天府川菜

营业中

休息中

喜歡吃辣的人，四川菜必是你們的首選。四川菜以辣聞名，無論是麻辣或酸辣同樣出色，菜式從酸、香、麻、辣的獨有味道，變化出風味濃郁，層次分明的菜餚。餐廳的菜式大部份都是我們熟悉的四川料理，當中不乏麻辣的代表菜，但同時也會提供多款唔辣的家常小菜迎合不同客人的喜好。毛血旺（HK$158)👍👍👍👍👍這個菜式是餐廳其中一個的必試招牌菜，在紅紅的辣椒湯底上放滿辣椒乾，湯內滿載了多款的材料，有豬紅、肥腸、午餐肉、魷魚鬚、牛柏葉、黃喉，並加入大豆芽、蒿筍、薯粉等等，十分豐富。各款材料索滿湯汁，十分惹味，一口接一口吃下去，令人欲罷不能。夫妻肺片（HK$78）👍👍👍👍👍這個經典的四川涼食夫妻肺片，薄切的牛肚和牛舌滷至入味，加入花椒紅油、醬油、香油等調味，麻辣鮮香，風味獨特又地道。清炒蒿筍絲(HK$78)👍👍👍👍清炒蒿筍絲並沒有多餘的調味，味道清新爽脆，並吃得出蒿筍本身的鮮甜。門面內在環境Menu

星期日放假相約咗朋友嚟天后食晏，之前經過清風街已經睇中咗呢間「天府川菜」😙。我貪佢有得食辣之餘，仲有好多其他菜式。以川菜館來講，佢環境算相當乾淨整齊👍，因為店內無好大陣食辣嘅味，四周圍亦唔油。再者，呢度冷氣充足，我哋坐得好舒服。餐廳原來連週末都有賣午市套餐，平均六十幾蚊就有交易，仲送埋飲品添。另外，亦可以用優惠價加配小食。咁嘅價錢就已經可以食到正宗川菜，確係超抵🈹！本身諗住剩係嗌午餐，但喺老闆娘強烈推介招牌菜嘅情況下，我哋最終乜都食咗啲😜，成餐超豐富，飽到晚餐都唔使食。韭香牛肉($148)，哇哇哇，佢同餐牌圖片一樣，全部都係蔥💚。其實我超驚食蔥，但朋友相反，好鬼鍾意，我唯有捨命陪君子。由於係放湯，所以啲蔥唔會痴住啲牛肉。牛肉係用上鮮牛片🐮，肉味濃郁，厚薄適中，有好多片。湯底係唔辣的，佢出奇地無我想像中嘅臭青味，反而仲有啲青香😳，莫非呢個係令我接受食蔥嘅轉捩點？底部墊咗唔少大豆芽菜，適合索湯，亦好脆口。手撕雞涼麵($68)，涼麵好大碗，麵同餸都好多🍜。辣度有得揀，我只係揀咗微辣，但估唔到隻辣都幾勁，完全唔食得辣的話就一定要走辣。麵條清爽，條條分明，放耐咗都唔會漿成一餅。啲汁集中喺底，所以