百味 (已結業)

去年冬至因疫情關係只能在家吃，今年疫情稍為緩和，一於外出做冬。天氣稍為降溫，食麻辣酸菜魚就最啱，於是來了百味，這裏的酸菜魚非常到家，是我常來的餐廳之一。坐下要了三碟小吃/前菜，分別有慢煮牛肋條、魔鬼牛雜、麻辣吐絲。這三碟小吃真的非常經典，差不多每一桌都會叫上一了、兩碟，牛肋條炆煮得相當軟腍入味，配上蘿蔔，簡直完美。其他地方的牛雜怕不乾淨，百味的牛雜一定可以放心食，而且味道相當不錯，乾淨入味又軟腍。麻辣吐絲有些許咬口，不算太辣，但麻味很能讓人接受。主菜當然要吃他的酸菜魚鍋，酸菜魚的份量相當巨大，嫩白的魚片十分誘惑，我小心地夾起一塊魚肉放入嘴裡，絲滑鮮嫩，沒有魚腥，祇有鮮甜。實在讓人欲罷不能，吃得停不下來。我們吃了很多塊魚肉後，盆裏還有！又一次表揚店家的實誠。另外，湯底的酸菜也受到朋友的表揚，酸菜不是齁鹹的那種，鹹香適中，剛好解膩。而我更喜歡下面的粉帶，滑溜溜又彈牙。再來的是粉絲雜菜煲，店家不惜工本除了有娃娃菜、鮮蘑菇、西蘭花、芥蘭、粉絲外，還有很多蝦乾，所以湯底亦特別鮮甜。粉絲吸收了鮮甜的湯底，份外好食。

這間位於禮頓道地面的中菜館， 除了煲仔菜和小炒之外還有很多百味小碟，即是細細碟分量不多不少的小菜，有不同味道、不同食材的菜式，點多幾碟，試多點不同口味簡簡單單地點幾碟小菜，再叫碗白飯，簡單好食慢煮牛肋條($50)入口即化，調味醬汁的味道濃郁而唔膩，用嚟撈飯亦一流，蘿蔔又淋又多汁山楂豬手($50)味道似薑醋，當中食得出有山楂的香味，豬手夠淋，皮夠滑，驚喜地肉多過骨山楂咕嚕肉($120)比糖醋排骨少了點酸味，咕嚕肉炸得香脆又唔肥，非常開胃花菇扣鴨掌($45)，花菇夠靚夠肉厚，渾圓飽滿，鴨掌炆到軟淋入味打開三杯雞煲(細)($140)的煲蓋，香味撲鼻而來，雞件較細但肉質滑彈牙，有蔥，有芫茜，有洋蔥，有九層塔，又香濃又惹味

今晚收工去試新餐廳，地點係銅鑼灣禮頓道既百味。百味係有粵菜同川菜。餐牌有前菜，小食，廚師推介，煲仔，精選佳餚，飯類，拌麵，飲品等，居然有沙律食，晚市先有加一同茶水每位$5。第一次黎，叫左幾個菜式試試。酸菜鱸魚鍋 細 $160 另加一酸菜鱸魚鍋有例同細，細係預1至2位用。鱸魚片連皮，超嫩滑，分量唔少。個鍋仲有好多芽菜，酸菜，雲耳，寬粉，加左少少辣椒粒同香莤。個湯味道酸辣適中，啱港人口味。三杯雞煲 細 $140 另加一三杯雞煲有例同細，細係預1至2位用。雞煲新鮮滾熱辣上枱，連皮雞肉好多舊，質感嫩滑，味道好入味，冬天食正。其他配料有蔥，蒜，薑，香莤。呢個煲送飯一流。慢煮牛肋條 $50 另加一慢煮牛肋條熱辣辣上枱，牛肋條一客四大條，整得又稔又嫩，味道好入味。白蘿蔔5大件，又稔又甜。上面灑上少少蔥花，個汁係好味嘅柱侯牛腩味。呢個餸$50都幾抵。鹹魚醬炒芥蘭 例$85 另加一鹹魚醬好冶味，夾埋翠綠芥蘭一齊好好食，又唔會過鹹。估唔到今餐所有餸都好味道，我哋食個碗底朝天。地方都尚算乾淨企理。一個地方有齊川菜同粤菜食都幾好。

星期六和家人一起提早慶祝父親節，去了這間在銅鑼灣禮頓道新開的中餐廳食晚飯。環境ok，可能新開關係，6:30pm左右都唔算太多人。試了他們的幾個菜。酸菜龍蝦🦞，原來酸菜可以配龍蝦而味道都幾好！鮑魚雞煲唔錯，香味撲鼻，山楂咕嚕肉有鑊氣！慢煮牛肋條送飯正。又叫左酥炸生蠔，小朋友鍾意食香炸嘢，仲有叫咗皮蛋魚片泡飯和蠔仔泡飯，大家食到好飽，每人大約$200左右，味道唔錯！總體服務幾好，小菜餐廳，一家大細坐得舒服。