德國餐廳 (Mikiki)

营业中

休息中

一行6人慶祝朋友生日#墨西哥粟米片配牛油果醬蕃茄芽莎 🌮🥑🍅(雖然佢個醬都好食，但始終唔夠我嗰次響愉景灣嘅 ZAKS 食嘅咁震撼🤤)#德國超級香腸拼盤 🐖(正常德國餐廳食到嘅腸拼盤)#熔岩芝士麵包及薯條 🧀🍞🍟(芝士味都幾香而且夠多，唔會話食到咁上下薯條無芝士配住食)#烤特色乳豬配香菇鴨肉燴飯 🐖🦆🍚(個乳豬皮好脆同啲肉都幾嫩滑，佢配咗兩款source，有款好似baby food 嘅蘋果蓉😂另外個燴飯汁好香好好味)#美式燒排骨 🐖(每次一大班人食西式菜我都會揀🤪啲肉都幾嫩滑，可以多啲燒烤醬就更好)#德國鹹豬手配酸菜及薯仔沙律 🐖豬嘅騷都重呀，但尚可接受嘅個皮都係烤得好脆#GreekYogurtAndRaspberryCrunchCake 🍰(味道好濃，酸酸甜甜好開胃)#EspressoAndYuzuCake 🍰(呢款個味道幾特別，咖啡味同柚子味都好出，幾清新)#PandanPinaColadaCake 🍰(其實我唔係好食到佢咩味，係有少少菠蘿味嘅，但最食得出嘅係椰絲😂)呢期響度食飯 Blue Girl 有推廣，上網登記有四枝啤酒送 (一枱只計一個人登記)店員服務幾好，係我哋六個人個座位

今日lunch專程同男朋友去Das Bier食德國豬手😝啲lunch set價錢都幾抵同埋大份，不過就冇德國鹹豬手。於是我哋就散叫左個德國鹹豬手配酸菜及薯仔沙律同西班牙海鮮飯。好味嘅食物係要等嘅！我哋等咗10分鐘倒，德國鹹豬手就切得靚靚哋咁送到面前。聞落好香，啲肉質好易咬，味道好好！點埋honey mustard 真係一流！啲皮亦都非常之脆口！正！😋西班牙海鮮飯非常之足料，有好多唔同款式嘅海鮮。啲飯粒粒分明，亦都好大粒，口感同味道都唔錯！成碟海鮮飯亦都係熱到出煙㗎 ！啱晒天氣凍嘅時候食！😋😋希望疫情過後，晚上有堂食嘅時候，再有機會嚟食多一次德國鹹豬手，同埋啤一啤佢！🤪

好姊妹要出嫁啦，趁佢未做人妻，想搵間餐廳放工近近地，又可以chill下，又可以放心啤一啤⋯⋯ 我即刻諗起德國咸豬手配啤酒！睇openrice搵到呢間城市綠州嘅 Das Bier! 位於Mikiki，又係downtown, 唔駛去到西貢赤柱都可以Chill～兩個女仔諗住都主要係飲酒傾計，所以冇嗌到好多嘢。最後我哋叫咗一個香蔥芝士薄餅，加德國鹹豬手配酸菜及薯仔沙律！再加一杯Hoegaarden兩份飲（一睇就知唔係飲開走但又想Chill下）我哋本身以為都唔係叫咗好多，但嚟到就開始擔心了。因為原來份量都幾多，薄餅有成八九塊，可能因為有埋芝士所以更加「漏」，但我個人覺得好好食，所以我食到停唔到口。不過我唔係好鍾意個醬，覺得唔係幾夾，所以我都係空口食件芝士薄餅，就咁食都覺得好好食。香蔥味幾濃㗎 ！另外個德國豬手真係不得了，因為原來真係好大份，食到三份一嘅時候，我哋有諗係咪要打包返屋企。啱晒大食嘅人！豬手都幾好食，個皮基本上好脆身，不過有啲位就有啲太煙韌啦～ 肉又唔係好乾身喎，幾好食！酸菜又未到人哋Table 18嗰啲咁酸（好易入口）！呢個組合都夠晒我哋傾足一晚，配埋啤酒坐低傾計都幾舒服，店員有冇趕

其實以前去新蒲崗已經遠遠望過呢間德國餐廳好多次，唔知點解有種感覺好想去，今日年初三終於有機會去到。時間尚早但係都見到有啲客人已經坐喺出邊露天茶座嗰度食緊野好開心好有氣氛，但係我哋入咗室內嗰度坐啦。咁入到去就唔見我哋原本想叫嗰個套餐，咁我哋都諗應該係新年可能冇咗，咁我哋就問吓店員啦：店員話冇唔緊要嘅，但係唔使咁倔。😐所以店員講嘢嘅語氣同服務態度就真係有待改善啦～而且去到冇咗個餐，咁我哋冇叫其他嘢飲。餐廳應該主動啲去問我地要唔要水或者幫我地斟。咁我哋叫咗佢斟四杯水，入邊有兩杯水都係污糟，我哋又要再叫佢換啦。幫我地斟水同主要服務我哋嗰個服務員態度都算好啲，謙虛。我哋就唯有叫德國豬手、香腸拼盤、墨西哥香蔥芝士醬薄餅🧀🌮同埋香草醬煙三文魚意粉。🍝呢度招牌德國鹹豬手。我對佢嘅期望係好高，因為係德國餐廳囉同埋真係食過好味嘅德國鹹豬手係一定好🈶️鹹香味道，味道好入味。但係呢度就有待改善。佢就切開晒成碟嘅都幾方便。咁但係個豬手味道就真係唔夠咸味道太淡我都食唔出係鹹豬手。唔夠入味我食唔到鹹豬手嘅感覺。而且豬手嘅外皮應該係同佢嘅外貌相符合即係要脆身，但係佢就冇呢個感覺。同埋佢陪左啲清新嘅酸菜係好事黎嘅，一嚟夠

新蒲崗嘅商場Mikiki不嬲係附近居民揾食嘅地方🍴今次🍔為左食某間隱世cafe(請留意之後食評🤤)黎到新蒲崗，咁啱有啲肚仔餓，一於試下間德國餐廳做下午茶🤩-德國鹹豬手配酸菜及薯仔沙律($208) 依道菜要等一段時間，所以保證熱辣辣🔥 餐廳都好細心咁幫食客切埋啲肉出黎，而且係超級乾淨，抵讚👍🏽 豬手嘅皮烤得超香脆，仲有淡淡嘅油脂香。而肉質仲好嫩滑，帶點肉汁同鹹香，幾好食！除左旁邊嘅酸菜可以解油膩感之外，最近餐廳新推出嘅芝士奶蓋蘋果酒($68) 都好夾!! 豬手除左配啤酒外， 配apple cider一樣唔錯！上層仲有芝士奶蓋，芝士味都算濃厚，唔錯，係啤酒外嘅另一選擇🌟👑