妹豬無激素雞專門店 (已結業)

觀塘駱駝漆大廈3座開左一間係主打無激素雞嘅餐廳，是用慢煮既方式烹調無激素雞無激素雞🐔係啲雞仔只吃天然穀物，無打針令雞仔加速長大，會更加健康，而且無激素的雞吃天然穀物所以所含的營養都比較高👍🏽 食得健康很重要呀❣️每款飯都會送上花生眉豆木瓜無激素雞老火湯🥣湯料都是足料的，好清甜而且飲得出係無味精的。🔸慢煮無骨滑雞飯 $88因為慢煮令雞皮爽薄平時唔食雞皮的我都忍唔住食左喔😆，雞肉嫩滑😙食落啖肉好yummy yummy ar😍個醬係自家調製係甜豉油配上蒜蓉及小許嘅辣椒，只係小小的辣味調一調令更惹味飯是加入了糙米同藜麥，營養價值提升左🔸慢煮秘製沙薑雞飯 $88雞的味道是一樣，分別係醬汁。呢個叫左沙薑醬，沙薑香味散發出黎，唔會好咸，配雞同個飯好夾呀❣️另外再叫咗兩款小食🔸妺豬翠嫩菜心苗($18)食吓啲蔬菜會更健康呀，啲菜都嫩綠🔸溏心蛋($9)呢個溏心蛋都好好味呀🤤 因為用左玫瑰酒黎浸過，好有酒味呀🍶 溫馨提示🤓 如果有啲口味係好想食既話，記住打定電話預留定呀，因為賣晒就無喔🤫

妹豬無激素雞專門店🐣@mui_chu_hormone_free_kitchen 人大咗就更加重視健康，食雞嘅時候會選擇無激素嘅雞之外，因為大家都怕攝取過量類雌激素會導致不育，甚至誘發癌症🤧餐廳標榜出售嘅無激素雞每隻都係自然長大80日，冇打針催谷💉 拎埋「香港標準及檢定中心」嘅「雌激素安全證書」就食得安心又放心🎖除咗激素之外，都會多啲揀雞胸💪🏽 但又怕煮得唔好而肉質好柴🥲 呢到每隻雞都係獨立包裝低溫慢煮兩個半鐘，完全保存左雞肉嘅精華同營養🔒套餐包碗足料花生眉豆木瓜無激素雞老火湯，紅蘿蔔同木瓜都有幾舊，足料又味道清甜，飲完唔會覺得口乾🥕有黃金穀物之稱嘅藜麥，營養價值豐富🌾 有常見嘅白、紅、黑色🎴 藜麥同白飯嘅平均適中，所以吃落會覺得好有嚼勁，而唔會話太硬唔好咬😬慢煮無骨滑雞飯😌慢煮秘製沙薑雞飯🏜等緊嘅時候聽到師傅喺廚房手起刀落嘅斬雞聲🔪 夜晚去到想試嘅玫瑰油雞已經賣晒😭 雞肉皮薄低脂，肉質鮮嫩🤩 雞脾同雞胸都有✌🏽原來兩款雞嘅味道係一樣，分別在於個醬汁！ 一款係似海南雞嘅黑醬油，另一款就係沙薑汁😎溏心蛋 🫠食雞就梗係要配埋雞蛋啦，嚟個親子丼🥚 切半嘅溏心蛋，流出半熟嘅蛋黃，花雕酒味好重🍶妹

🐓慢煮無骨滑雞飯好味指數：👍🏻👍🏻👍🏻👍🏻👍🏻店家係採用有證書嘅無激素雞，食客都可以食得安心又放心。而且雞肉都係好嫩滑以及唔肥唔油膩，岩哂想補充下強白質但係又唔想食肥膏嘅女士們。呢一款口味嘅醬汁主調係甜豉油，配上蒜蓉及小許嘅辣椒。佢巧妙嘅地方就係，佢味道非常有層次，佢前調係甜豉油嘅香甜，後勁就帶一點點嘅辣，辣嘅程度係俾你感覺到少少然後就消散左，非常有趣。白飯同時加左藜麥，加強飽肚感。🐓慢煮秘製沙薑雞飯好味指數：👍🏻👍🏻👍🏻👍🏻唔同款嘅雞飯就係個醬汁唔同。呢款嘅沙薑汁係食到沙沙嘅口感同埋較重嘅雞味，薑味就唔太突出，不過如果想食得比較清少少，主要想食雞香味嘅朋友仔就可以簡佢啦。🥚糖心蛋好味指數：👍🏻👍🏻👍🏻👍🏻👍🏻質地上同平時食到嘅糖心蛋一樣，但係最令人驚喜嘅地方，就係佢嘅汁。店家應該係用左酒去調汁，入口先會有甜味，後勁係酒嘅回甘，真係好食又特別。🪑環境：店鋪設計好簡潔，俾人一種好寧靜舒適嘅感覺，適合1-4人入座。以下係餐牌俾大家參考一下：