Neighbor (已結業)

朋友在附近工作，選了這間西餐廳食個飯，再一齊去跑步。上網睇過相，覺得幅葉牆幾靚，好似去左咖啡弄咁，實際環境同相一樣咁靚！我地六點幾黎到都未有太多人，但到七點就full 晒，好神奇。帶點田園風和工業風的氛圍，坐得幾舒服，聚會的確唔錯。呢度有dinner set，亦有a la carte 餐牌。Openrice 有優惠券「訂座送小食」，所以我地點左兩個餐和小食，每人二百都食到好飽了。跟餐的有凱撒沙律和餐湯，而今日的是蘑菇湯。個沙律都幾多，特別喜歡份量不少的煙肉粒，同芝士一齊帶出鹹香，襯晒清淡爽脆的生菜。蘑菇湯不過不失，好足料，但略嫌有d 太稠，飲晒就太飽了。芝士焗西蘭花 (價值$58)所送的小食都唔「小」，比想像中大很多。見主菜是肉和魚，所以選了個菜，呢客西蘭花大到爆，三人食都仲得！芝士有焦香，跟西蘭花一齊食，好惹味。呢度野食份量有返咁上下，兩個人叫兩個餐加小食真係好足夠。德國燒豬仔骨 $178Share 食每人都有3-4 條骨，份量頗大。豬仔骨醬汁做得幾好，酸甜度足，唔會令到肉味太濃而覺得膩，可以再濕潤D 就更好。銀鱈魚配檸檬牛油忌廉汁 $238上枱時wow 一聲，因為銀鱈魚可以用「扒」

約咗朋友食飯, 唔知食咩好, 上openrice見到呢間食評唔錯, 所以就決定要試下, 點知...真係有驚喜我地4個人, 叫咗2個dinner set個set有凱撒沙律, 好味一個係千島海鮮pizza一個係燒豬仔骨另外我地仲叫咗一份西冷仲有Parma ham salad一份水牛城雞翼, 不過係想像中好, 呢個麻麻地我地起初唔知個豬仔骨有薯條, 所以我地又叫咗份薯條, 不過真係好正仲有意粉我地仲叫咗4杯好特別嘅飲品啲飲品名好搞笑, 有可遇不可求, 椰林飄香, 斯里蘭卡吸精吸血殺人大青蛙, 求其特飲。最後個set有甜品, 係豆腐乳酪雪糕, 非常好味, 我地掛住食唔記得影相呢餐飯我地都食得好開心 食物又好味

由於二月尾會轉新工, 將會在九龍返工, 較少係港島區食飯. 早前趁還在港島區工作, 放工後便去了銅鑼灣的The Neighbor食飯.晚餐包括凱撒沙律, 餐湯, 主菜, 乳酪雪糕和飲品, 價錢由$168 -$248.主菜我選了德國燒豬仔骨, 而飲品選了熱薄荷朱古力.另外加了一個小食, 選了意大利雲吞.店員先奉上熱薄荷朱古力.朱古力面有一個可愛的拉花圖案.朱古力味道尚算香濃, 質感也幼滑, 唯獨是薄荷味道不太突出.凱撒沙律.蔬菜夠爽脆, 我特別鍾意佢的醬汁, 帶點酸酸地, 好開胃.是日餐湯是黑松露蘑菇湯.湯的杰度適中, 入口有淡淡的黑松露味道.意大利雲吞.每一粒都幾精緻, 味道調教不錯.尤其是忌廉俾我感覺不會太膩, 入口有淡淡的忌廉味道.主菜上枱.德國燒豬仔骨.賣相幾吸引, 估不到份量咁大.豬仔骨的肉質尚算嫩口, 不會太乾.本身我鍾意食粗薯條, 所以這裡薯條粗幼度啱我口味.外層帶脆身, 內裡夠軟, 外層內軟.配料還有蔬菜, 可以起中和作用.一邊食一邊發現這裡份量比一般餐廳大, 連乳酪雪糕也一樣.雪糕球比平日食開多一半有多.乳酪雪糕相對雪糕較清新, 入口帶酸, 可以幫助消化.這裡食物質素不

今日係老公既週年紀念日，唔想係酒店食貴嘢，都唔想食BUFFET，睇飲食男女見過呢一間餐廳幾有情調，就出左黎銅鑼灣食。餐廳原來地舖係酒吧樓上係餐廳，座位好寬敞，最鍾意坐梳化位，仲有主題GREEN WALL，我同老公坐4人梳化卡位，自成一角。Dinner Set 既選擇都算係多，有6款套餐，我好鐘意食魚，唔洗諗叫左銀鱈魚配檸檬牛油忌廉汁，點知無銀鱈魚，改左三文魚扒。老公就我唔食牛，叫左德國燒豬仔骨。餐湯係好濃既蘑菇湯，好正，一d都唔同罐頭果d，好好味。凱撒沙律都唔錯，蔬菜新鮮，麵包又夠脆，份量剛剛好。小食叫左個鵝肝多士，我就無食，係老公指定要食，佢話幾好食。主菜: 德國燒豬仔骨我自己非常滿意，肉質鮮嫩多汁，肥瘦均勻，好有咬感，勁好食，薯條都好好味，外脆內軟，外面仲有少少香料加左，有少少似SHAKESHAKE 薯條既效果。三文魚扒配檸檬牛油忌廉汁三文魚扒好滑，同我平時食既差好遠，多好多汁，如果係銀鱈魚會更好。檸檬牛油忌廉汁配三文魚令人更開胃，我仲拎左黎點薯條。甜品係乳酪雪糕，估佢唔到咁大個，呢一款係奶味比較重既，但都好好味，食完就真係超級飽。飲品我飲THE NEIGHBOR，比想像中好好多，

銅鑼灣總是與舊同事相約聚舊的好地方，而鄰近地鐵站的 Neighbor 則是更為合適的好地方。門口的招牌大字非常奪目，裝橫亦有種上世紀的 Raw 味。沒有華麗擺設，以紅磚與水泥牆，配搭草木盤栽，打造了一種鄰家小房了裡吃樸實西餐的感覺。工作勞碌了大半天後，喝一口溫熱的西湯感覺甚為暖和，而且味道開胃又香濃。晚市套餐可加配巴馬火腿芝士，這配搭在香港當然已經不是新鮮事，但值得一提的是 Neighbor 選用的芝士是羊奶芝士，質地軟身，帶著強烈的芝士濃香且羊奶獨特味道，與火腿的鹹香調和配合，味道在口腔內久久不散。安格斯肉眼配紅酒汁 － 吃牛扒我愛吃 Medium Rare，老實說在我落單之時，我在掙扎應否叫 rare 一點，因香港大部分餐廳都會把扒造得過熟。切下肉眼扒時，我的憂慮消失了，血水充份被保留在肉眼扒裡，濕潤非常，每一口軟熟的肉，帶表面微焦碎香還有鐵質的味道。另附薯條，非常美式。德國燒豬仔骨件頭頗大，女孩子普遍應該吃不完。甜酸醬汁完完全全塗抹在豬仔骨表面，開胃得令人一根接一根吃，不顧儀態地吮手指。肉質不算結實，以刀輕易分開。

Openrice寫餐廳地址係地鋪，還以為對住條大街食飯，原來係樓上雅座。踏上階梯才發現是唐樓設計。餐廳裝潢以木系為主，沉實得黎不失時代感，加上樓底高，感覺幾舒服。餐廳菜式雖然主打食意大利菜 (飯/pizza/意粉)，但菜式風格都幾廣泛。就以Dinner Set為例就有「德國燒豬仔骨」同「美國安格斯肉眼扒配紅酒汁」食。小弟因為呢排鐘意德國，所以點左前者。頭盤：輕盈Salad，加左parmesan同煙肉碎，味道有d似Caesar Salad (當然如果有埋麵包粒就更似呢)。主菜：德國燒豬仔骨。望落有點乾身，肉身亦唔算肥厚，幸而食落冇想像咁乾身，肉身都算入味，如果額外點燒烤醬食應該會更加好味 (嘿嘿)。配上粗身薯條打孖食，份量啱啱好。仔細一看，呢度餐碟以至木盤都印有餐廳字同年份1890，頗具特色 (按：猜想年份可能係唐樓興建年份，有待考證)。不得不提呢度特飲既中文名相當鬼馬，例如「垃圾桶」、「求其特飲」、「小丑」……好在都睇得明d英文寫咩先知杯野係咩料。食完豬仔骨因為覺得有d膩，於是膽粗粗叫杯「可遇不可求」 (水蜜桃(果泥)、紅石榴糖漿、青檸汁、紅薑啤)。未飲都知道會好甜，只係冇諗到甜度有d

這天跟朋友行經銅鑼灣舊公司附近無意中發現這間門面不太起眼的餐廳，初時以為只是食甜品或小吃的小店，誰知原來是一間環境舒適，裝修清新脫俗，坐位寬闊的三層高級餐廳。甫坐下每人先來一杯特飲，全部特飲名稱都別出心裁。 招牌特飲 “Neighbor”是由荔枝，檸檬，橙汁混合而成，清純外型兼味道清甜芬芳，非常適合女孩子。名稱特別的“可遇而不可求”則以peach桃味為主, 再加入青檸汁及少許薑汁，組合奇特，但味道卻比想像中清淡，真是名副其實。Set dinner價錢由$168 - 248不等，除了主菜，還包括有Caesar salad, Daily soup or coffee or tea & Desert. “忌廉蘑菇湯”大大碗份量十足，入口啖啖蘑菇茸。香香脆脆“千島海鮮薄餅”$178 風味清新，不過若味道濃郁一點更好。“德國燒豬仔骨”$178豬仔骨經燒烤後外層略帶焦香，甫切開可見肉汁豐盈，保持嫩滑口感; 味道濃郁香惹，滋味滿分！ 另外，Jetso價+$28的“三文魚他他千層”有驚喜，鮮滑的三文魚粒混合酸甜的桃粒，口感豐富, 為味蕾帶來清新感覺！甜心有兩款，“Chocolate brownie”及