美中·鴨子 (荃灣廣場)

营业中

休息中

今天中午途經荃灣廣場，看見此餐館有午市套餐，另外點心可打7折（Eatizen), 即管試吓，我哋得兩個人，叫唔到好多：🌱 小籠包 4隻 $50正常水準，皮都算簿，有肉汁👌🌱 炸奶黃包 3個 $32細細個的，好香脆，奶黃好滑溜，推薦👍🏻🌱牛肉餡餅 2件 $50都幾大件，包的直徑有10厘米，外皮煎得好香脆，牛肉餡有湯汁，好正🌱 回鍋肉炒拉麵 $88叫了少辣，落咗好多糖，炒到好甜入座時店員給了前菜小食，青瓜粒加花生，勁辣，我哋根本唔食辣的，收了$24元，見到其他客人全部都話唔要，蠢左囉！原來可以唔要😅茶位$16個，即係入座未食嘢已收你$62元— （16*2+24）*1.1，真係幾貴😓

曾去過覺得抵食水準不錯，所以再幫襯，可惜今次令我失望😞中午11:45 到，已有數位枱有人。叫了一個二人套餐，每位$298 ，二位起。茶是$13 一位，美心集團算平。首先上菜的竟是菜譜中排列差不多是最後的黑松露醬炒露筍百合，即炒好熱的，但加入大量三色椒來減輕露筍和百合成本🥲第二上的是花膠海皇素翅，夠熱，不過不失。再上是2隻小龍包，水準合格，可惜一人一隻太少了。冷盤（素齋方是厚身齋鴨和糖醋排骨）終於出現，排骨熱暖的，肉質「鞋」。套餐中的松葉蟹鉗出場，是最好的一個菜最後填鴨，肉質一般，皮不脆，而包鴨的皮是凍的。最好笑侍應見我們未吃完其他問是否蓋住，吃時才開蒸籠蓋。最不高興是吃完隔離枱問侍應取套餐菜譜時，原來有一個4人套餐是$368，當時侍應沒有提供給我𠉴選擇，有點不對，雖然是4人，我哋2人會吃剩，但抵好多，餸菜款式大同小異，更合我胃口！

星期六晚在荃灣廣場搵食，今次想去未試過嘅食肆，咁啱睇到呢間餐廳做緊北京填鴨6折優惠，加上好耐冇食過京滬菜，雖然差不多9點，但全場9成滿座，好彩仲有一枱空位，於是二話不說入座了！一入門口已見左邊廚房，端上一隻隻好有份量嘅北京填鴨出來，預備送上給客人。因為我哋得兩個人，但又想試多啲嘢，所以今次我哋點咗4碟餸 (其中一碟當然唔少得係鎮店之寶--北京填鴨半隻) 。沒想過每碟餸都超有水準，特別係香芒沙律蝦球，呢碟係第一碟出場嘅，蝦球及杏仁碎好香口兼配上濃郁沙律醬和沙律菜，所以非常開胃，令我對餐廳印象分大增！接著出來嘅分別係牛肉餡餅 & 小籠包，2碟共通點都係熱騰騰及好多肉汁，令到肚餓嘅我覺得好滿足，之後鎮店之寶-北京填鴨出場，雖然做緊6折優惠，但味道和賣相依然相當吸引，絶不馬虎！最後點咗一份糖水 - 蛋白杏仁茶，不過味道較為普通，糖水比較稀！整體而然食物質素是及得上星級酒店的，所以我會再來！

今日去荃灣探姨甥仔， 家姐想試美中鴨子， 我地1行8人去到餐廳， 疫症下要分開2枱坐。同1碟餸菜我地叫了雙份不同枱上。美中鴨子而家做promotion, 全菜單有68折。 食鴨就好抵啦個青瓜花生豆腐前菜好食，青瓜夠凍同脆。我地試左唔同主菜同咸點。小籠包味道普通， 但有肉汁胡椒餅夠鬆化但味道冇驚喜烤鴨皮脆但同樣冇驚喜炒菲翠苗清爽少油肉絲夾餅夠入味， 可能我地坐風口位， 太快變涼而失色金華火腿炒飯， 粒粒分明， 夠咸香鴨肉香菇包可以唔洗試總括正價黎食， 我只會食炒飯同烤片皮鴨。埋單1千完左右， 人均125蚊