辛安東元祖奶奶雞 (已結業)

是源 我同屋企人都好鐘意食韓國野之人真係無韓國食品不歡成日經過勁多人係到等 所以今次決定book時間一嘗安東雞心願同屋企人book左7點 5位 咁去到都未算多人 已經安排入座先餐前一定要開下個胃口既 不二之選 泡菜跟住點少得招牌安東雞 半隻小辣 好入味 原來仲有粉 吸哂啲味一流跟住叫左個海鮮墨水炒飯 睇個名好吸引決定一試 無失望 好夠海鮮足料之選試左豚肉 個汁好正好開胃 大愛仲有仲有 生菜包點少得 加埋泡菜係面 個口感好夾成餐飯屋企人好滿意 仲話下次會再黎！

 是日朋友生日，7個人在這用餐。店內分別有兩層，上層的環境和氣氛都不錯。但菜式選擇不多，而且飲品不值這個價錢，18元一罐但只是喝柚子味的汽水，沒特別所以我不推薦選飲品。除了BEER $38之外，其他的都是很小罐。芝士咖哩年糕 $48爆豚泡菜 $58我們還點了火山燒茄子和柚蜜雞翼。但火山茄子只是個蒸熟的茄子淋上鼓油，而且份量是最小的，不用點這個了。反而柚蜜雞翼可以一試，雖然雞翼裹的味道不太入味但雞翼香脆，外面酸酸甜甜。

中午用左$59團購叫左半份安東雞，再加一個lunch set, 食得好飽!安東雞(唔辣)：由於唔食得辣，第三次黎食都係叫唔辣，味道保持一慣香濃醬汁味，雞肉軟滑豚肉炒安東粉：安東粉即係薯粉，豚肉比較乾同鞋，做法同韓式炒粉絲一樣咁味道，一樣咁油下次我諗唔會再叫佢既湯同前菜好一般，不要有期望中午其實人真係唔多，唔知係咪我地用團購所以服務態度唔太好 語氣態度比較差啲

七時到達, 未需排隊, 被安排上樓上, 原外天外有天, 樓上很大, 格局很有特色豚肉的生菜包, 賣相十分之吸引, 吃下不錯, 豚肉的味道淡但很香口, 包著菜一口吃下, 當然別忘了那些少辣的醬, 真是令人很開胃的小吃呢招牌菜果然每枱都點, 有標準及大兩個份量供選擇, 少許辣的汁, 一邊吃會一邊流鼻水及汗水, 人人都是這樣, 很有趣, 味道方面, 其實是不錯的, 除了辣之外, 汁都是少許甜的, 若中國人的吃法, 配飯是絕對適合的, 配菜有大量蘿蔔及青瓜, 雞件方面, 太多骨, 太少肉, 實在食得很不'過癮', 可能是個別情況吧...服務都不錯, 還有會席可參與, 待日後享用折扣呢

W朋友團購了標準份量的安東雞, 就讓我們3人一起回味上年在韓國吃的安東雞吧!! 白布街…..在這一刻前完全不知在何方, 現在為吃這安東雞; 不得不知了!!! 在門外了等約15分鐘, 可能其他門外人等了不只這時間, 一個話得事的主管捧了一大盤罐裝飲品給門外等位客人; 果然有款客之道!! 就是這樣子令我們分心去拍照、品味、讚許, 什麼躁意也消。 等位時看見地層的枱與枱之間非常無空間, 幸兒是我們被安排到2樓。 第一個觀感是室內 War Game裝修 feel, 灰泥色的牆身、鐵絲網的隔住, 空間感闊 。 第二個觀感是懷舊60 / 70 年代的裝修, 細看這海報連綠色的窗框; 其實是保存此單位的原有窗框; 再在牆身弄了裝飾的假窗框連海報; 不懂韓文的我, 更覺是香港懷舊裝修 feel。 肚餓了!!! 先來韓式飯卷, 其實都是日式壽司的樣子; 青瓜爽口但紫菜已不脆。K朋友表示Menu 的相片與實物 Size 不符, 實物細過相片約一半!!雜菜海鮮煎餅, W朋友說煎餅外脆內軟, 美味!! (好行! 差D唔想寫!!!) 主角安東雞來了!! 回味上年在韓國一起吃的安東雞, 份量少過在韓國吃的

第一次誤打誤撞情況之下,係韓國吃了安東雞, 一吃難忘。以家唔駛搭飛機都可以食到, 當然是即刻去啦!二人行只order了小份量,$98 小size,小辣,等了大概十五分鐘,就開餐喇!小辣實在輕手了點,建議大家可以試中辣,比起在韓國食,這裡的醬汁不夠濃稠,醬油的甜味不夠特出,薯仔及蘿蔔份量少,也不夠入味,不過雞倒是挺嫩滑!玻璃麵混合醬汁依然好好食!另外,還試了芝士辛辣餃子。上層的芝士在視覺上實在太吸引了!中間放了些肉碎,然後下層才是炸餃子。味道一點兒也不辣,喜歡芝士的朋友不要錯過!

因有朋友買了團購所以來一試, 記得係韓國時食過很回味, 那天晚上大家等了一小時才入座, 當第一碟主角出埸係佢地招牌安東雞時, 大家第一個反應就係嘩咗一聲, 乜咁大碟嘅................隻碟, 雞的份量很少, 粉絲也少得很汁就好多, 份量一定唔夠一隻雞 而且D雞肉勁鞋, 又冇肉, 好難咬, 同係韓國食果D相差得太遠.... 招牌菜都唔掂其他都唔駛有咩祈望, 之後有個海鮮煎餅, 上台時覺得同幅圖相差太遠了, 幅圖影到煎到金黃色咁, 我地個就... 食落成口粉, 都唔知熟晒未, 而且冇海鮮, 仲話海鮮煎餅, 我地仲以為佢送錯 個石頭飯一D飯蕉都冇, 好似就咁"筆"飯落去個石頭度, 唔係正宗韓國餐廳成個攞去燒, D飯又濕淋淋, 成PAT野...最後講番隻雞, 唔知點解我地叫一隻雞會有2個雞PAT PAT, 係咪團購會差D??? 一定唔會推介俾朋友

好日都唔落旺角, 今次居然比我發現到響白布街開左間新野,個名好古怪, 叫做奶奶雞。完全係估唔到佢食D咩, 望一望MEUN, 原來係韓式安東雞。其實我出街通常食日本野多, 但D FD又好似好想試咁, 見佢價錢都唔係貴, 咁就試下啦。我地一行5人,7點去到,都已經無咩位, 好彩有BOOKING NO SHOW先有位比我地炸, LUCKY~入到去原來仲有樓上, D裝修行懷舊FEEL,牆身排左D舊電影POSTER, 風景相咁, 都幾靚~~最重要係D位都幾闊落,好好坐, 唔會好迫。準備叫野食, 發現有我最愛既燒花魚~~$48抵到爆啦!之後當然要叫個奶奶雞食下啦, 仲叫左真露煮大蜆, 炒年糕, 冰珀豬肉, 生菜包, 芝士餃子,柚子雞翼, 野菜沙律。燒花魚:個邊燒到脆脆, 但中間位又好厚肉, 火侯唔錯呀, 大愛~~炒年糕,生菜包,野菜沙律:正常水準, 價錢都好合理。真露煮大蜆:完全意料之外! 平時出街食煮蜆個湯通常都好淡無味, 呢個湯好清香, 帶少少辣, 重點係真係有酒味。冰珀豬肉:好特別, 佢其實係五花腩片,上面有D肉醬, 夾埋蔥絲食, 係就係細細份, 但味道搭夠, 掂呀!柚子雞翼, 芝士餃子:最

放假本黎諗住同幾個朋友去旺角食日本放題，點知行過見到招牌寫住乜乜“元祖奶奶雞”好得意，細問下原來係食韓國好流行嘅安東雞，雖然都聽完都唔明係咩，反正未試過就入去食下。餐牌上食物唔多選擇，我地就叫左安東雞（小辣），泡菜，燒茄子，真露煮蜆 。 泡菜好快就送上，味道同我地平時食開既有少少唔同，食落口佢特別香，同唔會好喊，感覺唔錯。燒茄子就普通啦，但擺碟好靚，真露煮蜆就好正，同我地平時食開既清酒煮蜆有唔同，佢會再清甜d,食落味道好舒服。可能係即叫即整既關係，安東雞要等左一陣先有得食，不過當我見到成盆安東雞真嚇親囉，好大盆呀，好足了有雞啦唔洗多講，大大舊青瓜，蘿蔔，薯仔，最特別係個底有韓國寬粉，完全無諗過食雞會有寬粉。個汁好野味入口甜甜地，但又帶點醬油香味，加埋小小辣，好岩我地幾個胃口。整間舖裝修好有韓國感覺，坐得又舒服同乾淨，值得下次再黎試。

一直礙於自己中文極差 所以從來不打食評 早幾星期看到有一位前同事在openrice上的happy share, 我手寫我心 但真情流露 令我也心思思想試一下寫食評幾年前 一年會到韓國幾次 每次都有本地人帶我食足幾日 如果要揀3個最念念不忘既菜式 1係燒五花腩 2係春川雞 3係安東雞偶然在團購網見到有專食安東雞的餐廳 於是立即取消原本預訂了的餐廳可惜團購要9月才開始 不過為了很久沒吃過的安東雞 有沒有團購都不管了由於是新餐廳 人客不多 加上我和朋友只有3檯客人標準(半隻雞) $98 加大(1隻雞) $188 可分無辣 小辣 中辣 激辣 第一次食 試小辣似較穩當xD期待已久的安東雞上場了 有大約10數件雞,薯仔,蘿蔔和青瓜 最重點是下面的韓式冬粉 因為每條都充滿著湯汁我吃過的韓國安東雞有點像豉油雞 咸咸甜甜的 只是汁已可送數碗飯相比起來 這裡的就咸多了 亦沒有了甜味 因此就算吃不飽也不會叫白飯來撈汁 不過醬汁咸加上辣亦很惹味 最後3人把整碟吃光了 加大的分量算頗多的 3-4人分享一碟已足夠了今天已約好朋友等9月有團購時再去吃多次 xD