樂天皇朝 (雅蘭中心)

营业中

休息中

呢間餐廳環境好大，比一般餐廳既燈光柔和，個人覺得係舒服嘅。點左重頭戲既特色小籠包，一籠有8種味道，有原味、蒜香，絲瓜，蟹粉，芝士，黑松露、川味（辣)和鵝肝共8種口味，當中個人覺得蒜香味和川味最好味，因為其他都好淡，唔係好夠味😅特別係絲瓜唔知想點。不過作為打卡用既話係幾好既🐒反而個三絲春卷好好味呀，值得推介，可能係新鮮炸出來，真係好脆好香口。至於冷盤小食既素鴨都好好味，少少酸酸地好岩夏天食，好開胃。整體來講，一份錢一份貨，如果對食物要求不太高既話係值得試既餐廳。

我本身真係好鍾意食小籠包，成日周圍去試唔同舖頭嘅小籠包，終於有機會試吓呢間咁多唔同顏色嘅小籠包。餐廳環境正正常常，冇乜特別。小籠包個皮算幾薄，我個人都係鍾意食完美多啲。有啲口味其實係食唔出果陣味，黑松露同埋蒜味係算食得出，其他嘅味都係淡淡然咁。松子桂花魚。呢條魚又整得幾好食，炸得夠脆，同埋條魚都幾大條好多肉，個汁又唔會太酸又唔會太甜，適中。呢個炒飯就一個好普通嘅炒飯冇乜特別，正正常常都OK唔錯呢個油麥菜卷就真係好騎呢，開頭睇相以為啲菜係煮過同埋有調味嘅，點知一嚟到原來係生勾勾嘅菜卷埋一齊，跟住就點嗰啲麻醬嚟食，個感覺有啲奇怪。我都唔知點解我會叫呢碟菜😅😂😂春卷都唔錯，幾大舊嘅，偏油少少

為咗食到七彩顏色嘅小籠包，今日決定嚟朝聖一下。一坐低已經order要個八味小籠包，分別有 原味、鵝肝、芝士、黑松露、蒜香、麻辣、蟹粉、人蔘。我自己就最鍾意麻辣同埋黑松露，麻辣都唔算好辣，平時食開小辣嘅應該都會食到，而講到最有新鮮感嘅就係黑松露味既小籠包啦！黑松露嘅味道好香，而小籠包嘅皮好薄，裏面仲有好多湯汁，點少少醋食真係一流！

小籠包$62有6個，好抵呀！皮薄餡靚，湯汁剛好，不多不少生煎包$42有3個，熱騰騰真係好好味蒜泥白肉$75，我超喜歡這道菜；白肉上之辣醬真係好香辣，不過唔食辣就要講五香牛肉麵$72，好大碗幾飽肚不過前面菜式實在太好味😋，最後食呢個麵比較無咁好食但牛𦟌都有5-6塊，香味膿郁，麵條有咬口茶壺給你自斟自飲，不需要常常等服務員加水；另外茶包都是靚茶。$15=2人，唔貴啦！小食$16，粟子粒粒都好甜好大

晏晝黎到旺角，唔知食咩好，去左雅蘭既樂天皇朝食，呢間野講明食上海野，最出名係八色小籠包！平日中午12點半，都幾多空位，同朋友兩個人叫左一籠8色小籠包、一碗炸醬面、一碟糖醋魚片，都幾飽下。首先一黎到佢會有餐前小食一份，今日係鳳爪，辣辣地幾開胃，要收$15，個炸醬面好大碗呀，我地兩個人各自勺左兩三小碗都仲有淨，碗面都係辣既；糖醋魚都幾好食，酸酸甜甜，不過略嫌佢炸粉厚身左d, 同埋乾左少少；至於重中之重的小籠包，黎到既時候岩岩好熱度，可以成粒啪入口唔會燙到，佢有個次序咁食既，不過兩個人share , 順唔順都冇咩關係，原味當然無懈可擊，但最正係黑松露同鵝肝，味道好濃呀！蟹粉就淡味，失色d, 芝士入面有粒粒芝士架! 呢個值得再encore!埋單二人合共315，午餐黎講價錢都唔平，不過都幾好食既～

尋(18-10-2018 Thur)晚,老公o既男友人NT請佢食生日飯,而因為我同老公咁o岩都出去尖沙咀聽o野,聽完就可以join佢,咁我都一齊食啦.NT揀o黎呢間,佢先o黎攞位,我o地去到都即刻剔o野食,我o地揀o左:4. 紅油鮮蝦麵由於佢o地食得辣,冇理由因為我一人而要佢o地就我完全唔食,所以我提議呢個俾佢兩個食,不過我都試一撮仔麵,麵爽口,有啲辣,我唔食lu.3. 唔記得咩海中寶見到有4粒蝦仁同一大堆海蜇,海蜇唔長但好爽口,醋o既味道o岩o岩好.1. $108.00o既小籠包8件拼埋一齊,顏色幾靚,NT特登留黑松露味俾老公,我食o左紅色唔知咩味,食先NT 至俾我睇佢影低o既相,對一對,應該係麻辣,但一啲都唔辣喎,應該唔係麻辣,唔知咩o黎.然後我食人蔘,人蔘味近乎零.然後我應該係食o左啡色話係蒜香o既,但一樣冇乜蒜香味.雖然要乜味有乜味,但佢內裡係多汁o既."為"雖然要乜味冇乜味,但佢內裡係多汁o既.2. 生煎包一客3個,底係煎脆,但成個包唔太惹味.5. 唔記得咩棗雖然唔係歸納為甜品類,但我o地都當佢係甜品,呢個暖暖地,紅棗包住o既係粉圓,煙煙韌韌又甜甜地,OK.6. 食完後又加多

這間新加坡過江龍樂天皇朝食了很多次，水準一直保持👍🏻小籠包熱辣辣既小籠包，點薑絲醋，一啖放落口好滿足，鮮肉加湯汁好正，皮薄餡靚👍🏻蒸饅頭饅頭奶香味撲鼻亦很軟熟當然也要熱騰騰食配以煉奶簡直係人間極品！鮮肉卷拉麵拉麵都係手打，食得出煙韌，鮮肉卷都不錯，個湯底都好匹配好好味，還有半隻半熟蛋、昆布、小棠菜、木耳楊州炒飯上桌已經香噴噴好有鑊氣，有蝦、叉燒粒、蛋絲、菜粒、蔥花，而且飯粒唔會炒得好乾好硬👍🏻沙拉骨排骨炸過再加沙律兜勻，排骨鬆化，沙律醬不會太酸

隔左一個星期的時間，記憶仍然停留係好差既服務中。作為一個飲食集團 除左提供高品質食物外 服務質素都要有水準。其實皇朝既食物真係高質架，如果可以係服務上改善應該會有更多食客願望再黍。食上海菜必叫之一係擔擔麵 麵質係我愛既輸度 湯底唔會只有花生醬味 如果唔食得辣既可能第一啖會覺得辛口。另外一碗排骨湯麵 (無品嚐) 排骨好乾身，調味都唔夠一叫再叫的小籠包 (無品嚐) 一小籠包有6隻 🐯食到第二粒既時候已經話要叫第二籠啦。真係比🐯叫多一籠 一個人食左8粒。 咁大家都估到有幾好食啦根據🐯既回憶 有9分 皮薄湯靚肉鬆 6個字形容晒今日係食下午茶時間 好多麵食同冷盤都有6折

一條友行旺角，又想食小籠包，就諗起樂天皇朝小籠包，嘩6:15已經好多人等位，好彩我一個都係等左三個字，算快手，呢度出名係八色小籠包，但見小籠包餡既味道唔啱我心水，所以都係叫返平凡的小籠包算數，小籠包皮薄多汁，而且小籠包湯清甜不油膩、有10隻，正，推薦之一，另外叫左我至愛既沙拉排骨，味道酸甜，易入口，非常開胃，但排骨炸得香口，好似食緊炸雞甘，份量非常大，抵食，但係服務人員非常少量，人手非常不足

慶祝生日來來去去都會揀啲熱門菜式🙇🏻‍♀️年輕啲都會揀韓燒、日式放題、西餐。今次就選擇長輩都多數會揀既中式，Book咗8點30，用餐有限時個半鐘，黎得依到又點會少得小籠包一上枱就要盡快食，微熱，多汁皮薄，除咗原味仲有8隻款其他味道！！（四個人每人只可以試到兩個味，打消左念頭）下次可以一個人黎試下麻醬油麥菜第一次甘樣食，好特別喔👍🏻將青瓜卷住菜，蘸麻醬一齊食，一層層咬落去好爽口，多左一份層次感。揚州炒飯炒得乾身，蝦既份量比出面多，有油香，四人每人都可以分到大半碗。外婆紅燒肉一口咬落去啖啖肉，食完會有罪惡感，醬汁吾濃烈，重口味既會略嫌有啲淡，咬落吾會有絲攝牙，中規中矩。李白醉雞加10蚊揀左雞腿，只有上半部分係，比較滑身，身骨無血，酒味尚可，酒無平均分佈，聚集係下面。（怕肥都係要連皮食( ´▽｀)忍吾住）鮮果松子魚男侍應好好幫我地切四份，魚比我想像中細條，炸得不夠脆，炸粉微厚，鮮果食落去就知道係罐頭雜果，醬味比較酸，伴飯好配，價錢相比，有啲失望。------------------------------整體上食物都好食下次繼續試下小食款式，都有驚喜，帶位服務員感覺上服務比較欠奉，反而上菜既姨

好耐冇食個樂天王朝原來旺角雅蘭中心都開咗一間雅蘭中心而家整到好靚 好多餐廳 仲有泊車優惠不過要泊到去家樂坊嗰邊嗰個停車場看來坐地鐵是比較方便一點很可惜 咁大間舖 茶沒有選擇的 應該係普洱 一款比較深色的茶 冇其他 或者係水當然係有其他飲品 好像是啤酒 凍檸賓⋯小籠包都係叫返完原味比較穩陣都幾好食嘅 湯夠熱 完全忽略咗枱上面有一罐薑絲 無落到整體全部小菜都比較細碟賽螃蟹冇咩特別夫妻肺片味道惹味蒜泥白肉份量少 外表算精緻陳醋骨味道酸酸的 只是肉和骨的比例差不多沒有什麼肉食沙拉骨相對比較好味最可惜嘅係限時坐1.5小時 一大班人食嘢仲係坐個半鐘的話真係好少時間覺得應該根據人數放寬食飯時間

Decided to come here for afternoon tea since they offered half price for a selected choices of food. I thought there were only 5 items which are half price as shown in the photo, but actually there are much more choices with the discount, including dim sum, small dishes, and noodles. The standardized tea is quite good. It got quite concentrated after only a few minutes, which some people may not like. But otherwise, the taste of the tea is quite normal. First we had these famous dumplings. They

友人生日想請佢食餐飯，朋友介紹咗呢度，就嚟試下。搭扶手電梯上2樓嗰陣已經隱約見到間餐廳名，但係上到去又見唔到，一擰轉頭心入面就嘩咗聲，因為呢個商場都係開揚café類 / 連鎖店多，唯獨佢呢間，睇門面已經feel到有霸氣！個裝修係幾靚，我特別欣賞佢店入面用瓷片 (打碎嘅碗？) 砌嘅服裝掛畫，乍看好似幅幅一樣，但細看就發覺每幅都有d唔同，幾有心思。食晏時間都幾多人，同隔離檯都幾近。一坐低先食個前菜，栗子同花生一齊醃，食栗子會食到少少花生味，反之亦然，而且醃得幾淋，唔使點咬，好啱做前菜。個茶都好飲，茶壺有格調。(我遲咗到，所以唔知係咩茶)先上「李白醉雞」($78)，我自己跟過師傅斬雞，知道一d都唔容易，所以好欣賞佢可以擺得咁靚！好香酒味，雞又滑，唔錯唔錯。好快就上埋「皇朝擔擔拉麵」($58)，餐牌上佢係有隻辣椒icon，而佢都真係幾辣，唔食辣嘅朋友可能要叫其他嘢喇 ~ 不過呢個好味！麵幾彈牙，而且湯入面仲有d醬料，令個味更豐富。「皇朝話梅骨」($88)，上碟嗰陣見d肉堆埋哂喺隻碟嘅角落 (係靚嘅)，以為份量唔係好多，點知食到我哋兩個飽哂都仲未食完 ...介紹我哋嚟嘅朋友話呢個好正，但d骨多，

之前一次食樂天皇朝，係幫襯銅鑼灣的分店，當時因七彩小籠包而吸引，但食過後當得唔合我口味，本來無打算再試，但朋友推薦，即管再試試。今次點了傳統的小籠包，果然合我口味，另外點了炒飯，口水雞等食物，也感到滿意。進店時本來安排了近門口的二人桌，而由於我唔太喜歡，要求侍應幫忙換枱，侍應都非常樂意幫忙，招呼亦十分有禮。另外，我很喜歡店內的那壺茶，及餐前小食的花生栗子，因為行了一天，一坐下可以喝一口茶，食一點小滋味，亦為當晚的晚餐加了分