The Salted Pig (新城市廣場一期)

营业中

休息中

個個星期都會响沙田出現，個個星期都要諗吓食乜先。今日嚟呢度，其實唔係第一次嚟呢度，耐無幫襯，今日再食又覺唔錯噃。餐牌上有小食，之前未試過，睇相幾靚，今次點了辣肉腸炒蝦配多士。好好味呀⋯⋯蝦大大隻，蒜片辣肉腸味道香濃，件多士唔係求其白方包，軟得嚟又脆得啱啱好。掛住佢哋隻德國豬手，以前成隻上，而家斬件serve，其實斬咗件係方便啲嘅。哇，咬第一啖，皮脆，肉滑，唔會死鹹👍🏻。配菜有紅蘿蔔薯仔，唔知焗定grill,定係焗完grill，紅蘿蔔好焾好甜👍🏻👍🏻，薯仔好粉👍🏻，嗰啲德國鹹酸菜用咗少少煙肉炒，幾醒胃嘅。另點了份炸魚薯條，兩件炸魚屬厚身，有炸漿，炸漿係脆無麵包糠嗰種，即係非吉列類別，開心咗一半，食落口外脆係屬高分的，內裡件魚塊，肉厚，滑口👍🏻，無雪味無泥味，所以係屬好味㗎！薯條粗切，無乜大驚喜，有部分炸得過了少少火，仲有沙律菜，個dressing 酸酸咪咪，好幫到無油膩感。雖然成碟嘢以炸為主，但無一陣陣油味，所以整體來說，唔錯👍🏻同行人士點了杯飲品，賣相幾靚，材料有桃熱情果，好似仲有士多啤梨，味道方面係ok，但我個人唔鍾意食好杰又好凍嘅飲品，因為飲得快會整到個鼻竇好痛，所以無得comme

環境寬敞舒適，裝修很美麗，氣氛幾適合約會。提供探熱和搓手液～另收+1服務費由於限聚令關係， 10點關門， 9:15pm last order~如果趕唔切吃的朋友可以拎外賣盒打包；）#招牌德國鹹豬手 $298（配芥末忌廉汁沾點）好大隻，還會細心幫你切好，不用自己切得那麼辛苦。脆皮，有點鹹，但是很好吃～可以跟配菜（酸菜、烤薯、蘿蔔伴碟）一起吃或者沙律🥗～聽聞係呢個招牌菜式而出名，會選用豬嘅最好部位 確保用優質同埋新鮮嘅食材製作食物😍推介#吞拿魚沙律 #🥗 $148香煎吞拿魚七成熟左右，超級健康😂有少少似雞胸肉。沙律配有薯仔🥔烚蛋、橄欖、蕃茄、生菜等等，用沙律醋和橄欖油代替沙律醬，感覺很清新#小食分享拼盤 $288 有三款醬，最特別是牛油果醬，清新感覺可以配沙律一起吃😃熱氣之選～種類超級多，非常吸引。迷你牛肉漢堡包很可愛，包皮少少脆😋雞翼微脆很惹味～不會辣。#英格蘭雞蛋 很特別，外層是炸的吉列，內層夾著一些肉，裏面才是雞蛋#吉列蟹餅 有少少像dd似馬介休魚，有些蟹肉碎，配沙律醬一起吃不錯#薄荷茶 比想像中好飲～不會苦，清清地#提拉米蘇 今天的心太軟賣光了，Tiramisu冇得輸🤣濃濃的咖啡味