聯華茶餐廳

营业中

休息中

想外賣港式茶餐廳，找到了懷舊的聯華。自從西灣河的百利冰室裝修後，舊式茶餐廳裝修買少見少。食懷舊風味應該是一個賣點。點了鮮茄焗豬扒飯，茄汁不錯，但不夠多，不能夠用來撈晒所有飯。飯雖然是炒底，但估計不是冷飯，太爛，跟茄汁撈在一起，飯更加爛。再點了星洲炒米，米粉碎得很，差點要用匙羹食。咖哩粉亦唔夠，顏色不是黃色，味道亦淡，甚至沒有星米的感覺。紅湯是比較可取，味道夠濃，菜料十足。全晚最好是奶茶，茶跟奶的分量剛好，茶夠香。

舊式嘅店面，隱藏於西環嘅某街道中。路過可能真係唔會特別留意，就好似我咁，嚮附近讀咗兩年書都未嚟過。六點幾鐘嚟到，裡面嘅伙記哥哥非常有霸氣同埋有效率，佢嘅霸氣並唔係澳牛果種串同惡，而係“呢度我地頭，有乜等我搞掂，你坐低等食就得㗎喇”嘅果種，非常客氣同有禮。跟焗豬扒飯有例湯，同時叫咗杯奶茶。焗豬扒飯需等候大約十五分鐘，非常大碟！飯香醬甜，非常惹味。豬扒先炸後焗，有少少骨，肉質極佳，唔會韌。皮極薄，炸得脆，加上焗嘅過程，變成軟性嘅鬆脆，口感極佳。雖然有成兩碗飯嘅份量，轉個頭已經食得一乾二淨。大推焗豬扒飯，而且就我觀察其他熟客所叫嘅嘢，其他茶餐廳食物都應該做得唔錯。絕對值得一試。

又經網友介紹另一間茶記，原來就是出名糖水舖隔離，單看這個門面已知是老店，室內地方闊落，樓上雅坐，更是舊式茶餐廳的標記，還有小貓走來走去「招乎」客人。山長水遠來到，當然不可不試招牌焗豬扒飯，焗後將飯下碟才上枱，豬扒及炒飯份量很多，豬扒已切成長條狀，可想而知那塊豬扒很大塊，肉厚又鬆化，很難得的是炸豬扒仍然保持口脆，其中有幾件較燶的，更加滲出焦香。炒飯不算太爽口，幸而蕃茄汁不會太糊口，免得令到炒飯更加濕。其實那碟飯只足兩人6成飽，初時有點後悔多叫了一份的蛋牛治。當食落的發覺沒有叫錯，三文治的饀料豐富又熱辣辣，雞蛋有蛋汁之餘，鹹牛肉亦經過炒香。而即沖的奶茶非常燙口，可惜唔夠濃香。