Brotzeit German Bier Bar & Restaurant (形點 I) (已結業)

位於Yoho地下嘅德國餐廳，經常有德國啤酒嘅promotion，但令我最感興趣嘅係佢地嘅野食。🥗沙律份量好足，有成條吞拿魚係中間，好好食！然後係我最感興趣嘅肉腸拼盤（$258）以拼盤嚟講份量ok，就算同朋友齊嚟食，都唔洗驚唔夠分。酸椰菜同酸青瓜都係德國菜嘅重點，感覺可以再酸啲😋德國烤焗豬手伴馬鈴薯沙律及德國酸椰菜（$278）講到德國美食，當然唔少得豬手。一上枱已經「嘩嘩」聲，除左因為靚，仲因為隻豬手仲熱到出煙。一切開啲熱氣已經冒出嚟，肉質容易入口，皮亦十分脆！可謂有驚喜！邊飲住德國啤酒🍻邊食德國美食，就算飛唔到都可以感受德國氣氛呢！🇩🇪

𝐏𝐨𝐫𝐤 𝐂𝐡𝐞𝐞𝐬𝐞 𝐒𝐚𝐮𝐬𝐚𝐠𝐞𝐬豬肉芝士腸伴馬鈴薯沙律及德國酸椰菜($158)德國香腸真係世一，香腸的冠軍，仲要係芝士腸，芝士怪一定好滿意🤙配料方面，馬鈴薯沙律並非完全壓成蓉🥔有d薯仔粒，食到有些少少酸的調味料😛清爽亦無咁易食滯😙😙有三種醬：黃芥末/豆瓣醬，咖啡色個種食唔出😌個人認為最好味係點黃芥末𝐏𝐨𝐫𝐤 𝐊𝐧𝐮𝐜𝐤𝐥𝐞(𝐖𝐡𝐢𝐥𝐞 𝐒𝐭𝐨𝐜𝐤 𝐋𝐚𝐬𝐭𝐬)德國烤焗豬手伴馬鈴薯沙律及德國酸椰菜($288)豬手外皮好香脆又煙靭，肉滑多汁🍖原隻豬手上打卡好正，但要自己切哦🔪配料除左著仔沙律、酸菜外，仲有酸瓜條🥒𝐒𝐧𝐨𝐰𝐛𝐚𝐥𝐥/𝐌𝐨𝐣𝐢𝐭𝐨($75 or 95)後記💛兩個人食兩道菜=食唔哂，好大份～～💛生啤有不同ml選(03L~1L)，邊飲邊睇波&再啖啖肉好正!💛朋友仔話味道好正宗perfect～～！

為咗響應「碧咸」同「伊巴謙莫域」嘅打賭，兼慶祝英格蘭打入四強，所以我們今日特意要食「Fish and Chips」慶祝！而我們就揀咗去元朗形點搵吓去邊間餐廳食！行到去見到呢間「Brotzeit German Bier Bar & Restaurant」有Fish & Chips食，所以我們就決定入去食晚飯！一開始我們就即刻叫咗個Crispy Fish & Chips食先，炸魚嘅外層炸得好金黃香脆，炸粉亦好薄身，魚肉嘅肉質超級嫩滑，完全唔會有膩嘅感覺，真係好正呀！炭燒安格斯西冷牛扒配薯角及時菜伴紅酒汁嘅肉質都算鬆軟，但比起我們平日食開嘅7成熟，就有啲過咗火，因店員喺同我們落單嗰陣忘記咗問我們想要幾成熟，所以呢點就扣咗啲啲分，但肉味都算幾濃郁！香煎海鱸魚配炒時蔬及馬鈴薯伴白酒汁嘅魚皮煎得好香脆乾身，肉質相當結質彈牙！德國烤焗豬手伴馬鈴薯沙律及德國酸椰菜係我們喺食緊嘅途中見到隔離差唔多每一檯都叫嚟食，所以我們都叫咗嚟食，一上碟嗰陣店員好有禮咁等我們影完相之後，就幫我們將隻豬手拆咗啲骨出嚟，之後仲會幫我們切開啲肉，感覺真係非常細心，真係值得一讚呀！豬手係炸過，所以外皮係超級香口鬆脆，咬落係脆卜

yoho mall新開只係3日…人流川流不息都好正常吖…適逢今日係假期…夜晚想係度開飯…除非預早book定位…否則一定要排隊walk in....朋友選左呢間德國餐廳…坐位未算好多…同埋有d係高櫈位…未必人人鍾意…不過聽聞話會有露天坐位…但要等秋冬時份先會開設…留意想睇足球賽事既話…電視唔係好大…似乎只有高櫈位置先可看到…menu得一本…已經好有條理咁分哂種類…不過由於係新開張既關係…食物款式供應有限…如果午市賣哂既話…晚市就唔會有…結果點左兩款…大多數人都知德國出名係腸仔…一上枱就聞到咖哩香…腸仔好有肉味同較軟身…一d都唔辣…薯仔係原個薯…都係唔辣…少少咸好好味…德國烤焗豬手係每日限量供應…但需時較耐…據聞係一批一批咁整…等左30分鐘左右…其實可以快d...但因為奧地利廚師比較有要求…早一批豬手烤得太乾…覺得唔合格而棄掉…豬手比拳頭還要大…侍應招呼週到…可以幫我地分拆…豬手唔算腍…亦唔會乾硬…依稀還見到d肉汁…最特別係塊豬皮…好似炸過一樣…超鬆脆…咬口脆卜卜聲…感覺有d似中國式既燒豬…但比中國式還要鬆化…唯有部份豬皮位置…入口感覺有d油漬味…但依常理烤焗唔應該有油味…好奇怪…總括兩款