家傳滬曉

营业中

休息中

環境3分：外賣自取，只係响收銀處比錢同攞嘢食，睇落舖位都幾大，樓面好高，但唔識比分，所以中間位三分。衛生5分：外賣包裝嚟講呢真係好乾淨，每個餸都有個透明膠盒分開裝，Ｄ汁用膠紙黐實好穩固，可以畀佢五分。服務5分： 接線生好專業，落單時會提午餐有優惠，訂單幾時預備好，總數幾多，問多兩句又唔會話你煩，態度非常之好。準時去度餐廳，Ｄ食物已經齊，即時比錢，服務員仲叫小心重，細心到呢，滿硬分。味道3分：1)      小籠包一客五粒，外賣嚟講呢都唔錯，個皮唔厚，Ｄ肉夠嫩，但係响冇穿冇溜嘅情況下就差左Ｄ湯汁，要扣一分。2)      鍋貼都係一客五隻，個餡Ｄ肉一樣好嫩，Ｄ汁又夠香甜，但係層皮超厚又煎得唔夠香，要扣佢兩分。3)      個揚州炒飯炒得夠乾身，完全唔油，又夠料，食得過。4)      個嫩雞煨麵係湯同麵分開裝，所以Ｄ麵冇索到淋，個雞湯好濃味又夠甜，要加返佢一分。抵食3分：午餐飯麵平極都要五十蚊起，炒飯仲差不多成舊水，點心都係四十幾蚊起，一啲都唔平，不過上海菜都預左咁上吓，正常價畀三分。