叁嘗 (已結業)

今日我踏出左人生嘅一大步，就係去到北角食晚飯啦！作為新界人，要過海到中環返工已經覺得好遠，今次仲要入埋去北角食飯真係考起晒我。當然要我去到咁遠食飯一定係有好推介啦，有朋友係北角返工算係半個地膽，佢強烈建議我佢公司樓下嘅一間隱世小店。店面唔算好大架，的的式式而且都好有休閒嘅設計感。作為蝦之狂人，當然係一見到有虎蝦沙律就忍唔住手叫啦！平時點得沙律都係想清清地有一種好fresh嘅感覺，但呢個虎蝦沙律特別之處就係佢除咗有一種好清新嘅感覺之外，兩隻燒得啱啱好嘅、大大隻虎蝦再加上調味嘅七味辣粉。成功令到成碟沙律清淡之餘又有一種獨特嘅新鮮感，非常適合我呢啲重口味人士。朋友真係好鍾意食鰻魚，所以佢二話不說就話要食鰻魚飯。成條鰻魚原條上唔切開，真係可以做成視覺上嘅震撼感覺！除咗鰻魚之外滑蛋亦都令到成個飯鰻魚飯加分不少，並唔會因為條鰻魚太肥美就有種過分油膩嘅感覺，配合得恰到好處。自從去完加拿大之後愛上食魚類同海鮮類，返到嚟香港之後就一路好難再搵到一間餐廳可以煮得三文魚啱啱好，通常都會煮得太過乾身而失去左嫩滑嘅魚肉口感。但呢啲菜式完全係高水平發揮啊，三文魚仍然非常之嫩滑重有肉汁，完美咁保留左三文魚魚油嘅香味

今次試咗上環新開嘅日式西式餐廳我覺得佢唯一嘅缺點就係位置我唔算好熟悉但係食完佢啲嘢之後 我就覺得係值得去試嘅📌叄嘗卷首先我試咗佢嘅卷物 呢個係餐廳推介嘅佢個賣相非常吸引 所以我係咁影相粉紅色嘅卷物真係非常適合大家打卡而且佢材料好豐富當中包括炸蝦 吞拿魚 牛油果仲有兩個醬嘅添真係無論賣相定係味道都一百分📌蕃茄青口佢一樣個賣相好吸引 個番茄醬都好濃郁仲會有啲煙肉撈埋一齊食 比起其他餐廳更加有誠意📌慢煮三文魚而家我成餐飯最推介嘅就係呢個慢煮三文魚因為佢慢煮嘅關係所以要等25分鐘 但係我冇諗過慢煮出嚟之後條魚係好滑嘅所以係值得等25分鐘㗎而去旁邊嘅薯仔同南瓜醬都煮得好有水準呢個係我真心推介俾大家嘅📌飲品方面 我仲叫咗檸檬薏米水都只係$15都幾划算📌朋友叫左latte 佢係好多泡嗰款如果你唔想飲咁多泡 落單前就記得同佢哋講聲啊總括而言依間餐廳真係好值得去👍🏻