙律味道不過不失3款刺身分別為油甘魚、拖羅、牡丹蝦，食材新鮮，牡丹蝦鮮甜十足，但肉質偏軟。拖羅軟滑，但油香味不足，油甘魚魚味相對較濃。白松露蒸蛋改左做黑松露蒸蛋，蛋質軟滑，出汁鮮味，除左入面有一粒白果同一粒小柱貝，朋友不太喜歡白果的苦味，我嗰粒又唔太食到苦味。燒魚係兩件鰻魚，配上山椒粉漬物同糖漬楊梅。鰻魚燒得唔錯，不過兩件分量偏多，加上漬物同楊梅都無法解膩。面楊梅味道不討人喜歡，用處僅為清新口腔。緊接燒魚嘅係天婦羅。呢個編排，令人感覺相當有負擔，畢竟鰻魚唔係一般嘅油膩😅天婦羅有沙錐魚、萵筍、茄子、蕃薯，配上鹽同天婦羅汁。就咁望上去外層偏油唔夠乾身，食落油膩感不重，而且鬆脆。其中沙錐魚做得比較好，魚肉夠厚身外層鬆脆，內層多汁。萵筍就相對清新多汁。跟住就到7貫壽司，其中一款會用杯上。整體上非常新鮮，我個人比較喜歡

帝逸酒店位於城門河畔，日本餐廳「源峰」設在28樓，居高臨下，倚窗而坐，景致宜人，環境舒適，是周末寫意午餐的好去處。 由日藉廚師主理，水準的確唔錯，食材上乘，中午的八道菜廚師發辦，每位$650，性價比高。  櫻花蝦沙律沙律菜配櫻花蝦本來已經是個好主意，再以自然果味的酸汁調味，脆爽口感中，酸酸甜甜，吃完滿嘴討好的果甜回甘。 櫻花蝦特別迷你，每只皆炒至乾身脆口但不旱。 三款刺身送上牡丹蝦、拖羅、炙燒黑目魚，三款都是大部份人最喜歡的刺身，放在綠油油富條紋的圓碟上，很有海洋氣息，突顯新鮮感。 炙燒過的黑目，逼出魚油，肥美度不下於拖羅，牡丹蝦頭有少許膏，蝦肉柔軟鮮甜。 白松露蒸蛋日式蒸蛋從來都是順滑至不得了，今次的亮點自然在鋪滿面頭的白松露，配上一片菇，見到已經垂涎，香滑幽香，鮮甜美味。  燒魚鹽燒太刀魚，魚皮亦薄亦脆，魚肉香滑，尚有討好的鹽香，燒功了得。 天婦羅雜錦天婦羅，炸漿唔厚，味道很好，稍嫌未淨乾油份。 魚及甜薯最好吃。  壽司七貫全部配上我喜歡的醋米飯，所以生魚片更加要新鮮。 每一件皆刻意添加辛醬或食用花草點綴，而且已經調味足。 賴尿蝦身長過壽司飯幾乎一倍，吃得滿足。帆立貝爽脆。石雕配上