The Steakhaus

营业中

休息中

<M5和牛牛內裙+蘆筍🥩 $168>我第一次食牛內裙 原來都幾好食 和牛肉質鮮嫩多汁 相對上會更加肥美🤤蘆筍都幾清爽 同和牛一齊食都幾夾❤️<黑毛豬鞍架配火腿脆片及紅酒蘋果🐖 $108>黑毛豬肉質鮮美 比我想像中更加軟熟🥹搭配火腿脆片同紅酒蘋果 口感都幾豐富😋<卡真甜薯條🍟 $38>必食‼️ 番薯條味道甜甜地 炸得都好香脆 點埋個沙律醬真係一流 好好味🥹<西班牙油炸鬼+雪糕 $58🍨> 必食‼️ 想食呢款甜品好耐㗎啦 Churros新鮮炸起 外脆內軟 外面仲裹咗好多肉桂粉同糖粉 再點埋藍莓芝士雪糕 真係好正🥰<成人水果茶🍹$78>呢款雞尾酒好啱女仔飲 真係好易入口🙂‍↕️超級多水果 真係好清爽✨

朋友今次帶我去位於太子的The Steakhaus食扒、飲杯酒，位置有點隱蔽，平時好少經過這裡。餐廳內裡的裝潢擺設以啡及橙色為主，帶點懷舊溫暖的感覺。有扒類、意粉、小食等選擇，也有不少特色飲品。精緻的酒杯盛載著成人水果茶 $78，表面泡沫豐盈，酒精好少易入口，水果茶香甜解渴，配之後點的牛扒、意粉味道很夾，內裡有多粒荔枝及菠蘿肉，好豐富。滿滿蜆肉蝴蝶粉 $118蜆肉佔了半隻碟好豐盛，蜆肉鮮味無沙，蝴蝶粉少許煙韌，醬汁是香辣忌廉汁幾惹味。安格斯Prime有骨肉眼 15oz配沙律 $258肉眼扒煎得金黃色相當吸引另加奶油蒜蓉蝦 $58，份量不少，蝦肉新鮮彈牙可口，濃濃的蒜蓉味好美味。肉眼大約五成熟，煎得外面脆邊，有牛肉香味，質地夠腍。

太子近年很多優質又經濟的餐廳，是晚與友人來到這家裝修帶懷舊風格，專吃扒的餐廳試試。卡真甜薯條: 炸蕃薯條炸皮很薄，蕃薯條香甜，配上加了卡真粉的蛋黃醬很惹味，是岀色的小食。滿滿蜆肉蝴蝶粉: 蜆肉量真的非常多，表面的蝴蝶粉下大部分都是蜆！每人應該分到了20隻。蜆肉新鮮無沙，火候剛好，配上忌廉汁很好吃，蝴蝶粉也煮得剛好，超值美味。安格斯Prime西冷配烤大蒜: 餐廳的肉類均預設熟度，此塊西冷煎得很好，外表焦香有脆邊，內裡肉質仍嫩紅有肉汁，沒有血水。西冷油香，用上不少牛油及香草煎，配上旁邊烤得完好的大蒜，香而不辣，很岀色。奶油蒜蓉蝦、奧斯卡(螃蟹和蘆筍): 配菜選擇也不少，貪心選了2款。奶油蒜蓉蝦蝦肉大隻爽口，奶油汁惹味香濃，$58有8隻蝦可說超值。奧斯卡即是螃蟹和蘆筍，煎香的蘆筍上加了不少蟹肉，醬汁面炙燒過更添香氣，也是不錯的配菜選擇。綠色小沙律: 雖然叫小沙律但份量其實不少，雜菜沙律菜及蕃茄仔用油醋汁拌勻，蔬菜新鮮，口味開胃清新。成人水果茶: 餐廳有數款特色Cocktail，選了成人水果茶，香甜的水果茶加了點酒，清爽易入口，酒味不過濃，很好喝。西班牙油炸鬼配雪糕: 西班牙油炸鬼熱辣辣炸得香