意粉狂熱 (皇室堡) (已結業)

黎到商場2樓見到大大個招牌寫住（意粉狂熱）好，等我黎會一會你先。入到鋪頭，有一種好relax嘅感覺，客人多，但唔會覺得好迫一睇個餐牌，款式好多，2個女人仔睇左成15mins, 決定揀$318嘅2人餐上菜速度好快，南瓜粟米忌廉湯好香好creamy, 好好飲喔；袐製炸雞係超水準之作，雞肉好滑好Juicy, 炸皮薄，睇一睇餐牌，原來單點都只係$48，嘩嘩嘩，好抵食喔跟住到pizza黎喇，自家製嘅餅底好薄，有2大塊火腿鋪響面，食落去有陣陣芝士香味溫泉蛋磨菇意粉，淡淡嘅蒜香味道，意粉軟滑，正喔雞肉凱撒沙律份量適中，為食兼大食嘅我，嗌餐之餘，仲嗌多個炸魷魚圈，炸漿薄而脆本身個餐仲有跟埋甜品，可惜我地2個女人仔真係飽到食唔落喇，唯有放棄啦下次再黎呢個商場，我會再同你見面架😍😍

同男朋友喺銅鑼灣皇室堡睇完戲，諗住隨便搵間餐廳食過飯，見到呢間意粉狂熱餐廳，就諗住試下啦！裝修都好舒服，而且比較開揚。 特別欣賞佢嘅燈飾，都係用酒樽而製成。餐廳叫得做意粉狂熱，意粉種類梗係多，足足有十幾 款任你揀， 意粉仲分開好多個唔同系列，分別有蕃茄系列、忌廉系列、橄欖油系列、 羅勒系列同埋和風系列，客人仲可以根據唔同口味，選擇唔同款式。 而且仲可以加$10蚊升級至1.5份量添！ 如果唔鍾意食pasta嘅朋友，仲可以選擇pizza、焗飯、牛扒，仲有各式各樣嘅小食、沙律添。首先叫咗杯Fresh Mango Mojito， 面層放咗一塊薄荷葉，從雞尾酒帶出薄荷清新香味，仲有粒粒芒果肉，味道好fresh！意式炸魷魚圈配他他汁嘅粉漿唔會太厚，魷魚新鮮爽彈， 金黃又香脆，配埋他他汁，非常之好味。香烤安格斯一口牛柳一上碟已經聞到香噴噴，伴碟薯角金黃香脆，非常之有薯味，點埋茄汁食一流。安格斯一口牛柳size切得啱啱好，真係一口食一件，肉質嫩滑，帶有很香牛味。即使放耐左都唔怕，只要喺食之前再放上熱石度熱一熱去， 令牛味更加香，更加突出，食落口仲熱辣辣添，正！點埋燒汁更係無得彈！溫泉蛋蒜香磨菇鮮製意

今日星期二同女朋友睇完套戲後就落黎呢間餐廳再回味一次，之前同老表等左成半個鐘先入到去，今日終於都無咁多人，環境都幾寬敞。今次叫左4樣野食醫肚，呢個場的職員都好細心又好禮貌，係用膳時又經常會留意返食客既進度收返的碟，服務都好窩心，唔錯唔錯。上菜啦~~首先呢個意式炸魷魚圈配他他汁小食，魷魚炸粉又薄，炸既時間剛剛好，咬落去勁彈牙，配埋他他汁甜甜地好清新好開胃，勁新鮮值得一試。跟住到主菜啦，呢個溫泉蛋蒜香鮮蘑菇意粉，個意粉好煙韌又唔會話好乾身，溫泉蛋再加埋的雜菌勁香又爽口。之後就到個細份既明太子海鮮Pizza，賣相都好吸引，蝦仁大大粒、魷魚唔會話整到好乾身，個餅皮有咬口唔會整得太過脆，兩個人食都好夠。到主角出場啦~~~香烤黑安格斯一口牛柳，呢個鐵板安格斯牛柳粒上枱時已經滋滋聲，佢賣點係有粒熱石，當你放涼左的牛柳時無咁好食，咁就放一粒牛柳上去溫熱下，煎一煎...咁就變返非常之好味嫁啦，講返的牛柳，好鮮嫩，就算真係自己煎耐左，入面都仲係好嫩，加埋的薯皮，勁滿足，我覺得係最值得推介嘅菜式之一。最後到飲品啦，因為上次兩個男人食飯就總要有的酒精既，今次就無啦，呢杯Fresh Mango Mojito入口

意大利粉，不知從何時已融入了香港本地飲食文化當中，不少地道茶餐廳皆有供應，但其實意粉屬於易煮難精的類別，意大利人稱煮得好的意粉狀態為Al Dente，認為意粉要煮至外軟 中間帶點半熟不生，吃起來爽滑彈牙而有咬口才算合格，而要做到又真的不是太容易。最近在銅鑼灣皇室堡2樓試了一間以意大利粉為主打的餐廳，閃亮的大型燈泡招牌加上以酒樽做成的吊燈十分創新吸睛，店內裝潢時尚型格，半開放式的設計令空間感大增，座位寬闊，加上為數不少的沙發卡座，更覺舒適。餐牌內選擇頗多，除了主打的意大利粉外，還有沙律小吃和Pizza，最平幾十元已有交易，價錢算是頗貼地及大衆化。在眾多的選擇內，我們又發揮了眼闊肚窄的精神，點來了滿枱的菜式。香草烤雞凱撒沙律，烤香的雞肉尚算幼嫩入味，配上清新爽口的沙律菜和車厘茄，撈上濃香的凱撒沙律汁、巴馬臣芝士粉和脆脆的麵包粒，開胃惹味。特濃南瓜粟米忌廉湯，入口粟米味偏濃，湯汁香甜帶著一絲絲的南瓜蓉，口感Creamy。法式芝士洋蔥湯，湯面放上了一件芝士多士，湯汁呈清澈的深啡色，裡面滿是煲得軟腍的焦糖洋蔥絲，味道濃厚甜香，麵包吸收了湯汁後半軟半脆更顯滋味。芝心帕爾馬火腿薯茸球，圓形的炸波波放

「意粉狂熱」是一間新開的西餐廳，顧名思義，餐廳以意粉作招牌菜，另有其他薄餅小吃供應。 一行六大兩小，點了兩客二人餐，另散點數款頭盤小吃共享。「特濃南瓜粟米忌廉湯」粟米味重，南瓜味不太突出。「法式芝士洋蔥湯」面上放了一件大大的多士，芝士半溶在上，包心吸滿湯汁，下方則墊滿甜香的洋蔥絲。從「帕爾馬火腿」的外觀色澤看來，火腿仍屬年輕，少了一份經過熟成歷練的鹹香風味。 「意式炸魷魚圈配他他汁」炸漿外層略厚及油膩。 「海蝦牛油果法包多士」的味道失重心，不太欣賞。大啡菇一向為小編所愛，所以「焗珍寶大啡菇嚷帶子」這客菜餚評分怎算也不會差。不過，礙於帶子用料普通，未能為大啡菇錦上添花，實屬可惜。「香草烤雞凱撒沙律」出品合預期，但未見驚喜。小編對餐廳的意粉有一定期望，但希望越大失望越大。這客「蒜香白酒汁海蜆意粉」醬汁調味過鹹，海蜆瘦小部份含沙，有頗大進步空間。相比之下，「香草烤雞雜菌羅勒忌廉意粉」的評價明顯更為正面，尤其喜愛原條雜菌及羅勒忌廉汁的味道。薄餅方面，分別試了「瑪格麗特薄餅」及「脆皮腸肉醬大啡菇薄餅」。「瑪格麗特薄餅」的主要配料只有茄醬及水牛芝士，十分清簡，營造出一個集中品評餅底用料的好機會。有