木玥巷 (已結業)

性價比高台灣菜🥕蟹肉金絲炒新竹米粉$98⭐️⭐️⭐️⭐️⭐️非常大份，炒到勁香口但又不會太乾身，又夠穫氣，店員更會貼心問需5需要辣椒醬，加上辣椒醬更加惹味！🥕酥炸排骨配台式炒麵$88⭐️⭐️⭐️⭐️⭐️酥炸排骨炸到勁香脆可口，肉質嫩滑勁肥美又大大塊。台式炒麵好香，口感軟硬適中，附上酸梅汁，完全可以解到油膩感。🥕宜蘭三星蔥餡餅$36⭐️⭐️⭐️⭐️⭐️一上枱熱辣辣，咬落去要小心，因為會爆汁好正，外皮夠香口，豬肉加香蔥無得頂，不會太鹹，附上酸辣汁，點黎食都會好惹味。🥕木玥招牌水果茶(西柚)$34⭐️⭐️⭐️⭐️⭐️🥕木玥黄金水果茶(鳳梨)$34⭐️⭐️⭐️⭐️⭐️兩杯水果茶都勁大杯，一定夠飲呀～夏天消暑一流。西柚比較重茶味，鳳梨比較重鳳梨味。環境走木系風格，座位舒適乾淨冷氣足夠，店員服務態度良好。======詳情======木玥巷元朗媽橫路9號富來花園地下17-18號舖👣朗屏站B1出口步行約1分鐘================

久仰「木玥巷」的大名，原來不只開在屯門，港鐵朗屏站附近也有分店。窩夫與蝦子餅二月初終於有機會光顧，當晚不用等位便能入座。先送來小食，琥珀合桃太好吃了，又香又甜又脆，窩夫吃到停不了口。宜蘭三星蔥餡餅($36)一客四個，味道不錯，不會太油膩。台式炸物拼盤($58)有鹽酥雞、甜不辣、四季豆和杏鮑菇，鹽酥雞最有驚喜，外面脆卜卜，入面肉汁豐富。第一次光顧當然要試招牌菜，木玥招牌紅燒牛肉麵($98)有齊牛𦟌、牛筋、肥牛、蘿蔔和豆干。三牛當中窩夫最喜歡牛𦟌，滷得入味又夠軟腍，而且肉味很濃。湯底清甜，紅蘿蔔和白蘿蔔亦很甜。牛肉麵很少有豆干，沒想到吸滿牛肉湯的豆干表層還有點脆。窩夫與蝦子餅多年前在台北貓空吃過水蓮一試難忘，所以點了樹子炒水蓮($84)來回憶一下。水蓮非常爽脆，印象中第一次吃樹子，味道不錯。蒜香蟹肉帶子炒飯($96)很足料，蟹肉一梳梳的，用蒜蓉來炒特別惹味。

🏠木玥巷 呢一間係一位住咗喺屯元天嘅隱世美食家推薦俾我嘅🤣🤣 本身佢最推薦我食嘅係鴨血粉，但我唔算好鍾意食鴨血，所以就打算試其他。呢間嘢都幾近朗屏站，朗屏站B出口一出行幾分鐘就到，餐廳座位都好闊落乾淨👍🏻 🐮紅燒牛肉麵 $72 當日去到係落緊雨又凍凍地，所以好想食一碗熱辣辣嘅面。呢一碗牛肉麵好滿足到我當刻好想食熱辣辣嘅面嘅慾望。 牛肉麵嘅湯底，係有淡淡的藥材味，但又唔會重到令你覺得好似飲緊中藥咁，係有啲甘甘地。 最值得讚嘅係佢嘅牛展，佢係真係淋到你好難以置信，好似唔使點咬咁😍😍 而且有三大塊，真係好滿足，再配上一大舊紅蘿蔔同埋蘿蔔。 而麵係用圓麵，滑入口嘅感覺好正好正😍😍十級推薦呢個牛肉麵👍🏻 🐥鹽酥雞飯 $75 鹽酥雞好大舊😍都係有三大舊，咬落好脆好juicy，雞肉好滑，炸皮薄得嚟又啱啱好包住啲肉，而且係脆到好似薯片咁，唔會係好"戒口"果隻炸皮👍🏻 由於本身嗰日好掙扎應該叫滷肉飯定鹽酥雞飯，見到佢嘅白飯可以轉做滷肉飯最後我哋先叫鹽酥雞飯。 果然冇嘥錢轉個滷肉飯，因為個滷肉汁真係好香，白飯係有啲似珍珠米不過我唔肯定，滷肉汁係甜甜地有好有肉香，配上啲飯食真係一流👍🏻👍🏻 🥬宜蘭三星蔥餡餅

在家工作了一整個星期，決定落街吃午餐順便散下步，選了一間都幾多食客又經濟實惠的餐廳 — 木玥巷。初頭都是抱著食一餐便飯的心態來，午餐時間都頗多人，等了一會兒便有位。先介紹紅燒牛肉麵。超大份，有四件牛肉，湯底紅燒味都濃郁。好味！食到一半聽到隔離枱兩個食客都叫牛肉麵，就知道這道餸確實是必食的。另外點了鹽酥雞飯。炸粉不厚，雞肉有味，份量足夠，都是一個不錯的選擇。還點了一份小食兩份分 — 蔥餡餅。等了一會兒先食都還是熱辣辣，新鮮煎出來。食的時候要小心，我倆都不小心漏了肉汁出嚟，哈哈。飲品方面絕對無後悔加錢叫特飲。招牌水果茶超！大！杯！亦都非常足料，超多熱情果。同雪菊蘋果茶一樣，都不會過甜。滿足的一餐。