吃茶三千 (V Walk)

营业中

休息中

由長沙灣行下行下，行到落南昌，我對腳都未見攰，但好口渴就真！我地買完晒燈籠，就去左V walk入面繼續行同嘆下冷氣！朋友就話V walk有間出名用萃茶機來萃取茶飲，仲要有成6款茶底。所以我就聽左朋友介紹，一人買一杯。因為最近手搖店有個蜜桃系列，太愛蜜桃既我就揀左杯蜜桃冰茶。而朋友仔就揀左杯夏日必飲既水果茶⋯ 店員都有話佢地全部茶種都獲得國際風味評鑑頒發既獎，唔怪之得佢地出名到又係荃灣CityWalk開分店啦！ ⦁蜜桃冰茶 $40可以自選甜度同冰度，因為有D人同我一樣都怕好甜既野。我揀左半甜少冰，對我黎講第一啖會太甜，之後飲多幾啖就還好，可能係我未攪勻。入面超多果肉🍑，仲要好新鮮。岩晒鍾意蜜桃既我。😍 ⦁寶島經典水果茶 $36尼款就固定左甜度同冰度，但唔洗少甜果甜度都岩岩好。雖然咁多水果，但個茶味都幾出，聽講好似係用左鳳眉紅茶。 我見都幾多人買，如果人多，建議嗌完可以shopping下，再番去拎。另外店舖果包裝好特別好靚，仲有種文青feel。尼間我應該會系荃灣狂買，可能每日一杯添😜。

第一次試真係唔識揀，但佢又無招牌野飲，真係令人選擇困難 最後店員推介水果茶，不設少冰少甜，店員說沒有+糖水但見舖頭好多都係新手，仲培訓緊，所以都等了成10分鐘先出到杯茶，平時見咁多人等所以無試，今次見無人先試下，如果趕時間唔建議買味道ok,甜度適中，係真係水果甜，值得再飲，但要等無人既時候

吃茶三千喺南昌嘅VWalk開咗新分店，見到佢開店頭幾日有8折優惠，即刻同同事一齊試試佢😆 不過唔知咩原因，有2杯招牌「雪芙」飲品都暫時無提供，唯有留返之後再試啦🙈 除咗配搭好嘅飲品，客人仲可以自選成杯飲品，由茶底到調味（例如配皇家厚奶、奶蓋慕思、青檸原汁等等），然後再揀埋配料、甜度、冰度～另外我哋仲留意到佢哋嘅飲品都好有「儀式感」同埋小心思，一杯飲品沖好之後，會由收銀嘅店員逐杯貼上封蓋貼紙，貼紙仲要有唔同款式，跟住再套埋佢哋手工製作嘅紙製杯套🤣 所以成個過程都有少少慢🤏🏼🤣 同埋個紙製杯套雖然都幾堅固，可以用多幾次，不過始終都唔太環保🙈 所講我哋都係要咗一個嚟影下相用就算喇🤭•🥢 國王珍珠奶茶 $34➡️$27.2呢杯珍珠奶茶用咗鳳眉紅茶，飲落茶味幾濃，但茶味偏甘；厚奶令到成杯奶茶變到稍為竭身啲，感覺真係比較濃厚～珍珠份量好多，食落Q彈有咬口，但甜味比較單一，飲到最尾無晒奶茶嘅時候就有啲寡😬整體嚟講比一般珍奶好飲嘅，可以一試～不過呢個價錢同份量，就算有8折都唔算好抵飲喇🙈•🥢 寶島經典水果茶 $36➡️$28.8呢杯水果茶好豐富，生果份量都幾多，有鳳梨、橙、蘋果、檸檬、百香果......