莆田 (形點 I)

营业中

休息中

好耐未試過兩個人過年時一齊食飯，我哋揀咗元朗莆田！超級有驚喜！門面好靚好光猛，侍應招呼好好，介紹我地就叫咗新春應節食品！首先當然要叫個鴻運發財撈起，呢個要值得講吓侍應姐姐真係好好一路介紹一路講啲好意頭嘅說話，心想事、風生水起、遍地黃金等等...未食都覺得好味！再嚟一個椒鹽豬手，如意橫財就手！椒鹽味好香，香香脆脆，外脆內軟，食到好多骨膠原，正！再整多個黃金荷葉包，一個炸包配有洋蔥炒肉絲夾係中間好好味！當然唔少得佢個招牌媽祖麵線，麵線如意長壽，點都要叫啦！個麵好似薈麵個人覺得唔錯！好好味！最後仲要唔少得叫個甜品酥炸芋芯，表面甜甜地脆脆地好味！總括嚟講！呢個新年食得超好超有少準的一餐！👍🏻

莆田係米芝蓮一星餐廳就係呢碟餸，我開年就決定係度開年啦！第一碟出場嘅就係撈起啦。撈起有成十種食物材料，每一種都有唔同嘅吉祥寓意紫菜:發財青木瓜絲:青春常駐紅蘿蔔絲:鴻運當頭脆脆:金銀滿屋花生油:財源滾滾來蜜糖: 甜甜蜜蜜大致上係咁多，其他嘅寓意大家有興趣可以自己去GOOGLE 下，大家今年都要撈起呀！黃金荷葉包---包就咁空口吃有點似炸饅頭，味道會比較淡，應該再夾埋入肉絲一齊食就VERY GOOD 啦。媽祖麵長壽麵麵質較稔，材料有蛋絲、紫菜、豬肉、蝦等等椒鹽豬手外皮香脆，入口惹味。

年初五，約左個舊同學系元朗食lunch團拜，見莆田仲做緊新春二人餐。即刻坐低，唔好講咁多。就算新年流流佢哋出餐都出得好快，第一樣送系鴻運發財撈起，幫我地撈既侍應好好人，仲同我地玩，叫埋我地一齊撈。撈勻左之後，啲蘿蔔絲酸酸甜甜好好味，平時唔中意食蘿蔔既我都忍唔住食多幾啖！呢個酥炒芋芯簡直系我至愛！炸到外脆內軟，酥香感十足！芋香可口，簡直就系齒頰留香！佢個黃金荷葉包炸到好香脆，上面啲芝麻都好香，幫助到啲肉絲去突出佢既滋味。雖然見到肉絲顏色好深，但一啲都唔咸，仲好入面好juicy添！媽祖面線真系傳統福建菜式之一，入面有香菇、瑤柱等食材，突出面線同湯汁既鮮甜味，真系好足料！傳統福建人一食就食得出。椒鹽豬手都系應節菜，因為今年系豬年呀嘛！個侍應一拎埋嚟我已經feel到佢既溫度，系好熱好香脆，表面的金黃色澤真係令人流晒口水！我仲想繼續食啊！可以儲miles之餘同埋免費泊車。又賺左。

踏入大年初二，筆者在此先跟各位拜個年：祝大家豬年行大運，搵得多食得多，一起大食四方。今年和家人選擇了在「莆田」舉行開年飯局。一開局當然先來一個發財撈起吧，說來見笑，這是筆者第一次吃撈起。撈起有上十種食物材料，每一種都各有其吉祥寓意。店員一邊倒入食材，一邊說出祝賀說話，非常好意頭。把食材全數倒入後，大家便起筷齊齊撈起撈起，新一年越撈越旺，來個風生水起。紅蘿蔔絲和青瓜絲撈了蜜糖、鰻魚汁等調味料，入口咸酸甜味俱全，頗為醒胃。與傳統所用的魚生片不同，「莆田」用的是煙三文魚片。這樣的話，不吃生魚片的食客們也可來個大開食戒了。寓意金銀滿屋的荷葉包烤得香口金黃，外皮灑上芝麻。空口吃有點像炸饅頭的味道。夾入碟旁的肉絲一起吃，醬香味甚為濃郁。原來「莆田」的媽祖麵就是長壽麵，帶著長壽吉祥的意思。麵線質感非常細滑，配上蛋絲、紫菜、五花肉等配菜，鮮味非常又口感豐富。新年吃豬手圖其橫財就手。椒鹽豬手外皮被炸得酥香薄脆，入口惹味。但略嫌豬手肉太少，不夠滿足。芋芯在餐牌中的介紹是莆田十最之一，淺嚐了一件果然名不虛傳。根據餐牌上的簡介，芋芯原來是芋頭中最好的部份。炒芋芯外層烤得脆脆的，內裡則是粉腍的芋頭蓉。甜咸的味道