Pizza Bar (已結業)

陪先生去灣仔換身份證，之後我話想食pizza，他竟然帶我去一間酒吧，但又無錯喎，餐廳名真係叫pizza。餐廳在地牢，沿樓梯行落去，地方不算大，分有卡座和bar枱。整體感覺是七十年代懷舊感，雖然如此，佈置並不殘舊。餐廳不斷播着懷舊廣東歌，初頭覺得好大聲，但聽聽吓又覺得耳熟能詳，好有親切感。打開餐牌，主要是薄餅、意粉、沙律、牛扒、湯和小食。鹽燒牛脷（$58） ～想不到咁大碟，好抵食。牛脷只用鹽作調味，食到牛脷獨特味道，香噴噴，而且燒得剛好，軟腍適中。煙肉寬麵（$78）～又好大碟，非常香。味道鹹香又creamy。雖然是火腿不是餐牌寫的煙肉，不過蘑菇片和青豆都好好食。闊條麵很能掛醬汁，每啖都有醬有餸好好味。愛神百勝批（$118）～這是今餐的主角，即叫即做要等15分鐘，不過非常值得。這個批沒有for二人的迷你版，所以明知食唔曬都只好叫regular 普通size，食唔晒就打包吧。愛神百勝批有兩個特點：一是爆餡，餡料多到滿瀉：辣肉腸、莎樂美腸、火腿、蘑菇、甜椒、洋蔥和大量半融化芝士鋪滿批面；二是批底很脆，它屬薄批底，薄得來又有點麵包+餅乾的口感，真係條邊都好好食。Fruit Punch（$69）～

路過灣仔見到一間舊式裝修嘅Bar 充滿懷舊色彩同氣氛，令我勾起小時候跟朋友落酒吧嘅趣事。餐廳個名叫Pizza Bar，咁一定要點個Pizza 試下啦。▪️愛神百勝批 Venus The Goddess Of Love （Regular Size) $118Pizza 餡料有莎樂美腸、意式辣肉腸、火腿、蘑菇、甜椒同洋蔥等配料，Pizza 係用薄批底食落夠脆，都唔錯。呢個價錢覺得幾抵食。▪️蜆肉周打湯 Clam Chowder Soup $55個湯夠晒香濃，蜆肉都幾多，鍾意濃湯就啱晒。▪️茄香海鮮意粉🌶 Tagliatelle Alla Marinara $109海鮮主要係蝦肉同魷魚，意粉嘅軟硬度啱啱好，加埋自家製嘅辣茄醬，辣度啱啱好又唔會好辣，酸酸辣辣幾開胃。▪️椒鹽炸雞翼 Spicy Chicken Wing $53雞翼都炸得好香脆，用椒鹽去炸夠惹味。

環境3分：行條長長嘅樓梯落去即刻見到張吧檯，然後入面大部分都係卡位。燈光暗黃，都可以叫做有情調。有舊式英式酒吧feel，但大部分都係上左年紀嘅人，唔多見到好多後生仔女，所以畀3分。 衛生4分：地方偏舊，但都算乾淨，所以有四分。 服務4分： 有三四個夥記不停行嚟行去，估計其中一個應該係老細。服務算快，又唔會長氣介紹依樣嗰樣，所以畀四分。味道4分：叫左個愛神百勝批，入面有啲火腿蘑菇洋蔥之類，芝士又夠多，出嚟熱辣辣，都算好食，可以畀四分。 抵食3分：123蚊regular size有六塊pizza咁多，其實都ok算抵食。但係一坐低就有兜nuts，當然係收錢嗰隻，感覺上有啲搵笨。本來有四分，但扣一分nuts，所以抵食只有三分。

上星期四師傅正喺度發呆之際, 腦海忽然閃出好友食家"乜都放入窿", 噢! 原來師傅好掛住佢! 正喺度諗緊好友食家"乜都放入窿"的時候, 師傅嘅手機竟然彈出一條短訊, 就係由好友食家"乜都放入窿"發送出黎的, 啲時間竟然咁得意! 原來好友食家"乜都放入窿"想搵師傅當天晚上食飯, 咁啱師傅當日又得閒, 食飯當然冇問題啦!好友食家"乜都放入窿"就提議黎呢間食店, 師傅當然冇問題, 皆因早一陣子已經同好友食家"乜都放入窿"黎過一次, 由於師傅太忙所以未有時間寫食評; 既然再黎, 師傅當然要寫番個新鮮熱辣嘅食評啦!大約晚上八時半到達, 喺步入食店前發現九點前依然係歡樂時光, 咁就正正啱晒好友食家"乜都放入窿"同埋師傅啦! 入到食店鬼死咁多人, 幸好唔使好耐就有一張寬敞嘅枱, 坐底後就即刻腸下有咩好食, 師傅就冇咩所謂, 所以最後將個波就橫傳比好友食家"乜都放入窿", 最後就決定柯打愛神百勝批, 蜆肉會意粉同埋炸春卷, 每人各柯打一杯大生啤!食物未登場時, 師傅當然係同好友食家"乜都放入窿"啤一啤, 再吹下水啦! 吹左都唔係好耐就已經有得食, 而第一道菜登場的是炸春卷, 繼而係愛神百勝批同蜆肉會意