岳川串揚

营业中

休息中

岳川串揚，灣仔既一間居酒屋，主打串揚，日本串燒大家食得多，串揚應該就少啲🤣大阪名物，薄粉去炸既串燒，咁有特色當然要試試，仲有好多酒同配菜既選擇，正🙌🏻🙌🏻串揚時間🕰️廣島蠔，因為炸過所以比起燒蠔keep到多啲蠔汁，幾肥幾新鮮，為左減輕炸既油膩，加左蛋沙律，幾細心😌帶子三文魚籽，見到已經好想食，超豐富既口感，入面帶子唔係炸帶子咁，係輕輕炸脆個面咁，又鮮又多汁配三文魚籽好夾👏🏻👏🏻必食，紐西蘭牛柳上場，賣相無乜特別，食落唔簡單，中間肉嫩之餘牛味同牛肉汁爆發，正😍紫蘇魷魚卷，好精巧咁放塊紫蘇葉係魷魚中間，幾清新，特別既味道👍🏻以為最後hea hea地食個香菇，點知大隻香菇之餘仲要有自己既醬汁，酸酸地好去油，唔簡單😆鹽燒牛舌心，估唔到串揚以外串燒都好味，超多汁又厚身，爽！🤑雖然手工啤好吸引，但我都係揀左配返Suntory 生啤，仲要第2支半價🤤整體黎講串揚俾我既感覺好有心思🫶🏻每一串既配搭都唔同都有細心位，但價錢就只係一般串燒既價錢😵未試過真係要試下！

喺香港食串揚除咗有日本過江龍之外，呢間本地小店都好高質。串揚炸皮酥脆又夠薄，而且食落唔油膩。餐廳用QR code自助落單，串揚有海鮮、豚肉、牛肉同蔬菜。除咗串場之外，仲有串燒、佐酒小食、烏冬蕎麥麵等等。✨串揚 北海道天使蝦蝦肉結實爽口 蝦鬚都炸到酥脆好香口連蝦尾都食埋😋✨串揚 廣島蠔蠔肚脹卜卜 一咬落去鮮甜蠔汁湧出嚟😍同自家製他他醬好夾✨串揚 豚肉秋葵卷/豚肉蘆筍卷卷住蔬菜味道清新 感覺無咁熱氣✨大蔥雞肉串雞皮燒到脆身 雞肉嫩滑仲有肉汁燒過嘅大蔥甜甜地完全無辣味 仲竟然一咬爆汁！😋✨鹽燒牛舌芯牛舌芯嫩滑完全無筋燒得剛剛好 多汁有嚼勁✨鹽燒美國肉眼串燒到五成熟表面焦香 內裡肉嫩只用鹽調味更突顯牛味濃郁🤤✨燒日本多春魚燒得夠乾身香口 送啤酒就啱晒✨燒昆布飯團表面燒到變成飯焦 脆卜卜好正！總括嚟講食物好有質素，食咗咁多款串揚同串燒都好食，而且價錢合理。小店座位唔多，建議book定位先去。

星期日去左銅鑼灣摩理臣山道岳川串揚食野，聽個名都覺得係高級野呀。呢一間係日式居酒屋，餐廳位置都唔算太遠，係時代廣場附近。落單用QR code，餐牌有招牌拼盤，串揚串燒，海鮮，雞，豚，牛，羊，野菜，佐酒下酒，前菜，秋冬限定，主食，飲品，甜品。選擇好多。而家有happy hour優惠，星期一至六3點至7點買任何飲品第二支半價。我第一次食串揚，原來係串住食物之後炸，好新奇，所以叫左好多串揚試試。北海道天使蝦（揚）$48 另加一北海道天使蝦超脆口，蝦殼好香，真係可以連殼食，成隻蝦連殼食哂唔好哂。紫蘇魷魚卷（揚）$30 另加一紫蘇魷魚卷一客三片，面頭加左柚子胡椒。炸皮好薄，食落滑溜爽口既魷魚帶有淡淡紫蘇葉味，仲有少少鹹胡椒味。唔錯。帶子三文魚籽（揚）$40 另加一帶子一串一粒。帶子好淋又鮮味，炸皮好薄，加上適量沙律醬同鹹香三文魚籽，好鮮味。廣島蠔（揚）$48 另加一廣島蠔一串一隻好多汁，面頭加上適量沙律醬。燒日本蠔(4隻) $195 另加一我見到老闆好有心機燒，上枱時同我地講呢d蠔係生蠔，燒得半熟，否則會縮小。果然4隻蠔都係非常多汁又肥美，面頭簡單加上蔥花同蒜蓉，個湯好清甜，應該全部都係隻蠔本身

串炸作為大阪名物，鍾意去日本旅行既香港人應該都唔會陌生～岳川專做串炸同串燒，襯住weekend一於同班friend黎試菜兼支持下～💛【前菜】🟡燒明太子整條辛子明太子連衣燒，燒過既明太子味道變得更強烈，鹹鹹辣辣越食越正，送酒一流。🟡日本胡麻豆腐絹豆腐入口即溶，豆味清甜，胡麻醬亦無蓋過豆香，好食。【串揚】🟠天使之海老即係日本藍蝦，肉質勁彈牙，味道亦鮮甜。蝦既處理都幾好，部分蝦頭已經移除，方便食之餘又唔怕食到胃囊個d污糟野影響味道。🟠北海道帶子串刺身級帶子，size夠大所以口感幾好，仲有好香牛油味。帶子中間夾左一片蒜，師傅話可以提升帶子鮮味，個人就幾鍾意蒜既辣味，呢個好食。🟠廣島蠔蠔身飽滿，內裡creamy有鮮味，好食。🟠黑松露芝士竹輪普通的好食。🟠茄子、洋蔥、蓮藕、露筍蔬菜類全部都好好食，特別係個露筍，超X好食，嫩到連皮都唔駛削成條炸既。露筍係朝早先由日本運到過黎，好彩食到😆 聽師傅講佢地午市有個串炸set係有5種蔬菜既，相當受附近OL歡迎，口癢想食炸野又唔想咁大罪惡感既可以試下😏【串燒】🔴鹽燒牛舌芯軟腍多汁，encore左幾次既好食。🔴汁燒黑豚肉好食既五花肉。基本上去食串燒，我會試晒me