孖啡

营业中

休息中

環境勁大，裝潢有啲似K房，有好多電視可以睇📺，同埋有啲小遊戲可以玩，等野食果時就唔怕悶啦😆~⠀▫忌廉煙三文魚配天使麵 (HKD 76)🍝煙三文魚份量都幾多 但好似太多忌廉汁😂⠀▫黑松露野菌忌廉意大利飯 (HKD 80)黑松露味幾香味道不錯 不過同樣都係太多忌廉汁 食食下會濟😯⠀▫黑松露薯條 (HKD 48)🍟黑松露幾多而且大大份🍄不過薯條咸左少少同埋硬身左啲 ⠀▫心太軟配雪糕 (HKD 35)心太軟切開唔算太流心 不過味道都算OK⠀▫芒果乳酪 (跟餐+HKD 8)🍹⠀▫玫瑰花洋甘菊花茶 (跟餐+HKD 18)☕️⠀▫️Menu⠀▫️環境⠀

想黎哩間食野好耐喇！佢個名夠特別夠得意，唔通會好食到好似嗎啡咁上哂癮？！忌廉煙三文魚配天使麵... 哩個原本以為係冇乜特別味道都係想像之中，但原來係好好味嫁！佢個忌廉汁真係好濃郁又夠creamy，而且汁醬一d都唔膩，份量都夠我撈勻意粉有餘。意粉軟硬適中，除左有含包待放既煙三文魚花花之外，仲有唔少蘑菇喺入面！鮮茄焗豬扒飯... 紅當當既焗茄豬啊，望落已經好吸引喇，茄味好濃郁，帶少少蕃茄既酸味，仲有好多拉絲芝士！！好正！豬扒係厚切，質感都juicy 又淋，如果有得轉炒飯底就更加正喇！玫瑰朱古力咖啡、薄荷朱古力... 兩杯都唔差，如果玫瑰同薄荷味可以再濃d就仲正。心太軟配雪糕... 另外仲跟餐加錢叫左個心太軟，即叫即整所以都等左3,4個字，不過有時間就一於等下吧！心太軟焗到外脆內流心！朱古力味都幾香濃嫁！

孖啡☕好似聽過呢個名好耐啦 今日同朋友上去打算spend一整個下午😌一踏入門口已經好有中學回憶湧出黎話說個陣Cafe呢樣野岩岩係香港冒起☕個陣既Cafe真係會比你坐足幾個鐘無限時同而家既新型Cafe生態有少少唔同呢~🌸(呢個位置放住唔少board game呢..真心好多中學回憶😌)打卡位唔算多.. 裝修係好平實但舒服既路線長型路線 行入去不時見到牆上掛既油畫同天花既古典水晶燈💎呢度主力供應飲品🍸甜品得2款, 主食就有8款, 同埋都有幾多小食呢🍩大大碟的Caesar Salad🥗$66 (lunch包$38飲品)鋪得密集的蒜蓉包燈粒實在令人心心眼😍食入口係非常香脆同香蒜味..真係無得輸!凱撒汁分量剛好👍🏻菜都新鮮, 配埋煙肉粒同芝士..係一份好食的凱撒沙律~~ : )忌廉煙三文魚配天使麵$76 (lunch包$38飲品)個人真係鐘意天使麵多過意粉呢🍝較幼身的麵條同時將醬汁索得很入味呢一款竟然完全唔會漏呀🙂而且份量都唔少呢 Rose latte $48無超華麗既賣相但係有唔錯既水準Latte底沖得幾純滑 玫瑰味唔會太假太甜飲完心情都幾好: )呢度仲有一整頁以塔羅牌做主題既特飲~我朋友揀左呢

星期日喺旺角行街行到腳仔軟，不想等位、不想趕埋單交枱，可坐耐些，所以就想找間cafe慢慢嘆返餐early dinner😇 就去左孖啡，位置方便，餐廳名字好有趣🤣一般cafe食物水準都比西餐廳差，主要是方便一大班朋友玩game聚舊、談心，但是這裡的食物質素竟然好好！除左治我腳仔痛、還治癒了我空虛的腸胃！😛大部分位置都係梳化👍🏻環境舒適。我們點了兩個set dinner 連飲品，水準不錯，加錢再吃甜品！忌廉煙三文魚配天使麵：賣相好吸引，用煙三文魚捲成玫瑰花🌹😍三文魚份量毫不吝嗇！有誠意！忌廉汁好香，配上幼身天使麵就可以每啖到掛上很多汁😋好滿足～黑松露野菌忌廉意大利飯：喜歡黑松露味的朋友不能錯過，松露味香濃，意大利飯軟硬適中，份量亦不少！👍🏻Oreo奶昔：oreo 味重，再加cream！仲有沙冰！夏天飲一流👍🏻洋甘菊、玫瑰花茶：加水再沖茶香仍在～relaxing心太軟：外脆內軟，可可味濃，又不會太甜，熱熱的蛋糕配一口冰冷雪糕，瞬間在口溶化，一絕！重點推介推介！😍Cheese cake 芝士味較輕，質感較軟。

在旺角，找一間食店坐得耐是不容易。最好的選擇應該是樓上 cafe。但我又很怕昏暗的環境，同埋不注重食物的質素！是晚約了很久沒見的朋友食飯聚聚，當然想傾耐d啦，於是揀了友人工作地方附近的樓上 cafe 晚飯。很不幸，是日大廈壞 lift，要行樓梯，行4層樓梯呀！約了友人，又不想改地方，就拖著疲累的身軀上去吧 -_-幸好比我想像中好，不是昏暗的環境，地方很大，座位寬敞，而且玻璃窗貼有剪影的裝飾，很特別！由於是晚我突然喉嚨痛，所以沒有點煎炸食物，我們只點了兩個晚餐「凱撤沙律」、「忌廉煙三文魚配天使麵」，加 $28 配「心太軟+雪糕」及散叫「瑞士雞翼」。先來兩杯飲品，套餐補少少差價，友人點了塔羅特飲......「皇帝」，即熱情果加檸檬汁，味道不錯！而我當然選了咸柑橘蜜，舒緩喉嚨不適。凱撤沙律，沙律菜爽脆新鮮，開胃！忌廉煙三文魚配天使麵，好靚的玫瑰花造型 我已被賣相吸引，急不及待試下味道如何。濃濃的忌廉汁包住每條天使麵，再加上煙三文魚，美味又有口感，不錯 ！瑞士雞翼，非常入味，非常好味！當然唔少得，心太軟+雪糕，很美味，很滿足 本來壞 lift，對其印象大打折扣，幸好環境及食物都不錯，行上來都值

第二次回來孖啡，餐牌沒有轉變，跟之前一樣，選擇雖然不多，但都全部合我胃口，選一些上次沒有吃到的。外表焗得很漂亮，味道也十分不錯，每一口醬汁也有大量吞拿魚。但醬汁不太夠，吃到中段已經差不多沒有汁，十分乾。如果減少天使麵分量或多一點醬汁會更好。這個剛剛相反，十分濕，吃完後還剩很多汁在盤子。三文魚的份量挺多，三文魚油香十分重。很開心有雜菇在內。塔羅特飲系列的名字都十分特別，選了皇帝，是熱情果檸檬汁。外表平平無奇，但味道都不錯。每喝一口都感到十分滿足，卻又十分罪過，oreo足料，沙冰打得很滑，喝完要跑十圈動場。孖啡的食品選擇不多，味道尚算中上，以樓上咖啡店來說，雖不算最好，但絕對不差。

已經是第二次光臨這家樓上咖啡店；記得上次是和一班女生下午來聊天，這次是和友好約了在晚飯時間聊個飽！忌廉煙三文魚配天使麵$108。廚師把煙三文魚營造成花，賣相漂亮；白汁煮得香濃，完美地混和於每條意粉中。芝士焗吞拿魚天使麵$94，造型和味道一般，但也是足料的，滿有菇和吞拿魚。芝士味不特別香濃；比起煙三文魚意粉，這天使麵較乾身。另外，我們還加錢吃心太軟和芝士蛋糕。這裏的心太軟只需加＄28 ，味道一流。香濃的朱古力醬從中央流出來，配上旁邊的冰淇淋，一冷一熱，美味無比。至於芝士蛋糕，味道屬一般，因芝士味不香濃。配上朱古力醬更顯奇怪。飲品而言，我和友人點的是藍莓果茶和紅莓果茶$56。兩款都是紅色的，味道也有點相似，都是酸酸的，有種消滯解脂的感覺。但我點的紅莓果茶較酸，味道像洛神花茶。

友人呢排有些少煩惱事, 約飯局比個機會佢吐下苦水, 樓上CAFE唔限用餐時間, 可以比佢訴心中情呢間CAFE位置方便, 近港鐵站內在環境燈光柔和, 比人舒服感覺, 坐窗邊位置仲可以望到街景設有大型卡位, 即使一大班人上黎食嘢吹水都無問題!除左有電視, 仲提供各式Board Game, 大家可以放低電話, 齊齊玩Game!有套餐供應, 由沙律, 飯, 天使麵及通粉都照顧到, 包飲品, 另加$28可包甜品!亦有提供各式飲品及小食日式黑椒牛柳粒飯 ($108), 一客份量都幾多, 以三色甜椒配以濃香醬汁加牛柳粒煮製而成!牛柳粒腍滑, 白飯撈埋惹味醬汁一齊食都幾好味, 美中不足係黑椒味唔夠濃!忌廉煙三文魚配天使麵 ($108) - 以煙三文魚捲成玫瑰花狀, 令賣相加分!幼滑天使麵被香滑忌廉汁所包圍, 咸香煙三文魚質感嫩滑, 加埋洋蔥可加添爽口感!日式炒雜菜 ($52) - 以生菜代替慣常用嘅椰菜, 仲有雜菜及菇類一齊以日式醬汁一齊炒, 味道偏甜, 面頭灑上木魚碎, 增加"日式"味道!芝士焗薯條 ($46) - 當侍應放低呢客薯條後, 香脆味已經傳入我嗅覺, 焗至金黃色再舖上熱溶芝士......

今晚約左朋友黎到呢一間樓上cafe ！入到去，環境相當不錯！坐位都好舒適，枱子不會太迫，在空間感，讓客人可以慢慢享受食物！我們先點左兩set Dinner,跟餐杯飲品，還可以加$28芝士蛋糕或者心太軟配雪糕好吸引煙肉卡邦尼長通粉，軟硬度適中，又香又creamy忌廉煙三文魚配天使麵，忌廉很濃，喜歡吃忌廉的應該會喜歡，加上切成玫瑰花的煙三文魚，整體十分吸引！魚手指，即叫即炸，好香脆，好味！Mocha ,呢杯就有點甜！隱者，個名都好特別！飲落都唔錯的！如果點心太軟的話，可能需要多一點時間，因為是即時焗的！不會太甜，流心效果非常好！

同女朋友行街行到腳仔軟嘭嘭聲拉佢去搵地方休息兼食晚飯上網一睇就有間係附近就上左去仲要有好多board game 玩添餐牌都未睇，就比佢飲品表嚇親款式多到都有選擇困難仲有一頁係特別用塔羅牌黎改名最後我點左牛奶咖啡咖啡味濃郁，而奶味都取得平衡到點主菜啦女友鐘情意大利麵於是幫佢點左個忌廉煙三文魚配天使麵麵質剛剛好，帶少少硬身配合香濃滑溜既忌廉汁搭上一片煙三文魚，咸香混入香滑，轉頭就已經清碗我自己當然嗌個鮮茄焗豬扒飯啦大大塊豬扒，厚身得黎又夠鬆軟，唔會嚡口茄醬有好重既鮮茄味，帶有少少酸味，唯獨差少少甜味，令成個醬汁變得唔夠突出我地兩個人仲點在個瑞士雞翼做小食雞翼入哂味，甜甜地咸咸地雞肉唔會煮到過火，仍然有嫩滑多汁既口感最後加廿八蚊order埋個甜品啦我揀在款芝士蛋糕🍰比一般食開既實身，但仍然有好濃既芝士味而女友當然會選擇心太軟啦⋯⋯佢至愛嘛最後我係食唔到架因為佢獨享

上星期工作十分忙碌， 今日放假想找個地休息一吓。 香港人生活節奏實在太快，今日真係要找間cafe 慢食慢活一天， 好好享受生活。「孖啡」係一個不錯嘅選擇，餐廳都幾大，有多間房，可以俾客人用來攪 Party。 坐了不久，我哋叫哋兩個lunch set 《忌廉煙三文魚配天使麵 $104》& 《鮮茄焗豬扒飯 $102 》，跟餐仲包一杯$38嘅飲品， 多咗補差額就得。 《忌廉煙三文魚配天使麵 $104 》 煙三文魚製成玫瑰花形狀， 外觀不錯， 使我胃囗大開！天使麵口感煙韌， 入口彈牙， 煮嘅時間剛剛好， 沾上香濃嘅的忌廉汁，天使麵被忌廉汁包住， 十分美味。 再來個《鮮茄焗豬扒飯 $102 》 ， 上面鋪滿蕃茄同芝士， 仲有一件份量十足嘅豬扒， 豬扒厚切， 口感豐富， 加上有拉絲嘅芝士， 好食！ 如果飯底可以用蛋炒過先再焗， 咁就更香啦 ！ ** 跟餐仲包一杯$38嘅飲品， 多咗補差額就得啦! 叫咗杯《女皇 $48》 ，跟餐補$10。有一層厚厚嘅cream, 好香好滑！《藍莓果茶（熱）$56》， 跟餐補$18。味道酸酸甜甜， 飲完好溫暖呀！食飽之後，又可以玩吓game ，真爽！ 「孖啡」

今日同朋友出左旺角，又想揾個寧靜的地方食下飯吹下水又可以坐耐少少的地方，於是選擇樓上Cafe,系網上揾到孖啡呢間Cafe見網上寫得幾好未來試下。上到來環境很大，座位舒適又很寧靜。中午和晚餐餐牌都是一樣的，只是價錢有少少不同。我地點左兩個套餐和加$28芝士蛋糕。黑松露野菌忌廉意大利飯，好濃厚的黑松露味道，食落口啖啖飯粒都沾上黑松露，飯軟硬適中，非常之美味。忌廉煙三文魚配天使麵，麵條幼滑，忌廉汁好creamy,麵條索晒忌廉汁超正，煙三文魚又不會太咸👍特式拼盆：雞翼，薯角，春卷，咖哩角，魚手指和蟹子魚蛋，全部炸物都好新鮮熱辣辣。芝士蛋糕好滑好creamy😋

好不容易約齊人的「女子會」，隨意選了旺角樓上一間cafe。等lip那裡頗窄，晚飯時間等了數架才上到餐廳一入間cafe好熱鬧，平日晚上都坐了7-8成滿價錢中價位，普遍cafe都是這個價位，選擇也不少朋友點的煙三文魚天使麵，賣相不錯，她也說頗creamy朋友點的焗豬扒飯，賣相和味道都很像大xx的皇牌豬扒飯，不錯的呢這個是我點的，肉丸有點像宜家，好味！醬汁是茄汁，有點淡，可更濃味一點整體而言價錢味道中等，環境不算太舒服，質素在旺角cafe中等，沒有回頭的吸引力

同朋友上左油麻地一間樓上cafe食晚飯，咁耐無見，坐底慢慢傾下計，這間Double Cafe地方很大，座位舒適。主要食晚餐，另外還有些小食。朋友想食凱撒沙律做前菜，可惜無得散叫，一定要跟餐，沙律菜份量甚多，有些煙肉碎、番茄仔、麵包粒及巴馬芝士，對女士來說，這個主菜都夠飽肚又健康。我叫的藍莓果茶，初時味道比較淡，但越飲越濃味，而且帶酸，非常消滯。朋友的芒果奶昔，表面的忌廉感覺比較油膩，但她說不算太甜。另外還叫了個鮮茄焗豬扒飯，豬扒厚肉大塊而且很腍，有肉汁及咬口，飯底沒有炒過，不過飯粒尚算爽口，茄汁夠酸，味道令人開胃。忌廉煙三文魚配天使麵，天使麵不會煮得太腍，有些蘑菇片及洋葱一起混合在天使麵中，加上忌廉汁份量適中，不多不少，整體很creamy，加埋煙三文魚咸鮮味，味道絕對有驚喜，而且價錢比外面西餐廳更化算。原來經OpenRice book位送小食一份，每位各一件春卷及咖哩角，炸得幾脆，認真抵食。

最近鐘意去下cafe坐下傾下計，約左個fd出旺角行街，行左陣過左lunch最多人既時間，我地先搵食!我朋友介紹左間樓上cafe佢話唔錯既，咁唔洗諗唔洗上網搵啦!就食呢間!間cafe係旺角油麻地交界，潮流特區斜過對面果條馬路就係，都好易搵好方便!環境以深色為主，係梳化櫈，地方都闊落，幾舒服我地兩個人叫左兩個lunch set..一個小食仲有一份甜品，食到好飽好滿足，仲可以嘆住杯飲品慢慢傾計，hea下放假都係想咁樣輕鬆下咋嘛