紅豆烘焙 (華美大廈)

营业中

休息中

😆仲未有機會食到嘉多利 (其實係唔想排咁耐隊🤣)，我地經過旺角呢間「紅豆烘焙」，見到有一直好想試嘅人氣法式布丁麵包，又咁啱就到下午3:00，佢每日嘅出爐時間，一於排隊試下😆 2:45pm左右目測有十幾人嘅排隊人龍，對比嘉多利較少人排，唔洗排咁耐，食嘅意慾都高D😂 但開賣未到大約半個鐘就賣晒😂真係好癲🤣🤣佢有3款口味，原味、焦糖、朱古力，我地都買晒黎試😋 全部法式麵包都好鬆脆，建議15分鐘內趁熱進食，我地部分拎咗返屋企軟身咗，可以用氣炸爐/ 焗爐加熱，就會回復香脆😍😍➡️”焦糖布丁麵包”，我地最鍾意食嘅口味，雞蛋布丁好滑溜，蛋香味好出，上面鋪咗層燒到薄脆嘅焦糖，焦糖汁滲入麵包，唔會好甜，配搭一流！👍🏻👍🏻➡️”原味布丁麵包”，同焦糖口味差唔多，如果覺得焦糖都已經甜嘅，可以揀食原味，一樣好正！➡️”朱古力布丁麵包”，朱古力味幾香，有少少偏甜，蓋過咗蛋味香，鍾意食朱古力嘅朋友可以一試～🔹 原味布丁麵包 ($15)🔸 焦糖布丁麵包 ($18)🔹 朱古力布丁麵包 ($18)希望之後有機會食到嘉多利嘅法式布丁麵包，就再同大家比較分享下😆

出左名好耐既布丁麵包終於忍唔住去左買，果日收左工6點半去到仲有得賣同埋唔洗排隊😂，有原味同焦糖味，本身想試既朱古力味就賣曬布丁麵包$15用氣炸鍋整熱4分鐘後先食，覺得好正🤤外皮卜卜脆，個布丁甜甜地，完全唔會過甜🤪平平地當做個下午茶係唔錯見間麵包店都keep住多人買唔同既麵包，可能下次試埋朱古力味同其他包🤙🏻

去開朗豪坊嗰頭經過紅豆烘焙，記得呢度有做人氣嘅布丁麵包，仲要有3款唔同嘅口味！望一望錶都差唔多到出爐時間，梗係唔執輸去排隊，掃晒3隻味返去試！🤪🥖 布丁麵包💯 評分：🌕🌕🌕🌕🌕 (5/5)💭 法式麵包外殼鬆脆煙韌，吸滿布丁漿甜到入心！強烈建議大家一定要叮返熱嚟食，整體唔單止會香好多，布丁內餡仲要超級流心！😍🍮 原味 $15💬 布丁嘅蛋香味非常濃厚，味道控制得恰到好處，食落甜而不膩，細細一個已經勁滿足！😋🍯 焦糖 $18💬 多咗一層厚厚嘅焦糖皮喺面頭，脆卜卜咁焦香味非常吸引，口感嘅層次又變得更加豐富！🤩🍫 朱古力 $18💬 朱古力味超級濃郁，仲食到微微嘅可可豆香，滑嘟嘟嘅口感入口即溶，幸福感爆晒燈！🤤