The BASE nature (已結業)

* 慢煮紐西蘭香草西冷扒250g $𝟷𝟶𝟾 (原價$𝟷𝟸𝟾) +10%服務費呢個價錢食到慢煮牛扒的確吸引，於是叫兩客5成熟。上枱有對比有傷害，我個客竟然全熟，朋友個客則剛好5成，肉質軟淋，質素竟然有咁大落差。牛味方面雖然部位是西冷，始終紐西蘭但肉味不重，砵酒汁稍嫌有點咸，覆蓋了牛味慢煮牛來說，比之前其他餐廳食過的，肉汁比較少。薯格、沙律質素一般。* 意式泡沫奶茶 (餐飲)奶味偏重，覆蓋了茶味*冷泡蜜桃蘋果綠茶 (餐飲+$5)用茶包冷泡，由於是朋友點的就沒有嘗

又到週六返半晝嘅日子，放工已經差不多兩點，天陰陰想落雨咁，令人提唔起勁，最適合搵間cafe過一個懶洋洋嘅下午。同朋友相約喺荃新天地等，佢一早已經物色到呢間喺馬莎旁邊嘅cafe，平日成日嚟荃灣行街嘅我居然一直冇留意到佢嘅存在。雖然已經兩點但依然有brunch set食，選擇唔算多，但勝在價錢相宜，而且免加一。侍應安排我哋坐喺對住玻璃窗嘅小吧枱，窗外係楊屋道街市嘅景觀，雖然天氣唔係放睛，但有自然光透入嚟，感覺非常舒適。枱面預先放咗薄荷水，涼爽清新。帶子配海鮮墨汁意大利飯份量雖然唔大，但一上枱已經香氣撲鼻。帶子表面煎到微微金黃，肉質厚實而且口感彈牙，感覺非常新鮮。雖然意大利飯望落烏卒卒，外表亦樸實無華，但查實非常有內涵，意大利飯有咬口，配搭嘅醬汁質感細膩，材料亦非常豐富，有墨魚、三文魚、紫菜同木魚絲，仲加入芝士所以有微微嘅拉絲效果，入口口感層次鮮明，滋味非常。紐西蘭香草西冷扒有八安士，尺寸適中，配搭炸蕃薯條同沙律，份量剛剛好，炸蕃薯條夠香脆而且唔油膩，味道香甜，令人食唔停口。西冷扒加入香草慢煮，口感軟腍冇筋，牛味頗濃，配搭砵酒汁亦非常合襯。飲品方面朋友同我都同樣揀咗意式泡沫奶茶，面頭有厚厚嘅

又到星期日出去悠閒一下，今次揀「The BASE」，貪佢有望玻璃窗的bar枱位，一個人hea就最岩，而且張櫈係大張d，坐耐左都仲好舒服。Brunch menu有三文治、經典早午餐、漢堡、沙律、意粉/飯、甜品，連牛扒都有，選擇頗多，價錢＄75-148。飲品亦多款，但部份要加錢。我當然點個早午餐嘆，豐富得來仲可以慢慢嘆，配幾特別嘅飲品，意式泡沫奶茶，個樣同咖啡一樣，但奶茶黎嘅。Full-day breakfast $118一開始被63度溫泉蛋吸引，刺開流出蛋黃好香濃，配牛角包或啡菇都好正。大啡菇連菠菜同63度溫泉蛋，味道好夾，有鮮嫩波菜，啡菇厚肉又多汁，連滑溜溫泉蛋，整體又香滑又嫩又juicy，仲好有飽感。素食蟹餅炸得香口，但得一粒太少，味道清淡，但有絲絲蟹肉口感，加埋沙律醬味道都幾似，做得幾好。烤蕃茄唔馬虎，用rosemary 烤，蕃茄味道濃縮左，又香又濃味且保留多汁。煙肉同火腿微煎香，煮得剛好。薯餅都做得夠脆身，配茄汁豆食唔錯。雞肉腸較乾同硬，因為少脂肪，幾健康。而豬肉腸多汁又油香，肉感非常好，配酸椰菜同食，可消膩。牛角包烘熱左，牛油味突出好香，酥層口感外脆內軟，帶微微咬感。柚子沙田柚

曾經有段時間好迷detox water, 今日竟然見到呢間餐廳為每一檯預備左一瓶午飯時間人流唔多，可能因為最近疫情關係，商場人流亦減少，不過咁就坐得舒服啲，可以食一個寧靜嘅brunch香煎日本刺身帶子配海鮮墨汁意大利飯帶子好厚肉，但欠缺鮮味，risotto 整得不錯，偏軟一點迎合香港人口味，墨汁味香濃，還見到碟邊有一點點橄欖油，令risotto 口感更滑溜。玉桂蘋果反烤撻這個也太好吃了吧！除了賣相吸引之外，還很好吃呢！蘋果烤得軟軟的，而且帶點甜甜焦糖味道，夾雜桂花香氣，令人心曠神怡😍雲呢拿雪糕慢慢地溶化開，吃着吃着又多了一點雲呢拿味道。餅底也很好吃，脆脆的！至於飲品則點了柑桔檸檬冰茶和意式泡沫奶茶，我喝的這杯意式泡沫奶茶，泡沫很多，差不多每一口也有泡沫，喝到最後才見到奶茶的顏色呢！朋友點的檸檬冰茶也很清新~ 就這樣渡過了一個悠閒的中午🙈

一行八人有老人家有小孩，早一日訂座。不得不讚接電話職員好有禮貌，收線前更會講多謝，真係訂位好耐無聽過了。當日中午12點再打來confirm,亦係好有禮貌，因我地等泊車恐防會遲，都無話hold 位幾多分鐘，仲叫你慢慢。食物睇得出比心機做，米形意粉有驚喜，慢煮雞肉沙律，full day breakfast 都唔錯，上菜熱辣辣，午餐平均80多至110元，咖啡亦係唔錯，係位置有啲偏離中庭，所以唔係咁旺，但這亦係佢好處，一家人可以靜靜傾計