霸王山莊 (已結業)

年又過年，屋企人正日生日，like facebook幫襯送北京片皮鴨同壽包，星期五95折，不能同時用open rice book枱9折優惠。唔收茶錢、無花生nuts算係幾抵！八點入座其實不用等位。必食小籠包，另叫兩碗湯麵。清湯緣故，無咩味…豬扒分開上，不會太油，ok啦！送的片皮鴨有好多塊，兩個人食都好夠飽。壽包高爾夫球size，豆沙餡，比海港大堆頭蓮蓉餡、奶黃餡別有一番風味！P. S. 生日優惠做到12月31日咋。

終於吃到一個好味道的酸菜魚了，很幸福喔～原本打算來「霸王山莊」吃小籠包等...無意間發現原來有酸菜魚吃，$188當然要試試囉！絕對沒有令人失望，魚是用桂花魚切片，肉質新鮮，無骨，口感非常嫩滑！酸辣湯的味道濃郁，酸同辣的比例剛剛好，不要看到那麼多辣椒會誤以為很辣，只是輕微辣而已！如果真的很怕辣，可以要不辣的也可以！配材甚多，有金菇、腐竹、粉條，非常豐富。「小籠包」皮薄餡靚，味道真的很不錯！「口水雞」雞肉嫩滑，去骨，小辣，非常味美，用竹籤串起，食用更方便。「醉雞翼」雞肉冰涼嫩滑，酒味不太濃烈，所以很易入口。「瑤柱乾蛋白炒飯」...類似這個名字吧，不太肯定了，飯粒分明，夠乾爽，不錯！「北京填鴨」這個好吃！餡皮很薄，可配京蔥絲、青瓜條食用，鴨皮不會覺肥膩，鴨肉算嫩不覺老，整體很匹配。「高力豆沙」其實原先很欣賞霸王山莊這個甜點，可惜這次太失望了，不知廚房是否趕着中場休息，明明應該是漲卜卜的高力豆沙，像中了輻射似的，洩了氣的乒乓波一樣...味道是可以的，但賣相奇差，連拍照的心情也沒有了。希望餐廳注意，應保持食物品質。

奧海城吾太多中菜選擇，lunch 就黎左呢間食上海野:🍔食物: 2/5食物非常普通，個牛筋牛腩好硬，大半碗都無食到😤其他菜式都好普通，個價錢可以吾洗係呢間食👧🏻服務: 4/5侍應都好快手，樓面都夠人🍴環境: 3/5吾係好大間，一般酒樓咁setting ，大圓枱多，方便附近office食圍餐食物:千祈吾好order吾夠酸正常呢個唯一好食個皮偏硬呢到埋單都要$250 ，吾太扺食總結黎講，可以吾洗試！去大角咀果邊食好過

話說霸王山莊已經幫襯左好多年，食咗好多次，以前仲係佢會員! 但係而家唔行會員制，用OpenRice book位亦一樣有九折👍🏻由於好姊妹住附近，所以姊妹飯局就去嗰度幫襯，因為有人想食黃金蝦，而我亦想食片皮鴨🤣🤣說真的，霸王山莊平日真係好少人，所以坐得好舒服，傾計傾耐啲都唔怕！呢一味黃金蝦，係我覺得最好食嘅😋蝦大大隻，有啲彈牙，蛋黃鹹香非常夠味，不過份量太少（通常好食都會覺得份量少)🙊得六隻，三姊妹每人兩隻。掛住傾計主角片皮鴨都唔記得影相，不過講真，佢哋嘅片皮鴨質素越嚟越差，可能今次只係叫咗半隻，其實肉多個皮，同埋黎都都淋淋地，但係以前佢哋嘅片皮鴨都真係唔錯。當晚因為係平日，我哋基本上食完傾計傾到佢哋收舖，阿姐冇詐型，可能當日都係得幾檯客掛🤔

開年飯點都要俾d主題嘅！上次去老牌中菜冇食到片皮鴨，今次就一於喺霸王山莊食返次。之前幫襯過都已經想食，可惜侍應話冇預訂，已經賣晒。今次一打去訂枱即刻表明來意！預留一隻席中開片！家中長輩話交由我發板，我當然老實不客氣！冷盤黎個雞年主打粉皮再上個乾煸四季豆再黎假蟹！仲有個霸王炒嘅飯同小籠包！千呼萬喚，主角登場！二食仲有個生菜包，可惜佢一上枱已經香氣撲鼻！眾將士已經按耐不住！蜂擁而上！特別一提片皮鴨嘅荷葉包比較細片，但係估佢唔到，包片皮鴨啱啱好！好在今次有預訂，唔係又走寶！

同埋屋企人去朗豪坊shopping 完, 食晚飯時間到啦, 諗起朋友介紹過係奧海城有間食上海野(霸王山莊). 冇訂枱, 要等位因為我地齊人, 等入座都唔算太耐. 仲比張卡位我地, 坐得幾舒服.一睇餐牌, 一定要叫小籠包, 超好吃. 多汁, 肉味足夠, 覺得比較其他食店這間小籠包真係超正喎!再叫埋炒四季豆, 四季同埋肉碎炒, 味道好好, 唔會太濕, 將四季豆加入個霸王炒飯一齊食, 好好味. 因為炒飯夠乾身.燻魚, 甜甜地又乾身, 好似食甜魚乾黑醋排骨, 阿媽有試煮過黑醋排骨, 發現個汁係好難整得好食, lee度整到個汁夠味，排骨肉質好夠肉, 唔會只有骨無肉食, 汁甜甜地加飯或者麵都一樣好好食.見到這間店有北京烤鴨食, 原本想食, 但因為職員話我地無預訂要等好耐時間, 因為佢地燒要時間, 我又唔想等, 就叫隻風沙雞食, 估唔到雞肉夠鮮嫩, 雞面加左好多好似炸左蒜粒, 好香口.正!糖醋松子魚, 因為我好鍾意食酸甜酸甜味道, 酸甜味適中, 魚肉仲保持又鮮又滑, lee d餸屋企煮唔到架！