城中鴨子

营业中

休息中

自從冇左海港城優惠券呢間都唔洗再大排長龍，基本上平日晚飯時間等一陣幾分鐘就入得！片皮鴨1隻 $380★★★☆☆北京填鴨需要時間整，最好一坐低就點，之後先慢慢點其他菜。呢到完全分開左淨鴨肉同淨皮，唔會有皮連肉。外皮烤得幾香脆，帶油脂，全皮冇帶肉，偏向油膩，一定要包埋肉食先得。鴨肉冇味亦冇鴨香，肉質鞋口，如果淨食佢唔掂。薄餅夠熱，厚薄適中，連埋蔥絲、青瓜、甜麵醬、鴨夾埋一齊食味道正常，唯一係個鴨肉出事。麻辣水煮魚片 $298★★★☆☆見每枱都叫，忍唔住又叫埋一份。用左魚柳而唔係魚片，急凍貨用哂生粉醃過所以食落係好滑口。魚柳份量多，夠麻同夠辣，食落入味之餘夠惹味，加上有少量配菜金針菇、萵荀、薯粉片，索哂個湯汁一流。味道唔差，但呢個價錢應該用番魚片。霸王雞丁 $128★★★★☆新鮮熱辣炸，夠哂香脆同麻辣，雞肉夠咸夠麻但又唔會炸到太乾爭爭。但雞肉份量太少，巨多辣椒，呢個價錢唔係幾抵食。小籠包6隻 $98★★★★☆小籠包皮算係薄身多汁，湯汁偏向清甜唔油膩，肉餡肥瘦肉各半，一啖一個啱啱好。生煎包5隻 $98★★★☆☆小籠包個包底煎得夠脆，但個人略廉個包厚實左少少，肉餡都比較少，肉汁唔多，做唔到爆汁。

平日午餐時段，海港城尖沙咀店沒有訂座服務， 全店滿座， 但上菜速度都好快， 客服人員也很親切有禮，每款菜式份量適中，味道都很有水準。有加一服務費，但没有茶芥收費，值得一讚。

好味指數：🤤🤤🤤抵食指數：🤭🤭呢間冇得book、冇得上網拎飛嘅好似好高檔嘅城中鴨子，經過幾次都話連飛都派晒🤷🏽‍♀️物以罕為貴，搞到我一直心癢癢想試👅，難得夾到朋友早放工，諗住6點前去應該有位呱🙉點知5:50pm去到都已經滿座🥹，㩒飛仔已經要等20張😅😅有一剎那想放棄，但兩個硬頸(主要係仲未肚餓🤣)嘅人決定就企定定喺個門口度等😎點知咁啱有一枱食得好快，再加上排我哋前面嗰19張飛都唔知係行開咗定放棄咗，我哋等咗半個鐘左右，就已經有得入座了✌🏾✅烤北京填鴨半隻🦆講真，我覺得還好… 鴨皮脆，肥膏少，但鴨肉鬆散，鴨香缺缺🥹🥹包皮就厚薄適中，但唔知點解硬係穿個窿咁😑🌟雪花松葉炸蟹鉗🦀呢個蟹鉗反而唔錯，外脆內軟係基本，重點係蟹肉好鮮同肉質爽口彈牙👍🏽✅鴨肉炒飯🦆賣相不錯，炒飯粒粒分明，配合櫻花蝦口感幾豐富，不過其實我expect有啲鴨香味，結果都係冇，鴨肉都係鬆散…🙈✅小籠包皮嘅厚薄都合理嘅，湯汁都夠多，個人覺得味道偏淡，但朋友覺得還好🙂總的來說，如果撞正唔洗排隊嘅時間，都不妨一試嘅～

有海港城卷 200 減100 中午12 點去到 唔算多人片皮鴨 好食 值得再食蟹鉗 好食 雖然貴左小小 但值得一試燻魚 甜甜的 不錯 麵類 麻麻地 擔擔麵同嫩雞麵都一般蔥油餅 同牛肉餅 有驚喜小籠包 普通🙃

大部分人趕coupon到期前用 平日夜晚6點入座唔需要等位！ 過多半個鐘出面已經企滿晒人～ 【北京填鴨 半份】$190衝住片皮鴨而來 結果有少少失望～ 覺得出面有唔少餐廳都平靚正！ 雖然有皮脆 肉質都好嫩 但好可惜係鴨皮 只有8塊 而且鴨皮張張都有折痕 一拎起已經穿晒！【鴨蛋煎蚵仔】$138好有台灣蚵仔煎感覺！ 勁推薦！ 蚵仔份量好足料！ 不過就一定要趁熱食 凍左就油到唔係太想食～ 【蟲草花炒翡翠苗】$128幾好食 又爽口 但係油得驚人 食完見到隻碟底油多到可以再炒多幾轉～【雞湯小雲吞】$78雞湯真係勁好飲 勁濃郁不過偏咸～ 雖然叫小雲呑 但份量一啲都唔小！ 8隻之餘 每隻都好足料！ 皮薄餡靚！【小籠包 6隻】 $88雖然唔係專門食小籠包 但小籠包都好ok！ 皮薄多汁 好滿足！最後想讚下serve我地既待應 真係勁好服務～

北京烤鴨一直係我最愛食物之一，每次一想食烤鴨，總會聯想起城中鴨子。貪佢環境ok之餘價錢又合理，所以今次妹妹生日飯都簡左食佢。 位於海港城城中鴨子，每次都好多人排隊，收工七點去拿位都等左半個鐘先入到座，一坐低先order 半隻烤鴨，因為製作時間都需要20分鐘，而且兩個人食，半隻其實已經好足夠。另外因為妹妹話想試下其他嘢食，所以我地額外order埋蒜泥白肉同桂花拉糕，水煮魚，小籠包，食量驚人我地當然無浪費全部食曬了。 水煮魚望落好大辣椒其實完全唔辣，蒜泥白肉好油膩，食多兩舊已經好濟。桂花拉糕唔會太甜幾清新，主菜烤鴨一如既往保持到水準，肥瘦適中烤鴨同配菜：青瓜+ 哈密瓜搭配，令成個口感更加夾好推介啊

之前同frd食過一次 超級掛住呢到既片皮鴨上次黎仲係叫美中鴨子 今次已經改左名🤣 除左個名 所有野都冇變過 ～ 我同三個frds差唔多9:00先入座 唔洗點等位 可能因為係閒日一坐低就叫左半隻片皮鴨 雞絲粉皮 小籠包 粉烏冬！ 雞絲粉皮必食 有芝麻醬 好有芝麻香🤩 好適合做前菜 開胃！ 食小籠包次次都要好小心 個皮比較易穿 小籠包入面既湯都好濃 讚 半隻片皮鴨夠四人食 每人三件 鴨皮好脆 肉嫩 成個配搭都好match食三件已經好夠 本身比較麻麻炒烏冬 但呢到既又炒得幾好食🤩 食完一次已經好想再食喇！本身以為人均消費要200蚊 最後$136就搞掂