慢理牆城

营业中

休息中

餐廳裝修好有特色😚有巨型嘅熊貓同熊比大家打卡最重要嘅係佢地比我地由1點幾一路坐到4點幾全部侍應都服務有禮🥰✨小食拼盤- S $188每一樣都炸得香脆口感十分好三個女仔食都好夠特別鐘意食佢嘅蕃薯條😍✨南瓜帶子飯 $188瓜帶子飯以鮮嫩的帶子和香甜的南瓜為主角搭配飯粒煮得剛好軟硬適中不僅色香味俱佳而且份量十足🫣✨明太子蟹肉意粉 $178意粉煮得彈牙配上濃郁的明太子醬汁味道鮮美特別嘅係每個飯同意粉係menu 上面都標記左顏色🙈同場有朋友生日餐廳仲準備左呢個🍴慢理牆城📍油麻地砵蘭街28號M1酒店1樓

已經唔係第一次嚟慢理牆城，淨係意粉同小食都已經花多眼亂，食物質素又好，食一次點會夠！今次同幾個朋友慶祝生日，終於可以叫多啲小食share，主要係因為呢度嘢食份量都偏大碟，超級慷慨😋唔多啲人根本試唔到🤭慢落豬 🐖 配甜蕃薯角🍟 $268主菜慢落豬係用黑毛豬肉串成嘅串燒，肉質超級嫩，一咬落去爆曬啲肉汁，外面微微烤到焦香，舊舊都切好厚，口感十足🤩唔好睇小伴碟嘅甜番薯角🍠咬開啖啖蕃薯絲，又脆又甜，大家都爭住食😋城牆小食拼盤（小）配自家製蛋黃醬 $168小食拼盤三至四個人都建議嗌小size就夠，有德國腸、炸芝士條芝士角同水牛城雞翼等，熱辣辣炸得好香口，特別鍾意芝士角好creamy😋🧀芝士條亦好拉絲黑松露蛋黃醬松露味強，唔會太咸🍝🥑牛油果忌廉蟹肉扁意粉 $168意粉嘅牛油果花瓣同埋蟹肉球好精緻，賣相好靚之餘，忌廉汁嘅濃稠度都啱啱好好掛汁，味道亦清甜，蟹肉球咁大個，就可以啖啖意粉都食到啦🦀😝好在壽星們都相當滿意！一致認為係回頭度100%嘅cafe👍🏻😋👍🏻😋

‘𝒮𝑜𝓂𝑒𝓉𝒾𝓂𝑒𝓈 𝓎𝑜𝓊 𝑔𝑜𝓉𝓉𝒶 𝓉𝒶𝓀𝑒 𝒶 𝒷𝓇𝑒𝒶𝓀 𝒻𝓇𝑜𝓂 𝒶𝓁𝓁 𝓉𝒽𝑒 𝓃𝑜𝒾𝓈𝑒 𝓉𝑜 𝒶𝓅𝓅𝓇𝑒𝒸𝒾𝒶𝓉𝑒 𝓉𝒽𝑒 𝒷𝑒𝒶𝓊𝓉𝓎 𝑜𝒻 𝓈𝒾𝓁𝑒𝓃𝒸𝑒’位於油麻地鬧市中嘅一小片森林上到黎成個環境已經令人好舒服一大片綠油油加埋木系裝修真係可以令人慢活一下坐低之後餐廳會俾個木箱擺袋同埋俾杯蝶豆花水如果唔鍾意可以換返清水我今次叫咗好多野食- 小食拼盤- 白酒忌廉煮藍青口- 黑松露薯蓉大啡菇- 黑松露野菌意大利飯- 牛油果蟹肉意粉啲野食擺盤全部都好有心機而且份量好大份，差啲食唔哂🙊我好鍾意呢度所有野都有好多小心思成個環境都係好清新每一格木箱入面都放咗唔同嘅公仔配搭返大自然同森林嘅主題除咗環境，連餐具、擺盤都係好有心思如果想放鬆下上黎食下野坐下係一個唔錯嘅選擇—————————————————📍慢理牆城店鋪地址：油麻地砵蘭街28號M1酒店1樓

1/4 約了兩個朋友到慢理牆城食晚餐，幫其中一位Farewell，所以簡左依間環境好似森林既餐廳，枱與枱之後有1.5米相距，不過入嚟既時候就冇員工幫客人量體溫🤭🤫🤔因為之前已經係OpenRice 到睇過好多食物既相，都覺得好靚好精緻，所以都好快決定同落單，我地最期待既甜品😂😂我地點左3杯飲品，3樣食第，2款甜品，價錢大約1280，都接受到。重點要讚既係餐廳員工服務非常貼心，非常有禮貌。不時主動幫我地加水 (加左蝶豆花嗎？藍色的水有檸檬味)，當中餐廳經理Ah Wai 簡單係完美，當我地唔知簡邊款甜品果陣，佢逐一介紹當中所有用料 煮法 受歡迎程度，Product Knowledge 滿分💯Service 無可挑剔 說話技巧一流 又不時菊恭 搞到我地好大壓力😂😂佢就好似係First Class 工作既Cabin Crew咁👍🏻👍🏻👍🏻👍🏻👍🏻由於枱唔多，加上限制令，建議大家要訂枱，因為只能坐12人左右

朋友介紹呢間森林又文青feel既餐廳，裝修特別，樓底高，座位唔算多，但環境舒服，吹水一流仲可以狂打卡，加上openrice訂台有85折，當然最重要食物有水準，服務員態度親切有禮薄荷朱古力+蜜桃冰茶黑松露薯蓉大啡菇好重黑松露+中間薯蓉又厚又多+滿滿既芝士,真係好正！建議影完相即刻食,口感會更好小食拼盤（細份）芝士條,德國腸,炸雞翼,普通薯條,甜薯薯條剛剛好2人份量牛油果蟹肉意大利飯 (有意粉)將一大球蟹肉+軟滑牛油果+意大利米一齊攪勻再進食,配搭真係意想不到

今晚去到油麻地同兩位朋友一齊相約cafe中聚會。 其實最開頭係俾呢到餐單飲品同菜式既名吸引黎到呢到。既然提到名，就先講呢兩杯野先，姨媽駛乜講係一杯酸奶黎，由於有紅棗係入面所以飲完真係姨媽到都唔怕！ 另一杯係飲得的提拉米蘇，杯如其名，係飲得既提拉米蘇味，飲落都幾甜。食物上場，先講大啡菇，上面有滿滿芝士，食落好邪惡又滿足。下一個係小食拼盤，雖然係小食但有好大份量，芝士條都有拉絲效果同時雞賢都juicy多汁，係一個好岩佩飲品既菜式。今日主菜係呢個海鮮意粉，望落都係滿滿既海鮮，意粉都唔會太淋，香辣口味有少少刺激。總結呢到服務好出色，環境都好舒服，幾個人黎聚腳吹水飲杯野都唔錯，仲可以食到個好滿足既小食拼盤。

香港人平時約食飯，來來去去都是尖沙咀，銅鑼灣，旺角今晚老友話要帶我試試新地方，地點是位於油麻地的慢理牆城慢理牆城砵蘭街M1酒店1樓, 地鐵站出口行過來大約5分鐘, 酒店在小街內都要花一點時間找在酒店大堂坐電梯上一層, 出lift就是慢理牆城店內裝修陳設都以大自然為主題🌱靜靜地傾下計幾舒服坐下後翻開menu, 第一版便是這裡最出名的甜品,單看名字完全差不透是什麼東西，十分有趣！青蘋果紅蘋果乳酪 $62喝入口淡淡的青蘋果味道, 非常清新, 解暑一流小食拼盤 $168小食拼盤即叫即炸而且非常有睇頭, 內裡有薯條,蕃薯條, 司華力腸, 炸雞吃完已經飽了一半, 幾個人share會較好明太子蟹肉意粉 $148滿滿的蟹肉和蟹子, 配上明太子也絕無唯和感, 意粉奶香味重, 口味偏甜, 女生最愛!薩拉熱窩上的檸檬 $128檸檬內壤入了檸檬雪芭, 酸酸的解膩超正而旁邊的棉花糖稍為燒香, 與雪芭一起吃非常yummy!

去完果欄掃貨， 朋友找了一間人氣餐廳落腳食晚飯， 電話問過已經滿額，book唔堵， 於是試下Walk in, 等了十分鐘， 等堵有位。走進餐廳會被森林風的佈置所吸引， 好想打卡影相。 打menu, 每一道菜都有獨特的名稱， 例如甜品有櫻花樹下忽發其想， 主菜有尋日的羔羊， 慢落豬， 尋找海鱸的故事等等， 有詩意得來， 又夠玩味！和朋友點了小食拼盤， 明太子蟹肉意粉， 松露雜菌義大利飯。小食拼盤，有炸雞翼，腸仔和雞柳； 配自家製的蛋黃醬， 超級滋味！到主菜， 食到一半， 發現原來來錯了其中一個意粉， 原本係落義大利飯的； 環保起見， 亦沒有要求改正。明太子意粉蟹肉足料新鮮； 而另一款黑松露雜菌意粉，松露香，配上雜菌， 口感滿足！ 唯一缺憾是，兩款意粉的醬汁，偏結身，而且偏甜； 明明海鮮意粉， 原味鮮味好夠， 但加上甜身醬汁，未食完一半， 味覺已經變鈍。松露雜菌， 亦一樣。當兩款意粉溫度下降， 醬汁結身和偏甜的問題更明顯了。可能醬汁較甜身的關係，食完小食和主菜已經， 食唔落其他野；好想試飲品和甜品， 有機會再試。總結，餐廳環境舒服，裝修佈置， 菜式設計都經過精心設計； 晚餐試了兩款意粉，

位於油麻地砵蘭街M1酒店一樓嘅慢理牆城，係一間型格西餐廳🍴，年輕人嘅打卡勝地，久聞大名，今晚特意同好友來潮聖下餐廳裝潢設計時尚，樓底極高，空間感十足，園林設計令人心情放鬆，牆身擺設別具心思，令環境增色不少我們八時到達，餐廳已有九成入坐率，十分旺場主食以意大利飯同意粉為主，各有七款口味選擇，以七色為主題，非常特別另有小食同all day breakfast 提供，非常吸引飲品亦有多款選擇，有超級食物系列，適合追求健康嘅你甜品名稱非常特別，好有意境呢餐具🍴亮麗，本人十分欣賞墨西哥香辣海鮮意粉，賣相吸引，大大隻蝦非常吸睛材料好足，有帶子，青口同秀珍菇等，而且新鮮甜美意粉分量極多，軟硬度剛好，味道甜甜辣辣的，非常惹味牆城小食拼盤(small)，熱辣辣，非常香脆雞翼大大隻，味道非常特別德國腸很大很美味，脆皮的芝士條外脆內軟，配合蛋黃醬滋味無窮海量薯條同蕃薯條，面層撒上惹味嘅七味粉，又香又脆，啱曬我口味奇異果🥝奇亞籽梳打，健康之選，味道清清地，好fresh這餐廳🍴環境特別，食物又有水準，大家不妨試試啊

朋友話搵到間靚靚Cafe話要帶我去，真係估唔到間係Cafe係藏係油麻地嘅M1酒店。不過呢到嘅裝修真係好森林系，一遍綠草Background令人感覺好舒暢，同埋睇得出佢嘅Setting都係有心思嘅！野食方面，先黎嘅黑松露薯蓉大啡菇都幾 Juicy, 菇味同黑松露味都好香濃，不過芝士就硬咗少少。我地點咗細Size嘅 小食拼盤，但其實份量都好大，佢個番薯薯條好甜同好脆，香腸都唔錯，但個芝士條就都係唔夠熱，無得拉絲。我對呢個黑毛豬串燒都幾大驚喜，因為個豬串係爽得黎有肉汁，肥瘦均勻，係少有呢高質豬串。最黎係龍蝦汁海鮮意粉，其實我覺得龍蝦汁唔算太出，不過佢本身個汁好香濃，而且意粉韌度岩岩好，所以都幾好味。Overall黎講呢到嘅食物同環境都幾唔錯，而且好易影到港女相～～

晌旺角想搵一D可以個朋友靜靜地傾到計o既餐廳真係唔多。今次由朋友介紹o既呢間慢理牆城就畀到我一種綠洲o既感覺。呢排D天氣飄忽不定，心情唔好就自然要搵D美食同朋友一齊享受下。慢理牆城就位於油麻地地鐵站附近，連我呢個路痴都搵得到。上到去個感覺就係一個字--舒服。 由於人未齊，於是就叫左兩個小食拼盤食住先。小食拼盤有脆辣雞翼，德國腸，芝士薯條等。好彩最後朋友及時黎到，唔係的話我地可能再叫多兩set拼盤食到飽為止。主食黎講，分別叫左一個龍蝦汁海鮮意粉同意大利飯，仲有一個牛油果白汁蟹肉意大利飯。龍蝦汁好香濃，海鮮又足料。意大利飯又夠濃滑，芝士味超香濃，絕對係誠意之作。價錢雖然係高左少少，但晌旺角呢個鬧市中有一個坐得咁舒服o既地方，豪氣一點又何妨?

在香港這個石屎森林裡，很難找到一間讓人心曠神怡，令人有置身大自然的舒適感覺的餐廳，今天終於給我找到了"慢理牆城"！甫踏入cafe，已被一片綠油油所迷惑，地方不太大但樓底特高，開揚舒服。"慢理牆城"一格格的牆身放滿別緻小擺設，非常有心思！天氣炎熱，先來一杯沙冰解解暑。"牛油果乳酪" $68 ~ 牛油果味道清甜淡雅，為味蕾帶來清新感覺。精美趣緻的杯子至為搶眼，顏色嫩綠跟cafe環境非常配合！朋友的"荔枝薄荷梳打" ~$52亦有冰爽感覺，荔枝果肉酸甜清膩 ！"小食拼盤" (小) $128 ~ 份量十足，有香脆雞翼，烤腸，芝士條，香炸薯條及甜蕃薯條。每樣都鬆化香口，令人難以抗拒！ "牛油果忌廉汁蟹肉飯" $168 ~ 意大利飯濕潤可口，芝士鹹香不但沒奶羶味，更帶出牛油果及蟹肉鮮味，增加整體的美味感覺！這裡的甜品名稱非常特別，當然要試試。"櫻花樹下的忽發奇想" $128 ~ 美麗的 櫻花樹下(士多啤梨棉花糖)是小巧別緻的Chocolate Brownie，散發迷人的朱古力甜香! Sweet Day , so Sweet