天 · 悠蔬食 (已結業)

今次食呢間有好多好有新意嘅素食選擇！離遠望到餐廳就覺得超級夢幻，勁少女！晚市唔算好多人食～入到去都仲有比較多位，好啱同fd傾吓計！我諗少人嘅主因係佢晚市嘅定價比較高！佢午市好似會平一半左右，但係嘢食都係類似嘅～強烈建議大家可以午市去食！抵好多！✨和風照燒汁素鰻魚薄餅 $188 👍🏻👍🏻薄餅比較薄，餅底偏硬，我個人係鍾意呢種🤣調味都唔錯，素鰻魚幾好食！😋✨意大利牛肝菌乾燒伊麵 $178👍🏻伊麵嘅牛肝菌味好出！伊麵都好掛汁～✨泰式奶茶乳酪蛋糕 +$5👍🏻👍🏻呢個味我真係第一次食🤣佢嘅乳酪味同埋泰式味好出！呢個組合令感覺好有趣😲要慢慢品嚐一下！不過係個茶味唔係好出，偏酸少少！但係又幾好食🤣✨巧克力蜜糖吐司遇上香草雪糕 +$38👍🏻個蜜糖吐司水準發揮～個人覺得個吐司可以再脆啲！網上面見啲人話佢整得好有新意🤣可能我點嗰兩個主食平時喺出邊都食到🙈所以冇話特別驚喜～但都好食嘅！如果你想搵個地方好坐一啲，傾吓計，絕對係個好選擇～我哋傾到佢全世界都走晒佢都冇吹我哋🤣服務態度都幾好好！

忙碌工作後，來到荃灣呢間天· 悠蔬食 抖抖氣。店舖以粉紅粉為主調，配以綠色卡位，少女味濃，播放悠揚古典音樂，置身其中令人愉悅﹗中湯：姬松茸竹笙黃耳百合燉湯配涼拌杞子百合黑木耳，入面姬松茸、黃耳、腰果等充足材料 ， 喝起來清澈香甜，更可以滋補強身。前菜:有百合、青瓜、黑木耳、杞子等，微酸爽脆開胃。意大利牛肝菌乾燒伊麵：聞落香濃，雜菜舖面。入面有不同既菇（牛肝菌、冬菇、草菇)等，櫛瓜、蘆筍粒、南瓜片、 醬汁香濃。伊麵沾滿醬汁，食落類似蠔油味，咸香鮮味充滿濃郁菇香味，吃起來毫不油膩。檸檬蜂蜜生薑茶（熱）:養顏解毒，降降自己工作急燥火氣。伯爵紅茶千層班戟:千層班戟看起來吸睛，清淡伯爵紅茶，食完相當圓滿﹗一頓素食後，頓然豁然開朗，舒緩工作懕力﹗

我揀咗好耐生日同屋企人去邊間素店食飯，因為要遷就家人，想素店嘅位置近屋企，但我又唔想去普通/ 傳統中式齋舖食，所以揀黎揀去最終都係去返荃灣嘅悠蔬食食飯。因為我哋有8個人，所以所有晚餐嘅款式都有叫黎試，前菜同湯品嘅質素同之前差唔多，係主菜有D唔同。 砂鍋餛飩菇煲 配珍珠糙米飯 ($168)餛飩係用大豆纖維整嘅素肉制成，唔算太特別，但我發現煲入面嘅鮮竹卷包住嘅餡，味道好似新豬肉，呢樣幾有驚喜。 黑松露蘆筍野菌忌廉燴扁意粉 配鹽酥白靈菇 ($178) 青咖哩野菜猴頭菇 配印度薄餅及飯 ($178)我覺得咖哩汁完全唔辣，反而椰汁味好香濃，鍾意椰汁嘅朋友一定要試，我自己都覺得嗰汁好好食，好啱送飯。配料除咗有蘆筍、黃椒等野菜之外，仲有加咗羅勒葉。 牛油果南瓜紫薯藜麥焗千層闊麵 ($168) 椰香冬陰鮮蔬意大利飯 配吉列蒟蒻 ($168) 牛肝菌粒粒意粉酥皮盒 配苔菜三絲脆卷 ($178)呢款係7月份嘅新菜式，粒粒意粉即係米意粉，食落有咬口，有忌廉同香草味。賣相唔錯。 大啡菇白松露手作薄餅 ($158)我覺得呢到嘅薄餅次次都整得好好食。 意大利牛肝菌乾燒伊麵 ($148)甜品方面，今次嘅乳酪蛋糕轉

好日唔黎一次荃灣，黎一黎發現多左兩間素食餐廳，好有驚喜。依間係悠蔬食既第三間分店，相比尖沙咀同銅鑼灣店，荃灣店既裝修以粉紅色為主，少女心大爆發。另外仲留意到荃灣店不設最低消費，唔洗睇住價錢食。土匪腐皮卷外脆內軟，不過「土匪」味唔算突出，一試無妨。一般食肆既伊麵都有蛋，難得見到有純素既伊麵，緊係要試下啦！賣相好得呀成碟意粉咁，味道亦都好夠，菇都好大方咁落左幾多，抵讚。因為想試下啲湯同前菜，所以叫左個dinner set係和風鮮煮一品豆乳鍋配日本珍珠米，不過唔記得影相。個湯好清甜，飲得出冇落味精，原全係材料既味道。個一品鍋都好正，將成個飯倒入個鍋撈混黎食，好似食泡飯咁，啖啖都有濃郁豆香。最後叫左個魯肉飯，份量有啲少，一個人食都未必夠飽。啲魯肉係用「新豬肉」整，像真度好高，少少地當過下口癮都唔錯。甜品方面大部分都係有蛋奶既，如果可以研發多啲純素甜品就好喇！