八月居 (海港城) (已結業)

前排幾次到八月居都是吃套餐， 今次試下散叫，家人生日預早已經訂定枱， 星期五的晚上大約七點半店內已經坐滿客人。 菜式有炙燒松露黑豚肉$198、 芥末脆香蝦球$168、 加拿大龍蝦肉炒鮮奶$198、 安格斯半熟牛肉沙律$248、 黑蒜蒜泥蒸勝瓜$108、 福建炒麵線$138。安格斯半熟牛肉沙律～牛肉薄切但有咬口， 牛肉味亦很濃郁， 下面用青瓜絲洋蔥做沙律， 兩者味道很夾。 炙燒松露黑豚肉～ 香濃的松露醬配上肉質軟稔細嫩的黑豚肉，入口非常惹味。上桌時營造火焰效果，視覺與味覺都很享受。芥末脆香蝦球～芥末和沙律醬的融合， 蝦仁口感香脆，醬汁味道美妙。加拿大龍蝦肉炒鮮奶～ 龍蝦肉爽口彈牙， 炒鮮奶做得香軟滑溜， 多重口感集於一身。福建炒麵線～ 生日一定要吃長壽麵， 炒麵線 滑爽彈牙有嚼口。黑蒜蒜泥蒸勝瓜～ 簡簡單單又清淡的一個菜式， 配上黑蒜和蟲草花兩種健康食材， 味道很好。八月居的食物一向有水準， 喜歡餐廳環境整潔，座位舒適， 店員服務周到， 是我家人經常會到的飯堂。

朋友想搵間中菜地方聚餐傾計，因為朋友住香港九龍新界都有，最理想是中間點－尖沙咀！我哋叫咗椒鹽脆豆腐、安格斯牛肉沙律、秘製醬烤豬蹄、黑蒜蒜泥蒸勝瓜、醬油炒飯、茶燻鴨！ 有餸有飯，環境舒適，傾計一流，入到黎先知道佔地好大， 食物係好食， 上菜都好快手，每蝶菜造型都好靚，先講安格斯，愛吃牛的我比滿分，醬油炒飯粒飯汁有甜有鹹，炒得好好味！ 因朋友生日，叫咗個生果拿破崙做甜品，代替生日蛋糕，甜品要三催四請才出到，再催提供蠟燭，單哥哥姐姐，要努力，要提升素質，有進步空間！

約咗班舊同事一行八人， 喺尖沙咀搵食 打電話問咗幾間酒樓都係限時90分鐘至120分鐘！ 最後決定幫襯美心集團嘅八月居，主要原因係因為佢唔限時，而家出嚟搵食好鬼麻煩……間間都限時！出到嚟先知其中一位舊同事有AE card 會全單75折喎！正啦 ……可能由於平日嘅關係，唔算太多人我哋被安排坐喺側邊位置，所以都唔太嘈，大家可以暢所欲言！我哋點咗八個菜，加多一個甜品:1. 安格斯半熟牛肉沙律牛肉煎到好香， 肉質都算淋，好味2. 炸子雞不過不失啦3. 洛神花黑豚 骨酸酸地幾好味4. 蟹斗炒魚米賣相好特別，d蟹肉都好多,唔錯5. 香茅蚊原條海斑條斑仔好細，冇咩咬口，唔建議食6. 薑汁炒芥蘭芥蘭炒得爽脆，唔錯7. 椒鹽九肚魚呢個我就覺得大排檔嘅好食啲啦8. 酥香鴨鴨肉好靭 ，味道麻麻地9. 鮮果拿破崙賣相一流， 不過材料唔多，冇乜味 同埋好難一分開就散曬。整睇佢嘅餸有啲特別 ，一大班人食飯傾計唔錯 ，值得再來！