拉麵來 (已結業)

已經係第二次嚟食啦！今次有午市套餐，除咗拉麵之外，仲有汽水同埋小食可以配埋👍🏻感覺抵好多😋1️⃣山葵蟹肉拌麵（$128）食到啖啖蟹肉同蟹膏🤤而且蟹肉蟹膏份量足夠，係幾正😍山葵方面唔辣但攻鼻，夾埋麵同蟹肉一齊食都夾嘅🙌🏻麵質方面就有啲似伊麵～唔係拉麵嘅感覺～值得一試！2️⃣香濃雞白湯拉麵（$92）上枱時另附一球骨膠原加入湯裏面🤣好有趣！但加完都覺得雞白湯唔算濃🤔而叉燒燒得幾香🙌🏻鍾意嘅話可以加入高菜去食，會變得辣辣地幾過癮😝overall正常發揮，不是話好好食~3️⃣蝦餅(跟餐）入口幾彈牙👍🏻但偏鹹～味道都還好。小食嚟講就真係細細地兩舊，唔好期望有好多🤣4️⃣自家製餃子（跟餐）見到食評好多人都推介個餃子～但覺得未算好出眾🤔但當然都好食，而且咬落有肉汁，皮都薄🙌🏻5️⃣日本糖心雞蛋（$12）因為拉麵冇附送糖心蛋😫所以就自己加錢。上嘅時候嘅凍食嘅，食落都係夠流心👍🏻而且味道濃郁！都係值得試😋📍總結：-蟹肉麵比我預期中多蟹肉，推介👍🏻-相反，雞飯湯白同我預期有啲距離，所以會建議大家食其他🙈-對於附送嘅粟米有啲驚喜🤣牛油粟米整得幾好食！

大坑懷舊日本風拉麵店以昭和時代風格裝修🏮好多懷舊玩具、擺設同時播住懷舊日文歌超有特色 主打自家製麵條唔同款嘅日本汽水仲有日式調味配料生蒜頭，高菜等▫️山葵蟹肉拌麵🦀人氣爆燈嘅期間限定冇諗過蟹加wasabi可以咁夾粗麵拌鮮甜蟹肉加埋大蔥紫菜好滿足～ ▫️香濃雞白湯拉麵附上骨膠原啫喱嘅雞湯加落拉麵湯攪勻，超濃厚麵質彈牙，加埋兩大塊叉燒同爽口木耳絲，夠哂滋補 ▫️牛油粟米粒粒粟米充滿濃嘅牛油味道香甜 ▫️雞肉串雞肉嫩滑加埋燒汁，夠哂惹味 ▫️餃子🥟自家製餃子皮薄餡多，煎得香脆有肉汁 ▫️山葵薑味汽水好特別嘅汽水用芥末製成，嗆辣度十足好衝擊嘅味道 ▫️蘋果梳打🍎蘋果味香濃，味道清爽唔會太甜

今日氣溫突降，非常適合食拉麵，約左個朋友黎呢間位於大坑既拉麵來食個拉麵。呢度拉麵選擇好多，有湯麵，都有沾麵同拌麵。湯底有豚骨有雞湯。小食都有幾款選擇。見到呢度有秋季當造嘅蟹肉拉麵，少見喎，一定要試吓先。蟹肉味噌豚骨湯拉麵 $158蟹肉味噌豚骨湯拉麵有主角大閘蟹肉球配上蟹味噌同豚骨湯。首先大閘蟹肉鹹香十足，堅有金黃蟹膏，加埋店員特登拎出黎嘅蟹醋就更加好食。拉麵係幼身，我哋特登叫整得硬身啲，又整到有啲咬口喎。叉燒有兩塊，肥膏好多。另外仲有木耳絲，青蔥同一塊紫菜。值得一提係個湯底，堅有少少蟹味，完全唔覺油。山葵蟹肉拌麵 $128山葵蟹肉拌麵主角同蟹肉味噌豚骨湯拉麵嘅大閘蟹肉球係一樣。另一主角係生磨山葵，好新鮮，拌麵食都幾好。粗身拉麵係熱嘅，冬天食拌麵都得。個湯似係蟹肉味噌豚骨湯拉麵個湯嘅濃縮版。其他配料有大蔥同紫菜碎，仲有一塊青檸可以用黎擠汁。枱上有生蒜，高菜，芝麻粒同昆布醋。高菜非常辣。加芝麻粒落拉麵度就更香口。自家製餃子 $40拉麵配餃子係常識！自家製餃子一客五件，今次有進步，個皮煎得脆脆哋，而另一面個皮係滑溜。餡料唔少，好似有豬肉碎同椰菜碎，沾醋食仲正。小食居然仲有鹿兒島豬軟骨同免治雞