千歲擔擔麪

营业中

休息中

      年尾約同事一起吃午餐，他較喜歡吃上海菜，於是選了公司付近的「千歲擔擔麵」，這間菜館提供選擇菜式有京/川/滬/粉麵/中菜等。   菜館位於裕民坊綠化的平台上，外面環境優美內部座位也相當舒服。看餐牌多款菜式還有不同配搭套餐提供選擇，價錢經濟實惠。選了份全日二人套餐～有前菜，湯，小菜，點心和麵食。組合很不錯！雞絲粉皮醬汁味道很豐富，鹹鹹甜間有芝麻香和花生香又有花生碎粒丶配上嫩嫩雞絲，滑脫脫的粉皮與醬汁撈勻十分滋味。 蔥爆牛肉牛肉嫩滑，蔥爽口很香口惹味充滿鑊氣。鹹肉豆腐湯材料有嫩滑豆腐，磨菇，白菜和鹹肉令湯水鮮味。 黃金蝦球爽口蝦球外金黃酥脆，鹹蛋黃的沙沙口感好甘香。濃湯翡翠苗顏色翠綠，清爽鮮甜而末有草腥味。小籠包皮薄 餡靚肉汁豐富鮮味！可惜每人只有一粒，很回味！擔擔麵這個招牌麵來到一定要吃！麵有彈性和爽滑，醬汁惹味！抵食！好味！的二人套餐！

以前已經食過黃埔既詠藜園，今天試下觀塘的🏅️lunch time 食左小籠包、擔擔麵、春卷和雞絲涼皮！埋單$216🥟 小籠包 🥟首先，楊家小籠包真是让人欲罷不能啊！皮薄馅嫩，一口咬下去就能感受到汁水四溢的滋味！必點🍜 擔擔麵 🍜接下来是擔擔麵！無論辣定唔辣，擔擔麵都係咁出色！這裏的擔擔麵辣而不燥，香而不腻！花生味濃郁🌯 春卷 🌯完全不推薦 沒特色 好一般🐔 雞絲涼皮 🐔雞絲涼皮简直是夏日必吃的清凉美食！麻辣口味的凉皮配上鸡丝和各种蔬菜，一口下去，凉爽清爽的感觉让你的整个夏天都变得舒畅起来！

今日跟另一半來觀塘裕民坊嘆返個下午茶。呢間千歲擔擔麵一直都好想食，因為係詠藜園擔擔麵既店來。詠藜園擔擔麵相當有名，所以見到呢間都有擔擔麵吃，所以二話不說入座了。首先開壺茶嘆一嘆，再睇睇餐牌，擔擔麵當然是必點的名物，擔擔麵有分傳統版同改良版，亦都有辣有唔辣。我們點了一碗改良版的擔擔麵，辣口味。擔擔麵送到時，香只噴噴，改良版的醬汁冇咁杰身，入口相當香而且幼滑，味道好香，麵條吸入了醬汁，湯汁掛住在麵條上，十分惹味，真係好好味，而且仲有肉燥，有口感又惹味。辣辣地又好味又吸引，令人愈食愈想食，呢碗改良擔擔麵真係唔錯。下次再來要回味一下傳統既擔擔麵。另外仲點了數款小食。呢款香蒜海蜇都十分出色，海蜇爽口清脆，吃起來充滿爽口彈牙既口感，太美味，而且仲混而香蒜涼拌，又爽又彈牙，好好味，一流。呢d涼拌小食又過到口癮，味道又好。小籠包，一籠有四粒，粒粒都皮薄餡靚，一咬開薄薄既皮，中間既肉汁湧出，又香又好味，而且餡料都好足料，肉粒有咬口又多汁，好好味。生煎包，超級超級好味，生煎包煎得底部香脆，但包香軟有口感，所以一咬下時又香脆又軟熟，好好味，多重口感，中間都是肉汁豐富，肉粒好有質感又香，成個配搭好好味，好滿足

早排女友小熊投訴，話我成日帶佢去星際城市睇相機同鏡頭，睇多兩睇，近朱者赤，連佢都有興趣玩吓相機影吓相，今次幫小熊買支二手鏡頭，賣家約係觀塘交收，事成後係觀塘食埋晚飯坐17號巴士直接返到屋企，於是去咗巴士站樓上嘅千歲擔擔麵開餐.千歲唔係第一次幫襯，上次幫襯時質素唔錯，所以再嚟幫襯.點咗無改良版嘅擔擔麵走辣，前菜花雕醉雞，酸辣湯，一口鍋貼，小籠包，生煎包，甜品豆沙鍋餅.值得一提係佢地嘅 QR Code 落單好易用，有D餐廳嘅 QR Code 好鬼煩，未開餐已經攪到一頭煙火都嚟!食過咁多次前菜醉雞，今次醉雞酒味最濃最重，而且雞肉同雞皮同樣嫩滑份量足，深知自己唔應該食雞皮，但無計啦，好味嘛.....酸辣湯一上香香味撲鼻，材料足無偷工減料，記憶中.... 第一次飲酸辣湯材料有蝦仁㖭，而且蝦仁新鮮彈牙，不過熱到辣咀，要小心.同樣熱到辣咀仲有小籠包啦! 亦都習慣唔點任何醬汁直接放入口，皮薄餡料足，內裡湯汁份量不少，味道適中唔會過鹹，滿意.擔擔麵湯底濃郁花生味重，麵條幼細係我喜歡口感，夾自己口味，麵條沾滿香濃湯汁，麵身唔會太冧，俾第二個滿意.女友突然問我，有無小熊維尼相機套同維尼鏡頭保護貼，仲想話將部

直至今日，無去過新浦崗大磡村食擔擔麵係人生一大遺憾，最激氣係當年日日都會經過大磡村村口，都總係過門不入，唉...... 無計! 當年年紀輕拾吓拾吓嘛.....早排知道佢地係觀塘開分店，於是走去睇睇咩環境.都係果句，人生苦短，有得享受快快享受，轉頭又話玩D咩咩紅黃藍碼唔俾入食巿，所以唔好浪費寶貴光陰餐廳改咗名叫千歲擔擔麵，環境比黃大仙店更闊落.首選當然係點擔擔麵，分正宗版同改良版，分別係改良版加上豬肉，另外亦都分辣同唔辣，我點咗改良版，走辣.另外小籠包，生煎包，蟹粉鍋巴，清炒河蝦仁各一客.清粉河蝦仁超好味無得輸，蝦仁新鮮鮮甜又彈牙，連D蔥段都好好味.小籠包皮薄但由夾起至放入口都無穿，小籠包汁夠豐富，味道適中唔會過咸，生煎飽內餡豐富，如果底部煎燶D更加夾自己口味.蟹粉鍋巴不單只有蟹粉味，隱隱約約仲有咸蛋黃味滲出，鍋巴極脆口，作為餐前小食一流.記得當年詠藜園接受訪問，曾經講過佢地嘅擔擔麵擺放一晚麵條都唔會變，我係幫襯堂食唔可能放一晚，但擺放咗約十五分鐘，麵條口感同以前食過無咩大分別，首先湯底濃郁，齋飲個湯底已經飽一半，有花生香之餘仲有我大愛嘅蔥香，麵條一條條無話斷開哂，冧身之餘有小小彈牙，麵

第一次到訪，職員帶位坐下埋邊雙人枱，一坐低就見地下有隻已反肚小強，地下有垃圾沒掃乾淨、地板亦有黑麻麻的污漬。立即同樓面要求調位，坐咗隔離一張4人枱。清潔衞生有待改善！