愛文生

营业中

休息中

周末一班好友吃大排檔，愛文生是該區人氣之選。沒想到夏日炎炎竟有不少人仍坐在街上進食。要求了入內有冷氣的位置。等了約30分鐘終入座。到大排檔當然要點些穫氣小炒及炸物，熱一熱氣! 再加可樂啤酒爽一爽!椒鹽九肚魚: 一向不愛九肚魚，但這裡的調味好又炸得夠脆，骨也全吃掉!豉油皇炒面: 去大排檔必點，穫氣夠，面夠乾身，配上辣醬，不錯。金牌乳鴿: $68一隻的確不便宜，但炸得剛好，皮薄肉嫰，且算大隻，確比酒樓$30一隻要好。西檸軟雞: 炸雞皮夠薄脆，欣賞汁不會過浠，剛好掛在雞上，酸甜度亦正合我口味。金銀蛋浸白菜仔: 點了一道清淡一點的浸白菜仔，解一解油，味道也是好的。小炒王: 另一必點的大排檔菜式! 腰果蝦乾菜圃大方給超多!土魷超大塊但有點硬，下酒一流!豉椒炒蜆: 本想點蟶子但賣光了，退而求其二叫蜆。調味不錯，蜆多，但老了一點，間中一隻有沙，有點失色。魚香茄子煲: 點個煲仔菜，選了魚香茄子煲這最油最肥之選! 茄子香滑，咸咸香香，吃著很想吃飯!整體味道不錯，份量夠大，吃得豪邁也飲得高興!

三五知己最好就係大排擋，點嘈都唔會有人理😆朋友介紹呢間愛文生，一試無妨。晚上大約19:30去到，人多，有啲已經坐咗喺街，我們一行5人，舖內仍有坐位，店員安排我們一張10人枱😳餐牌上好多經典菜色都好想叫，先叫6個吧。小炒王：韭菜爽、果仁脆、魷魚煙韌、菜甫甜、蝦乾靚，啖啖口感不同，完全停唔到口。豉椒炒蟶子：其實來呢度唔應該揀海鮮食，明知唔會好食嘛，但我太愛蟶子😛果然，一食就知唔新鮮，應該好多本身已經死咗，而且好多殻，蟶子肉就好少😞生炒骨：大排檔必叫嘅生炒骨，每件肉都肥瘦相間，好味😋炒豆苗：新鮮好味椒鹽雞軟骨：雞軟骨同果仁係好味嘅，中間仲有啲炸咗嘅蒜蓉呀蔥呀咁，但雞軟骨嘅比例就少咗啲喇，以$98嘅價錢來講就唔係好抵囉香芋油鴨煲：其實我們叫嘅係臘味煲，但佢來咗油鴨，食咗少少先發覺來錯咗，同店員講，佢望望下，無出聲就收走咗，我們以為佢應該係換咗啲油鴨，放返啲臘味落去架姐，點知佢收咗之後，過咗一段時間先再送返煲野來，原來佢從新做過，有誠意，竽頭好香好滑，但臘味就麻麻地，同雞軟骨同一個問題，竽頭多過臘味好多，唔值$98囉食到咁上下，我哋5個肥妹仔覺得唔夠皮(๑´ㅂ`๑)於是叫多2個餸，5個人叫咗8個

好友生日飯, 決定帶幾支酒去慶祝一番！就決定搵D 大排檔 OR 中餐廳食飯, 朋友就決定黎呢間 "愛文生"食, 聽就聽得多但係未食過, 就決定黎試下喇 去到真係好多人！ 企到出曬馬路！ 拎左飛就同好友們係路邊開始品酒吹水先唔算等左好耐, 15分鐘左右已經入得！ 正！開餐！！入內樓面整潔企理, 唔錯 事不宜遲, 即時點餐！上菜！！一黎就係我既最愛, 黑椒薯仔牛柳粒薯仔煮到軟硬適中, 外脆內軟, 正！牛柳粒非常惹味, 醬汁香濃, 食落口一d都唔靭, 加埋黑椒既香味, 成個菜無得頂呢碟小炒王又係一道招牌菜！韭菜炒得好好味, 配合鮮魷, 蝦乾, 腰果真係好正！！ 送飯一流！！真係白飯都食多碗 椒鹽九肚魚！！ 真心正！！雖然好多地方都可以煮得到呢個味道, 但食落一D渣同骨都無, 香脆而不油膩, 真係難得！誠意推介！！ 如果份量再多D就好喇~ XDD  因為多人食, 每人分到唔多啫啫芥蘭煲, 又一送飯良品！成個煲濃味得黎又唔會蓋過芥蘭既鮮味！一向唔食魚腸, 所以無食呢個菜朋友話唔錯, 而且一D腥味都無紅燒豆腐, 普通豆卜煲, 可以整得更好其實都好食既, 不過對比其他菜就比較失色豆豉鯪魚炒油麥菜,

人山人海老牌檔 - 愛文生成五六年沒有幫趁深水埗愛文生，估佢唔到平日8:00pm來到，門口有成十幾廿人排隊，幸好只三人細檯等一陣就有得食了。幾年無來，除街邊露天位外仲好似在前面租多個鋪，生意好到不得了，一試食物味道的確依舊出眾。豉椒蟶子夠味，無沙鮮甜。椒鹽雙魷炸得香脆冶味，炸漿薄好功夫，佐酒一流；小炒王有韭菜花、蝦乾﹑土魷﹑腰果等，微辣炒得乾身，好吃。食物價錢以大牌檔來說偏貴，但夠大碟亦十分有鑊氣，值得，如此出色怪不得天氣一涼番少少便客似雲來。FB: smallsmallsmalllin

禮拜六晚七點帶朋友嚟食，已排長龍，以為要等好耐(排到15號)，結果等咗幾分鐘就有位！4個人叫咗六個餸(睇咗食評做好功課先嘅))1.椒鹽九肚魚略失望，漿太厚,掩蓋咗魚嘅味道，無前兩日係銅鑼灣盈福小厨咁好食2.豉椒炒大蜆唔特別，賣相okay，但蜆嘅size唔算大，正正常常嘅味道。3.黑椒薯仔牛柳粒呢味係今晚最好食嘅餸:牛柳粒嫩而夠味，薯仔好驚艷，外表有黑椒提味，內里有甜味。4.金銀蛋菜)正常餐廳水平，都okay囉5.小炒)有韭菜，魷魚，蝦米等等，我無數到有幾多樣，家常小炒，餸飯正！6.乳) 一般，皮唔脆，但味又唔差。加埋４個白飯總共$559，抵食！除咗九肚魚略失望，大家都對呢餐幾滿意！(係我介紹呀)

前幾日行開深水埗, 無意中見到呢間大排檔有個開放式廚房喺門口, 好似幾特別, 咁就試下啦, 點知真係一試難忘, 驚喜萬份. 我真係覺得呢間既質素可以話係全港數一數二既大排檔.叫左幾個小炒, 全部都好食到尖叫.呢味豉汁炒蟶子, 蟶子生鮮肥美, 配料味道洽到好處, 完全帶出到蟶子既鮮甜. 一個字-- 正!!!!!薯仔牛柳粒, 超香. 重點係喺D薯仔度, 外面脆卜卜, 裏面就又淋又熱. D薯仔仲好甜添呀. 碟餸一上枱唔洗5分鐘就KO左, 仲要番叫, 真係好好好好好味呀.小炒王, 又係另一驚喜, D料超OK, 九菜花夠鮮甜, D腰果一食就知係好野, 仲有蝦乾菜甫, 炒埋一堆味道超正. 我覺得呢碟小炒王係我食過最好食既.最後叫番碟普通菜, 點知都有驚喜. D菜又新鮮又甜又爽口, 好好味呀!今晚真係好驚喜, 呢間絕對我要再黎呀!