湯煲私房火鍋

营业中

休息中

前排天氣突然又凍返，所以同朋友一致決定要打個邊爐！朋友係中環附近返工，所以揀左呢間樓上鋪麻辣青瓜雲耳-青瓜清爽，雲耳爽口，再加上啲辣椒同花椒香味，真係好開胃！清香椰子雞煲-椰子味好清香，雞肉又滑又嫩，湯汁都有佢哋嘅香味，真係一道好清甜又濃郁嘅湯煲安格斯肥牛-肥牛十分嫩，好滑，好juicy-牛味濃而且肉質細緻自家製牛肉丸-十分新鮮，肉質厚實，香料又夠足-口感爽彈，下次必encore 竹生帶子丸-超級鮮甜，帶子肉質好滑，一啖就令人回味無窮！-加左竹生更有口感，非常有驚喜

呢幢大廈有好多嘢食，之前喺上環返工都成日幫襯，不過唔知道原來開咗間火鍋店，於是今日嚟試吓。點完菜就已經有一盤醬料俾我哋選擇，店長特別介紹佢哋自製嘅蝦醬，裏面有蝦子，蝦頭，蝦膏，蝦米，味道有啲似XO醬，帶點微辣，好惹味！都唔需要落其他調味料我哋叫咗個好滋潤嘅椰子雞煲，湯底係用椰青熬製，超級清甜；佢哋用清遠雞，雞味濃而且滑；另外仲有一碟青檸檬同沙薑，要來調味。炸響鈴：自家製，腐皮好薄，由於即叫即炸所以熱辣辣脆卜卜，可以舔泰式辣醬，或者浸湯食。安格斯肥牛：牛味濃，脂肪分布平均墨魚丸拼蝦丸：加$20可以試晒兩款，兩款都好彈牙爽口芥蘭苗：好新鮮

之前聽朋友講起呢間火鍋個湯底好正，咁啱嚟呢頭做野就順面試下！我就覺得整體都好唔錯啊👍🏻1.鴛鴦鍋（沙嗲煲+雜菜豆腐白湯煲） 沙嗲湯底好夠味，基本上火鍋料唔洗點醬汁都可以啊！而雜菜豆腐白湯就好啱我口味，味道清甜～彤樂評分：9/102.蜂巢凍豆腐 一上枱店員就提我地快啲落，事關凍豆腐淥得越來就越入味，真係要一讚服務好好啊！而凍豆腐吸滿湯汁真係好好味啊！彤樂評分：8/103.自家製蝦丸見到點餐紙有推薦叫蝦丸，所以就揀咗佢！果然無介紹錯啊！蝦丸絕對係今餐重點👍🏻有蝦味得嚟又好彈牙！彤樂評分：10/104.安格斯肥牛脂肪分佈得好靚啊！而且牛味都幾濃～彤樂評分：8.5/105.日本白金腩肉肉質都係好正啊！夠晒鮮嫩～彤樂評分：9/106.酸梅湯打邊爐就梗係要叫返楂酸梅湯嚟下一下火啦！我就好鐘意佢個酸梅湯夠曬酸啦！彤樂評分：8/10

打邊爐係香港人最中意既香港料理之一。不過，打得多果啲任食邊爐，慢慢就食厭左果種『唔理好醜，但求擺得落口』既食法。有時都想寧願比貴少少，但食到有質素既邊爐。所以，今晚就同老婆搵左呢間位於上環既湯煲私房火鍋試一試佢！首先間鋪地理位置唔錯，隣近地鐵站出口。出左地鐵站，行幾分鐘就到。上到鋪頭雖然唔算大，目測坐到30人左右，但係勝在夠乾淨企理，啲位又夠闊落。坐低左之後即刻望下個餐牌，雖然選擇唔算好多，但係應有嘅都有。我哋叫咗個鴛鴦鍋，安格斯肥牛，廣島蠔，白金豚腩肉同埋炸響鈴。肥牛10分咁新鮮，腩肉都出奇地好味，廣島號都好友鮮味。特別一場個炸響鈴，佢係即炸，所以口感非常好。雖然比平時打邊爐貴左少少但係物超所值。如果多啲人上嚟食，攤翻開就更加抵食！